Category ព័ត៌មានសេដ្ឋកិច្ចជាតិ

        ដោយៈ និស្ស័យ         ភ្នំពេញៈ លោកស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអញ្ជើញផ្តល់កិត្តិយ​សជាអធិបតី ក្នុងជំនួបផ្គូផ្គងធុរកិច្ច រវាងសមាគមឧកញ៉ាកម្ពុជា និងសមាគមជប៉ុន-កម្ពុជា ប្រចាំឆ្នាំ២០២៤។ ជំនួបផ្គូផ្គងធុរកិច្ចនាឱកាសនេះ ត្រូវបានរៀបចំឡើងក្នុងគោលបំណង ដើម្បីផ្សារភ្ជាប់ទំនាក់ទំនងរវាងសមាគម និងវិនិយោគិនរវាងប្រទេសទាំងពីរ ស្របតាមចក្ខុវិស័យរបស់ លោកឧបនាយករដ្ឋមន្ត្រី ក្នុងបេសកកម្មគោះទ្វារវិនិយោគនៅឯប្រទេសជប៉ុន កាលពីខែឧសភា ឆ្នាំ២០២៤ កន្លងទៅ។ ការរៀបចំជំនួបផ្គូផ្គងធុរកិច្ចនេះ គឺបានបង្ហាញឱ្យឃើញពីចំណាប់អារម្មណ៍របស់វិនិយោគិនជប៉ុន ទៅលើបរិយាកាសវិនិយោគនៅកម្ពុជា។ ជាក់ស្ដែងកាលពីថ្ងៃទី១ ខែវិច្ឆិកា ឆ្នាំ២០២៤ កន្លងទៅ អង្គការពាណិជ្ជកម្មក្រៅប្រទេសជប៉ុន (JETRO) ប្រចាំកម្ពុជា និងប្រចាំប្រទេសថៃ ធ្លាប់បានសហការរៀបចំសិក្ខាសាលា ដើម្បីជំរុញទាក់ទាញការវិនិយោគ ពីក្រុមហ៊ុនជប៉ុនតាមរយៈយន្តការប្រទេសបូក (Thailand…

ដោយ: គង់ លាងហួរ ភ្នំពេញ: កាសែតរបស់ប្រទេសវៀតណាម Vnexpress បានចុះផ្សាយអត្ថបទមួយដោយចាត់ទុកខេត្តកំពតរបស់កម្ពុជាជាទីតាំងធ្វើដំណើរកម្សាន្តនាពេលចុងសប្តាហ៍ដ៏ល្អមួយ រួមជាមួយនឹងសំណង់ស្ថាបត្យកម្មបែបបារាំង ទីតាំងសំខាន់ៗ និងវប្បធម៌ខ្មែរ។ កំពតជាខេត្តមួយស្ថិតនៅភាគខាងត្បូងនៃប្រទេសកម្ពុជា ដែលមានចម្ងាយប្រហែល១៥០គីឡូម៉ែត្រពីរាជធានីភ្នំពេញ និងមានចម្ងាយប្រហែល៦០គីឡូម៉ែត្រពីច្រកព្រំដែន Xa Xia ក្នុងខេត្ត Kien Giang ប្រទេសវៀតណាម។ក្រៅពីសម្បូរទៅដោយទីតាំងប្រវត្តិសាស្ត្រ ខេត្តកំពតក៏ជា “តំបន់ដាំដំណាំទុរេន”ដ៏ល្បីល្បាញមួយរបស់ប្រទេសកម្ពុជា ដោយមានរូបសំណាកទុរេនដាក់នៅចំរង្វង់កណ្តាលទីរួមខេត្ត។ ខេត្តកំពតមានអគារចាស់ៗដែលនៅសេសសល់តាំងពីសម័យអាណានិគមបារាំង។ នៅសតវត្សទី១៩ ក្រុមអាណានិគមបារាំងបានជ្រើសរើសខេត្តមួយនេះជាមជ្ឈមណ្ឌលរដ្ឋបាលនៅតាមព្រំដែន។រង្វង់មូលទុរេន រូបសំណាកសេះសមុទ្របាញ់ទឹក នាឡិកាយក្ស និងស្ពានឥន្ទនូ (Entanou)ជាសំណង់និមិត្តសញ្ញាប្រចាំខេត្តកំពត ដែលមានទីតាំងស្ថិតនៅជិតគ្នា និងផ្តល់ភាពងាយស្រួលដល់ភ្ញៀវទេសចរណ៍ក្នុងការទស្សនា។ នាឡិកាយក្សនេះត្រូវបានរចនាឡើង ដោយយកលំនាំតាមរចនាបថបុរាណដែលមានរចនាសម្ព័ន្ធរាងស៊ីឡាំង និងទ្រនិចនាឡិកាជាលេខខ្មែរ។នាឡិកានេះមានកំពស់៣៥ម៉ែត្រដែលមានអង្កត់ផ្ចិតមុខចំនួន៩,៧ម៉ែត្រ។កាលពីខែមេសាកន្លងទៅ រដ្ឋបាលខេត្តកំពតបានសាងសង់រូបសំណាកសេះសមុទ្របាញ់ទឹក ដែលមានកម្ពស់៨ម៉ែត្រ និងបែរមុខទៅកាន់ព្រែកកំពង់កណ្តាល។ នៅក្នុងវប្បធម៌ខ្មែរ សេះសមុទ្រតំណាងឱ្យភាពរុងរឿង សំណាង…

