vlk

ដោយៈ ម៉ាលីនណា ភ្នំពេញៈ លោកជំទាវបណ្ឌិត ជា សិរី ទេសាភិបាលធនា​គារជាតិនៃកម្ពុជា បានអនុញ្ញាតឱ្យគណៈគ្រប់គ្រងជាន់ខ្ពស់ក្រុមហ៊ុនភតិសន្យាហិរញ្ញវត្ថុ តូយ៉ូតា ស៊ុយស៊ូ ហ្វាយនែន (ខេមបូឌា) ភីអិលស៊ី ដឹកនាំដោយឧកញ៉ាគង់ នួន ជាប្រធានក្រុមប្រឹក្សាភិបាល ចូលជួបសម្តែងការគួរសម និងពិភាក្សាការងារ។ ក្នុងជំនួបនេះ ឧកញ៉ា គង់ នួន បានជម្រាបជូនពីដំណើរប្រតិបត្តិការរបស់ក្រុមហ៊ុន គិតចាប់ពីបង្កើតដំបូង និងបានស្នើសុំអនុសាសន៍ ទាក់ទងនឹងការរៀបចំឯកសារ ក៏ដូចជាទម្រង់បែបបទនានា សំដៅសម្រេចបានអនុលោមភាព ដើម្បីពង្រីកប្រតិបត្តិការអាជីវកម្ម ឱ្យបានកាន់តែទូលំទូលាយ។ ឧកញ៉ាក៏បានលើកឡើង ពីសក្តានុពលសេដ្ឋកិច្ចនៅកម្ពុជា ដែលបានទាក់ទាញភាគទុនិកជប៉ុន ឱ្យបន្តចូលរួមក្នុងផែន​ការពង្រីកអាជីវកម្មបន្ថែមទៀត។  ជាការឆ្លើយតប លោកជំទាវទេសាភិបាល បានសាទរចំពោះដំណើរវិវត្តន៍វិជ្ជមាន នៃប្រតិបត្តិការរបស់ក្រុមហ៊ុននៅកម្ពុជា និងស្វាគមន៍គំនិតពង្រីកប្រតិបត្តិការអាជីវកម្ម និងការតាំងចិត្តបំពេញអនុលោមភាពបន្ថែមទៀត។…

ភ្នំពេញ ថ្ងៃទី១៦ ខែសីហា ឆ្នាំ២០២៤៖ ធនាគារ ហត្ថា ដែលជាក្រុមហ៊ុនបុត្រសម័្ពន្ធរបស់ ធនាគារ ក្រុងស្រ៊ី ដែលជាធនាគារពាណិជ្ជធំជាងគេលំដាប់ទី៥ នៅក្នុងប្រទេសថៃ និងជាសមាជិកនៃសម្ព័ន្ធហិរញ្ញវត្ថុអន្តរជាតិ MUFG សម្តែងនូវមោទនភាពចំពោះគម្រោងអគារការិយាល័យកណ្តាលថ្មីរបស់ខ្លួនដែលមានកម្ពស់២២ជាន់ ស្ថិតលើមហាវិថីសម្តេចតេជោ (ផ្លូវ៦០ម៉ែត្រ) នៅក្នុងរាជធានីភ្នំពេញ ដែលគ្រោងនឹងបញ្ចប់នាពេលដ៏ខ្លីខាងមុខនេះ។ គម្រោងអគារដ៏លេចត្រដែតនេះ ដែលមានទំហំផ្ទៃក្រឡាប្រមាណ ៤០,០០០ ម៉ែត្រការ៉េ គឺជាសក្ខីភាពនៃការប្តេជ្ញាចិត្តដ៏រឹងមំាក្នុងបេសកកម្មរបស់ខ្លួន ចំពោះប្រទេសកម្ពុជា ព្រមទាំងអតិថិជន ផងដែរ។ គម្រោងអគារ​ការិយាល័យថ្មី​នេះ គឺជាផ្នែកដ៏សំខាន់មួយនៃ​ចក្ខុវិស័យ​យុទ្ធសាស្ត្រ​របស់​ធនាគារ ​ហត្ថា។ រចនាបទបែបសហសម័យ រួមជាមួយនឹងគ្រឿងបរិក្ខារដ៏ទំនើបទាន់សម័យ បង្ហាញពីការប្តេជ្ញាចិត្តរបស់ធនាគារក្នុងការបំពេញតម្រូវការដែលមានការវិវត្តឥតឈប់ឈររបស់អតិថិជនដ៏មានតម្លៃរបស់ខ្លួន។ គ្រឿងបរិក្ខារនេះ រួមបញ្ចូលគ្នានូវមុខងារជាច្រើនជាមួយនឹងសោភ័ណភាពដ៏គួរឱ្យទាក់ទាញ ដោយផ្តល់នូវសេវាកម្មអតិថិជនកម្រិតស្តង់ដារខ្ពស់ រួមមានសេវាធនា​គារអិចឃ្លូស៊ីវ (exclusive banking services) ការិយាល័យធ្វើការ បន្ទប់ប្រជុំ…

