Category ព័ត៌មានសេដ្ឋកិច្ចជាតិ

ភ្នំពេញ ៖ លោក ប៉ែន បូណា ប្រធានអង្គភាព អ្នកនាំពាក្យរាជរដ្ឋាភិបាល បានឲ្យដឹងថា កម្ពុជា គឺជាប្រទេសដែលយកពន្ធតិច និងអនុគ្រោះបំផុត ប៉ុន្តែការអភិវឌ្ឍលឿនរហ័ស ហើយត្រូវបានអង្គការ សហប្រជាជាតិ ចាត់ទុកជាប្រទេស ដែលកាត់បន្ថយភាពក្រីក្រ បានលឿនរហ័សបំផុត មួយក្នុងលោក។ តាមរយៈគេហទំព័រហ្វេសប៊ុក នាព្រឹកថ្ងៃ៥ មិថុនា លោក ប៉ែន បូណា បានបញ្ជាក់ថា រាជរដ្ឋាភិបាល ដឹកនាំដោយគណបក្ស ប្រជាជនកម្ពុជាតាំងពីជំនាន់ សម្តេចតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នដឹកនាំដោយ សម្តេចធិបតី ហ៊ុន ម៉ាណែត បានផ្តល់ការអនុគ្រោះបំផុតចំពោះការយកពន្ធពីប្រជាពលរដ្ឋ ជាពិសេសពលរដ្ឋក្រីក្រ និងអ្នកមានចំណូលទាប ត្រូវបានរាជរដ្ឋាភិបាលគិតគូរជាអាទិភាពនិងព្យាយាមបញ្ចៀសពួកគេមិនឲ្យជាប់ពន្ធឡើយ។…

ដោយៈ គង់ សួរិយាភ្នំពេញៈ លោកឧកញ៉ា តែ តាំងប៉ ប្រធានក្រុមប្រឹក្សាភិបាល សម្ព័ន្ធសមាគមសហគ្រាសធុនតូច និងមធ្យមកម្ពុជា(FASMEC) បានស្នើសុំឲ្យថ្នាក់ដឹកនាំក្រុមប្រឹក្សាអភិវឌ្ឍន៍កម្ពុជា (CDC) យកចិត្តទុកដាក់លើវិស័យSMEនៅកម្ពុជា។ លោកឧកញ៉ាតែ តាំងប៉បានថថ្លែងបែបនេះ ក្នុងពេលចូលជួបសម្តែងការគួរសមជាមួយ លោកឧបនាយករដ្ឋមន្រ្តីស៊ុន ចាន់ថុល អនុប្រធានទី១នៃក្រុមប្រឹក្សាអភិវឌ្ឍន៍កម្ពុជា។ កិច្ចប្រជុំនាឱកាសនេះ ត្រូវបានរៀបចំឡើង ក្នុងគោលបំណងដើម្បីអនុញ្ញាតឱ្យគណៈប្រតិភូ ជាសមាជិក សមាជិកា នៃសម្ព័ន្ធសមាគមសហគ្រាសធុនតូច និងមធ្យមកម្ពុជា បានចូលជួបសម្ដែងការគួរសម និងពិភាក្សាការងារ ព្រមទាំងស្នើសុំការចង្អុលបង្ហាញ និងកិច្ចសហការនានា រវាងក្រុមប្រឹក្សាអភិវឌ្ឍន៍កម្ពុជា និង FASMEC ដើម្បីឱ្យស្ថាប័នទាំងពីរអាចសហការរួមគ្នា លើកកម្ពស់ការចូលរួមពីវិស័យឯកជន ពិសេសសហគ្រាសធុនតូច និងមធ្យមនៅកម្ពុជា។ លើកឡើងអង្គប្រជុំ ឯកឧត្តមឧបនាយករដ្ឋមន្ត្រី បានជម្រាបជូនដល់គណៈប្រតិភូ សម្ព័ន្ធសមាគមសហគ្រាសធុនតូច…

(ភ្នំពេញ)៖ ដាក់ជើងជាន់ដីកម្ពុជាភ្លាម លោក ឡយ អូស្ទីន រដ្ឋមន្ត្រីការពារជាតិ​អាមេ​រិក ក៏បានធ្វើដំណើរចូលជួបសម្តែងការគួរសម និងពិភាក្សាការងារ ជាមួយសម្តេច​តេ​ជោ ហ៊ុន សែន ប្រធានព្រឹទ្ធសភាកម្ពុជា។ សម្តេចតេជោ ហ៊ុន សែន និងលោក ឡយ អូស្ទីន ជាឥស្សរជនដែលកើតក្នុងខែសីហាដូចគ្នា ហើយអាយុខុសគ្នាតែមួយ​ឆ្នាំ​ប៉ុណ្ណោះ។ សូមបញ្ជាក់ថា រដ្ឋមន្ត្រីការពារជាតិសហរដ្ឋអាមេរិក លោក ឡយ អូស្ទីន បានដឹកនាំគណៈប្រតិភូ អញ្ជើញមកដល់ប្រទេសកម្ពុជានៅវេលាម៉ោងប្រមាណ ៩ព្រឹកនៅថ្ងៃទី០៤ ខែមិថុនា ឆ្នាំ២០២៤នេះ។ ដំណើរអញ្ជើញដល់ព្រលានយន្តហោះអន្តរជាតិភ្នំពេញ របស់លោក ឡយ អូស្ទីន ត្រូវបា​នទទួល​បានការស្វាគមន៍ពីមន្ត្រីជាន់ខ្ពស់ក្រសួងការពារជាតិ តំណាងអគ្គមេបញ្ជា​ការកង​យោធព​ល​​ខេមរភូមិន្ទ និងតំណាងមេបញ្ជាការកងទ័ពទាំង៣ប្រភេទរបស់កម្ពុជាផងដែរ។ ក្នុងដំណើរទស្សនកិច្ចនេះ ក្រៅពីជួបសម្តេចតេជោ ហើយនោះ…