ដោយៈ គង់ សូរិយា ភ្នំពេញៈ មន្រ្តីជាន់ខ្ពស់ក្រសួងសាធារណៈការ និងដឹកជញ្ជូន បានបើកកិច្ចប្រជុំជាមួយក្រុមអ្នកជំនាញការ AIIB ដើម្បីពិភាក្សាលើបេសកកម្មចុះពិនិត្យមើលទីតាំងជាក់ស្តែងលើកទី២ និងការរៀបចំគម្រោងជំរុញ ការតភ្ជាប់ហេដ្ឋារចនាសម្ព័ន្ធច្រកទ្វារព្រំដែននៅកម្ពុជា (3CEP)។ លោកវ៉ាស៊ឹម សុរិយា អនុរដ្ឋលេខាធិការក្រសួងសាធារណការ និងដឹកជញ្ជូន តំណាងលោកជំទាវឥម នីថារ៉ា រដ្ឋលេខាធិការ និងជានាយកគម្រោង3CEP បានអញ្ជើញប្រជុំជាមួយក្រុមអ្នកជំនាញការ Asian Infrastructure Investment Bank (AIIB) ដើម្បីពិភាក្សាលើបេសកកម្ម ចុះពិនិត្យមើលទីតាំងជាក់ស្តែងលើកទី២ និងការរៀបចំគម្រោងជំរុញការតភ្ជាប់ ហេដ្ឋារចនាសម្ព័ន្ធច្រកទ្វារព្រំដែននៅកម្ពុជា (Cambodia-Cross Border Connectivity Enhancement Project -3CEP)។ កិច្ចប្រជុំនេះ ត្រូវបានរៀបចំឡើងរយៈពេល២ថ្ងៃ ចាប់ពីថ្ងៃទី១៨-១៩ ខែវិច្ឆិកា…

ដោយៈ គង់ ម៉ាលីនណា ភ្នំពេញៈ លោកកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម អនុញ្ញាតជូនលេខាធិការដ្ឋាន ក្រុមការងារអន្តរក្រសួងរៀបចំសេវាអេឡិចត្រូនិកសម្រាប់ធុរកិច្ច ចូលធ្វើបទបង្ហាញ និងចែករំលែកនូវបទពិសោធន៍លើ ការប្រើប្រាស់ប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មាន (Single Portal)។ កិច្ចប្រជុំនេះបានធ្វើឡើង កាលពីទី១៨ ខែវិច្ឆិកា ឆ្នាំ២០២៤ នៅទីស្ដីការក្រសួងពាណិជ្ជកម្ម លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអនុញ្ញាតជូនលោកគង់ ម៉ារី រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងារអន្តរក្រសួងរៀបចំសេវា អេឡិចត្រូនិកសម្រាប់ធុរកិច្ច ដឹកនាំលេខាធិការដ្ឋានក្រុមការងារអន្តរក្រសួង រៀបចំសេវាអេឡិចត្រូនិក សម្រាប់ធុរកិច្ចធ្វើបទបង្ហាញ និងចែករំលែកនូវបទពិសោធន៍ លើការប្រើប្រាស់ប្រព័ន្ធចុះបញ្ជីអាជីវកម្ម តាមថ្នាលបច្ចេកវិទ្យាព័ត៌មាន (Single Portal)។ ការធ្វើបទបង្ហាញនេះ ក្នុងគោលបំណងបង្ហាញអំពីដំណើការរបស់ប្រព័ន្ធ…