ដោយៈ ច្រាយ ចំណាន ភ្នំពេញៈ លោកឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំបានប្រជុំពិនិត្យ និងផ្តល់យោបល់លើក្របខ័ណ្ឌគាំទ្រ សម្រាប់ការអភិវឌ្ឍសួនកសិ-ឧស្សាហកម្មនៅកម្ពុជា។ បន្ទាប់ពីបានទទួលស្តាប់ ការធ្វើបទបង្ហាញ លោករដ្ឋមន្ត្រី បានណែនាំឱ្យក្រុមការងារចាំបាច់ ត្រូវធ្វើការសិក្សានិងយល់ពីការងារនេះឱ្យបានច្បាស់លាស់ បូករួមការគិតគូរពី​ទីតាំង​ ហេដ្ឋារចនាសម្ព័ន្ធ​ ទំហំផលិតកម្ម ការដឹកជញ្ជូន​ និងចំណាយផ្សេងៗ ដើម្បីអភិវឌ្ឍប្រកបដោយប្រសិទ្ធភាព​ និងប្រសិទ្ធផល៕

ដោយៈ ម៉ាលីនណា ភ្នំពេញៈ លោកសុខ សុភ័ក្ត្រ រដ្ឋលេខាធិការក្រសួងពាណិ​ជ្ជកម្ម បានអញ្ជើញដឹកនាំកិច្ចប្រជុំ ពិភាក្សាលើការត្រៀមរៀបចំព្រឹត្តិការណ៍ “អបអរសាទរខួប២០ឆ្នាំ នៃកម្ពុជាចូលជាសមាជិកអង្គការ WTO” ។ កិច្ចប្រជុំនេះ រៀបចំឡើងដើម្បីពិភាក្សា លើចំណុចមួយចំនួនដួចជា ទ១.) សេចក្ដីព្រាងរបៀបវារៈកម្មវិធី ២.)វឌ្ឍនភាពនៃសេចក្ដីព្រាងរបាយការណ៍ស្ដីពី “ដំណើរ២០ឆ្នាំរបស់កម្ពុជាក្នុងនាមជាសមាជិកអង្គការ WTO” ៣.) សេចក្ដីព្រាងសេចក្ដីសម្រេចស្ដីពី ការបង្កើតគណៈកម្មការ និងអនុគណៈកម្មការរៀបចំព្រឹត្តិការណ៍ “អបអរសាទរខួប ២០ឆ្នាំនៃកម្ពុជាចូលជាសមាជិកអង្គការ WTO” ព្រមទាំងពិនិត្យលើវឌ្ឍនភាពការងារពាក់ព័ន្ធផ្សេងទៀត សម្រាប់ត្រៀមរៀបចំព្រឹត្តិការណ៍ “អបអរសាទរខួប២០ឆ្នាំ នៃកម្ពុជាចូលជាសមាជិក អង្គការពាណិជ្ជកម្មពិភពលោក (WTO)”៕