        ដោយៈ គង់ សួរិយា         ព្រះសីហនុៈ លោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានដឹកនាំប្រតិភូក្រសួងមហា​ផ្ទៃ ចុះពិនិត្យទីតាំងសម្រាប់សាងសង់ អគាររដ្ឋបាលក្រុងកំពង់សោម ស្ថិតនៅក្នុងភូមិអុង សង្កាត់រាម ក្រុងកំពង់សោម ខេត្តព្រះសីហនុ។ បន្ទាប់មក លោកអភិសន្តិបណ្ឌិត ស សុខា បានបន្តដឹកនាំកិច្ចប្រជុំជាមួយថ្នាក់ដឹកនាំ មន្ត្រីរាជការ និងកងកម្លាំងប្រដាប់អាវុធ នៃរដ្ឋបាលខេត្តព្រះសីហនុ ពាក់ព័ន្ធនឹងការបង្កើតក្រុងកំពង់សោម នៅសាលប្រជុំសាលាខេត្តព្រះសីហនុ។ ក្រុងកំពង់សោម ត្រូវបានបង្កើតឡើង តាមរយៈអនុក្រឹត្យលេខ២០១ អនក្រ. បក ចុះថ្ងៃទី២៨ ខែសីហា ឆ្នាំ២០២៤ ដោយបានកាត់យកឃុំ ចំនួន៥ ពីស្រុកព្រៃនប់ រួមមាន៖…

        ដោយៈ ម៉ាលីនណា         ភ្នំពេញៈ ប្រធានក្រុមប្រឹក្សាសមាគមមីក្រូហិរញ្ញវត្ថុ លោកជំទាវឌិត នីតា បានលើកឡើងក្នុងកិច្ចប្រជុំមួយ ដោយស្នើរដ្ឋាភិបាលជួយជម្រុញអាជ្ញាធរមូលដ្ឋាន ជួយសហការដើម្បីផ្តល់ចំណេះដឹងហិរញ្ញវត្ថុដល់ប្រជាពលរដ្ឋ។          លោកជំទាវបានថ្លែង ក្នុងកិច្ចប្រជុំមួយកាលពីពេលថ្មីៗនេះថា បច្ចុប្បន្នសមាគម បាននិងកំពុងធ្វើការជាមួយអាជ្ញាធរមូលដ្ឋាន ដើម្បីផ្តល់ការអប់រំចំណេះដឹងដល់ប្រជាពលរដ្ឋ នៅក្នុងខេត្តចំនួន៤ ដែលជាគំរោងសាកល្បងមួយរបស់សមាគម។          លោកជំទាវបានបន្តថា “គំរោងនេះជាផ្នែកមួយនៃភូមិ ឃុំមានសុវត្ថិភាព ព្រោះបើអាជ្ញាធរមានចំណេះដឹងហិរញ្ញវត្ថុ វាអាចជួយប្រជាពលរដ្ឋ”។ លោកជំទាវបន្តថា “យើងបានជ្រើសរើសជនបង្គោលនៅមូលដ្ឋាន បានចំនួនចន្លោះពី៣០ ទៅ៤០នាក់ ហើយបើចង់បានចំនួនច្រើនជាងនេះ ទាល់តែរដ្ឋាភិបាលជូយ”។          លោកជំទាវឌិត នីតាបានបញ្ជាក់ថា ប្រសិនជារដ្ឋាភិបាលលើកឡើងពីចំណេះដឹង និងសុវត្ថិភាពហិរញ្ញវត្ថុ ពួកយើងអាចទៅនិយាយជាមួយអាជ្ញាធរមូលដ្ឋាន ទទួលបានប្រសិទ្ឋភាពលឿន ព្រោះបើប្រើប្រាស់សមាគម ទៅនិយាយក៏ពិបាកផងដែរ។…

        ដោយៈ គង់ សូរិយា         ភ្នំពេញៈ  ក្រសួងបរិស្ថាន បានប្រកាសពីការដាក់ពាក្យចូលរួមដេញថ្លៃជាសាធារណៈ នូវការប្រមូលផល អនុផលព្រៃ​ឈើ​ប៉ាន់​ស្មាន ​ដែល​អាច​ប្រមូលបាន ក្នុងអាងស្តុកទឹក នៃគម្រោងវារីអគ្គិសនីស្ទឹងតាតៃលើ​ ក្នុងខេត្តកោះកុង ដែលមានតម្លៃជាមូល​ដ្ឋាន​ជាង១,៤លានដុល្លារអាមេរិក។ គណៈកម្មការដេញថ្លៃប្រមូលផល អនុផលព្រៃឈើ ក្នុងការសម្អាតអាងស្តុកទឹក នៃគម្រោងវារីអគ្គិសនីស្ទឹង តាតៃលើបាន ជូនដំណឹងដល់សាធារណជនថា គណៈកម្មការ នឹងធ្វើការដាក់ដេញថ្លៃជាសាធារណៈ នូវផលអនុផលព្រៃឈើ បានវាយតម្លៃប៉ាន់ស្មានធនធានព្រៃឈើ ដែលអាចប្រមូល ដើម្បីបង់ថ្លៃសួយសារ និង​បុព្វលាភ ចូលថវិកាជាតិ នៃគម្រោងវារីអគ្គិសនីស្ទឹងតាតែលើ។ សេចក្តីជូនដំណឹង ដែលក្រសួងបរិស្ថាន បានបង្ហោះនាថ្ងៃទី៧ ខែវិច្ឆិកាបានឱ្យដឹងថា បរិមាណ​ឈើ​ឈរ​ចម្រុះ​សរុបមានជាង៧,២១៤ម៉ែត្រគុប ដែលមានតម្លៃជាមូលដ្ឋាន៤៤៥,១៤២ដុល្លារអាមេរិក។ ក្រៅពីនោះ កូនឈើ​ចម្រុះចំនួន១៦,៨០៥ដើម និងអុសសរុបចំនួន៨,៦៨៨ស្ទែរ ដែលមានតម្លៃជាមូលដ្ឋានជាង៣…

        ដោយៈ និស្ស័យ         ភ្នំពេញៈ ក្រុមហ៊ុន BTL Medical Technologies ដែលជាក្រុមហ៊ុនឈានមុខគេរបស់ឆែក មានប្រតិបត្តិការលើផលិតផ​លឧបករណ៍បច្ចេកវិទ្យាវេជ្ជសាស្ត្រ បានបង្ហាញចំណាប់អារម្ម​ណ៍វិនិយោគនៅកម្ពុជា។ លោកស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងគណៈប្រតិភូកម្ពុជាដែលរួមមានពីក្រសួងស្ថាប័នពាក់ព័ន្ធ និងវិស័យឯកជន បានអញ្ជើញទស្ស​នកិច្ចក្រុមហ៊ុន BTL Medical Technologies ដែលជាក្រុមហ៊ុនឈានមុខគេ របស់ឆែកមានប្រតិបត្តិការ លើផលិតផលឧបក​រណ៍បច្ចេកវិទ្យាវេជ្ជសាស្ត្រ។ តាមរយៈកិច្ចប្រជុំនាឱកាសនេះ ក្រុមហ៊ុនបានធ្វើបទបង្ហា​ញជូន លោកឧបនាយករដ្ឋមន្ត្រី និងគណៈប្រតិភូកម្ពុជា អំពីផលប័ត្រផលិតកម្ម បច្ចេកវិទ្យា កាលានុវត្តភាពវិនិយោគរបស់ខ្លួនប្រមាណជាង៣០ឆ្នាំ ក្នុងវិស័យវេជ្ជសាស្ត្រ និងពិភាក្សាអំពីឱកាសវិនិយោគនៅកម្ពុជាផងដែរ។ ឆ្លៀតក្នុងឱកាសនេះ លោកឧបនាយករដ្ឋមន្ត្រី ក៏បានលើ​កទឹកចិត្តឱ្យក្រុមហ៊ុនពិនិត្យលទ្ធភាព ជ្រើសរើសការបណ្ដាក់ទុននៅកម្ពុជា ដោយហេតុថា…