ដោយៈ និស្ស័យ ភ្នំពេញៈ បើទោះជាទំហំទឹកប្រាក់សងយឺត បានកើនឡើងដល់អត្រាជាង៩ភាគរយក្តី ប៉ុន្តែសុខភាពនៅក្នុងវិស័យនេះនៅតែមានសភាពល្អប្រសើរនៅឡើយ។ នេះបើតាមលោកកាំង តុងងី ប្រធាននាយកដ្ឋានទំនាក់ទំនង នៃសមាគមមីក្រូហិរញ្ញវត្ថុកម្ពុជា។ លោកបានមានប្រសាសន៍ឲ្យដឹងបែបនេះ ក្នុងពេលអញ្ជើ​ញធ្វើបទបង្ហាញ ក្នុងវគ្គបណ្តុះបណ្តាញជំនាញ សរសេរសារព័ត៌មានសេដ្ឋកិច្ច និងចំណេះដឹងពន្ឋដា រៀបចំដោយសមាគមសហគ្រិនសារព័ត៌មានសេដ្ឋកិច្ចកម្ពុជា (CEMEA) និងសមាគមសេវាកម្មសហព័ន្ឋពន្ឋដាកម្ពុជាកាលពីថ្ងៃទី១៨ សីហាកន្លងមកនេះ។ លោកកាំង តុងងីបានបន្តថា បច្ចុប្បន្នទំហំឥណទានក្នុងវិស័យនេះ មានទឹកប្រាក់ជាង៥០០០លានដុល្លារអាមេរិក និងប្រជាជនជាង១,៥លាននាក់ បាននិងកំពុងប្រើប្រាស់សេវាកម្មឥណទានពីស្ថាប័នមីក្រូហិរញ្ញវត្ថុនានា។ លោកបញ្ជាក់ថា “ទំហំប្រាក់កម្ចីសងត្រលប់យឺត ឬខូចមានអត្រាជាង៩ភាគរយ ប៉ុន្តែតួលេខនេះទាប បើធៀបនឹងប្រ​ទេ​​សថៃ វៀតណាម ម៉ាឡេស៊ីជាដើម មានអត្រាសងត្រលប់យឺតរហូតដល់២០ ទៅ៣០ភាគរយ”។ លោកបន្តថា ទោះបីអត្រាសងត្រលប់កើនឡើងក្តី ប៉ុន្តែជារួមសុខភាពក្នុងវិស័យនេះ នៅតែមានភាពប្រសើរ ដោយសារការរឹតបន្តឹងឥណទាន ការរឹតបន្តឹងមន្រ្តីផ្តល់ឥណទាន…

ដោយៈ គង់ ម៉ាលីនណា ភ្នំពេញៈ លោកជំទាវបណ្ឌិត ជា សិរី ទេសាភិបាល ធនា​គារជាតិនៃកម្ពុជា និងលោក Eli M. Remolona, Jr. ទេសាភិបាល ធនាគារកណ្តាលហ្វីលីពីន Bangko Sentral ng Pilipinas បានអញ្ជើញជាអធិបតី ក្នុងកិច្ចប្រជុំទ្វេភាគីកម្រិតខ្ពស់ និងចុះហត្ថលេខាលើអនុស្សរណៈយោគយល់ស្តីពី ការពង្រឹងកិច្ចសហប្រតិបត្តិការ រវាងធនាគារកណ្តាលទាំងពីរ កាលពីថ្ងៃទី១៩ ខែសីហា ឆ្នាំ២០២៤ នៅខេត្តសៀមរាប។ តាមរយៈអនុស្សរណៈយោគយល់នេះ ក្របខ័ណ្ឌជាក់លា​ក់មួយត្រូវបានបង្កើតឡើង សម្រាប់ដំណើរការពង្រឹងទំនាក់ទំនង និងកិច្ចសហប្រតិបត្តិការទ្វេភាគី រវាងធនាគារកណ្តាលទាំងពីរ ជាពិសេសក្នុងផ្នែកប្រតិបត្តិការធនាគារកណ្តាល ការតភ្ជាប់និងនវានុវត្តន៍ប្រព័ន្ធទូទាត់ នវានុវត្តន៍ហិរញ្ញវត្ថុឌីជីថល ការត្រួតពិនិត្យប្រព័ន្ធធនាគារ ការអភិវឌ្ឍធនធានមនុស្ស និងផ្នែកផ្សេងៗទៀត…