        ដោយៈ គង់ ម៉ាលីនណា         ភ្នំពេញៈ ការផ្លាស់ប្តូរពាណិជ្ជកម្មកម្ពុជា កាណាដាសម្រេចបានទឹកប្រាក់ជិត៩០០លានដុល្លារអាមេរិក កើនឡើងជាង៣០ភាគរយ ក្នុងរយៈពេលបីត្រីមាសឆ្នាំនេះ ធៀបរយៈពេលដូចគ្នាកាលពីឆ្នាំមុន។ យោងតាមទិន្នន័យ​កត់​ត្រា​ ដោយ​អគ្គ​នាយកដ្ឋាន​គយ និង​រដ្ឋាករ​កម្ពុជា​(GDCE) ឱ្យ​ដឹង​ថា ចាប់​ពី​ខែ​មករា ដល់​ខែកញ្ញា ឆ្នាំ​២០២៤ កម្ពុជា​ប្រមូល​ប្រាក់​បាន៨៤៨,៦៨ លាន​ដុល្លារ​ពី​ការ​នាំ​ទំនិញ​ ទៅ​លក់​នៅ​ទីផ្សារ​កាណាដា ដោយ​ចំនួន​នេះ​កើន​ឡើង ៣០,៨ភាគរយ ​បើ​ធៀប​នឹង​រយៈពេល​ដូចគ្នា​ក្នុង​ឆ្នាំ ២០២៣ ដែល​មាន​ចំនួន៦៤៨,៧៧លាន​ដុល្លារ។ ចំណែក​ទំនិញ​កាណាដា​នាំ​មក​កម្ពុជា​មាន​ត្រឹម​តែ៤៧,៣ លាន​ដុល្លារ​ប៉ុណ្ណោះ ធ្លាក់​ចុះ ៥,៦ ភាគរយ​ពី​ចំនួន៥០,១ លាន​ដុល្លារ។ ជញ្ជីង​ពាណិជ្ជកម្ម​កម្ពុជា រយៈ​ពេល៩​ខែ​ដើម​ឆ្នាំ​២០២៤ មាន​ឧត្តមភាព៨០១,៣៨លាន​ដុល្លារ ខណៈ​រយៈ​ពេល​ដូចគ្នា​ឆ្នាំ​២០២៣ មានចំនួន៥៩៨,៦៦ លាន​ដុល្លារ។ អនុ​ប្រធាន​សភា​ពាណិជ្ជកម្ម​កម្ពុជា អ្នកឧកញ៉ាលឹម…

        ដោយៈ គង់ ម៉ាលីនណា         ភ្នំពេញៈ ប្រធានក្រុមប្រឹក្សាភិបាល សមាគមមីក្រូហិរញ្ញវត្ថុកម្ពុជា លោកជំទាវឌិត នីតា បានថ្លែងឲ្យដឹងថា នៅឆ្នាំ២០២៥ខាងមុខ គ្រឹះស្ថានមីក្រូហិរញ្ញវត្ថុធំៗចំនួនបួន នឹងវិវត្តន៍ខ្លួនជាធនាគារ។          លោកជំទាវបានមានប្រសាសន៍ ឲ្យដឹងកាលពីចុងសប្តាហ៍មុនថា ក្រោយពេលគ្រឹះស្ថានទាំងបួន វិវត្តន៍ខ្លួនជាធនាគារ គ្រឹះស្ថានមីក្រូហិរញ្ញវត្ថុនានា នឹងលែងទទួលប្រាក់បញ្ញើរហើ​យ ស្ថាប័នទាំងអស់នឹងដើរតួនាទី ត្រឹមជាអ្នកផ្តល់ឥណទានប៉ុណ្ណោះ។ លោកជំទាវបន្តថា “គ្រឹះស្ថានដែលនឹងវិវត្តន៍ខ្លួនជាធនាគា​របានគ្របដំណ្តប់ចំណែកធំ នៃការផ្តល់ឥណទាននៅកម្ពុជា ដែលធ្វើឲ្យមីក្រូហិរញ្ញវត្ថុតូចៗ មិនអាចផ្តល់សេវាកម្មទទួលប្រា​ក់បញ្ញើរនោះទេ”។          លោកជំទាវបានបន្តទៀតថា ស្របពេលស្ថានភាពសេដ្ឋកិច្ចមានសភាពដូចបច្ចុប្បន្ននេះ ចំនួនឥណទានដែលសងត្រ​លប់មិនទាន់ក្នុងរយៈពេល៣០ថ្ងៃ បានកើនឡើងជាង៨ភាគរយហើយរហូតមកទល់ពេលនេះ ដែលវាជាបញ្ហាប្រឈមមួយ ហេតុនេះសមាគមបាន និងកំពុងធ្វើការជាមួយអាជ្ញាធរមូលដ្ឋាននៅខេត្តចំនួន៤ ដើម្បីឲ្យពួកគាត់ចូលរួមអប់រំនិងផ្សព្វផ្សា​យប្រជាពលរដ្ឋនៅមូលដ្ឋានរបស់ខ្លួន អំពីចំណេះដឹងទាក់ទងនឹងការប្រើប្រាស់ហិរញ្ញវត្ថុឲ្យបានត្រឹមត្រូវ និងមានសុវត្ថិភាព៕