ដោយ: គង់ លាងហួរអន្តរជាតិ: រដ្ឋាករទឹកស្វយ័តក្រុងភ្នំពេញ បានប្រគល់កិច្ចសន្យាដល់ក្រុមហ៊ុនបារាំង VINCI Construction Grands Projets ដើម្បីអនុញ្ញាតឱ្យក្រុមហ៊ុននេះ ពង្រីករោងចក្រផលិត-ផ្គត់ផ្គង់ទឹកស្អាតនៅតំបន់បាក់ខែង ដែលមានទីតាំងនៅភាគខាងជើងនៃរាជធានីភ្នំពេញ។ កិច្ចសន្យានេះ មានទំហំទឹកប្រាក់ចំនួន៩៤លានអឺរ៉ូ (ប្រហែល ១០២,០៣លានដុល្លារ) ដែលគ្របដណ្តប់ទៅលើការសាងសង់បំពង់បូមទឹកឆៅថ្មីពីទន្លេមេគង្គ និងខ្សែបណ្តាញថ្មីមួយ ដែលមានសមត្ថភាព ក្នុងការធ្វើប្រព្រឹត្តកម្មទឹកស្អាត ប្រមាណ ១៩៥.០០០ម៉ែត្រគូបក្នុងមួយថ្ងៃ។ ការដ្ឋានសំណង់នេះ នឹងបង្កើតការងារបានចំនួន១.៦០០កន្លែង ខណៈកម្មករ និងអ្នកមើលការខុសភាគច្រើន នឹងត្រូវបានជ្រើសរើសជាជនជាតិខ្មែរ។ ទន្ទឹមនឹងនេះ ចំនួនស្ត្រីត្រូវបានគេរំពឹងថា នឹងគ្របដណ្តប់៣០% នៃកម្លាំងពលកម្មសរុប។ ជាមួយគ្នានេះ ដើម្បីកាត់បន្ថយផលប៉ះពាល់លើបរិស្ថាន ក្រុមហ៊ុន VINCI Construction Grands Projets គ្រោងនឹងប្រើប្រាស់បេតុង ដែលបញ្ចេញកាបូនតិចជាងសមមូល…

ដោយៈ គង់ ម៉ាលីនណាភ្នំពេញៈ លោករ័ត្ន សុវណ្ណនរៈ ទេសាភិបាលរង ធនាគារជាតិនៃកម្ពុជាបានអញ្ជើញជាអធិបតី បើកសិក្ខាសាលាគោលនយោបាយស្តីពី “ការធ្វើឱ្យប្រសើរឡើងដល់ដំណើរការ នៃប្រព័ន្ធអេកូឥណទានសម្រាប់ស្ត្រីនៅកម្ពុជា”។ សិក្ខាសាលានេះ មានកិច្ចសហការរវាង Women World’s Banking និងក្រុមហ៊ុន ក្រេឌីតប្យ៉ួរ៉ូ (ខេមបូឌា) ខូ អិលធីឌី នាព្រឹកថ្ងៃទី៣១ ខែឧសភា ឆ្នាំ២០២៤ នៅសណ្ឋាគារ រ៉ូសវូដ ដែលមានការចូលរួមពីមន្រ្តីជាន់ខ្ពស់របស់ក្រសួងពាក់ព័ន្ធ និងថ្នាក់ដឹកនាំជាន់ខ្ពស់របស់គ្រឹះស្ថានធនាគារនិងហិរញ្ញវត្ថុ សរុបប្រមាណ ៤៦ រូប។ សិក្ខាសាលាគោលនយោបាយនេះ មានគោលបំណងដួចជា ទី១ ស្វែងយល់ពីតួនាទីរបស់ក្រុមហ៊ុន ចែករំលែកប្រព័ន្ធឥណទានក្នុងការបង្កើតប្រព័ន្ធអេកូឥណទាន ប្រកបដោយសមភាព និងការទទួលខុសត្រូវ ទី២. ស្វែងយល់បន្ថែមពីការពង្រឹង ប្រព័ន្ធអេកូឥណទាននៅកម្ពុជា…

ដោយៈ គង់ សូរិយាភ្នំពេញៈ រដ្ឋមន្រ្តីក្រសួងរ៉ែ និងថាមពល លោកកែវ រតនៈបានបង្ហាញពីចក្ខុវិស័យ ប្រកបដោយមហិច្ឆតា ក្នុងការនាំចេញថាមពលអគ្គិសនី សម្រាប់ប្រទេសក្នុងតំបន់នាពេលអនាគត។ លោកបញ្ជាក់ឲ្យដឹងកាលពីពេលថ្មីៗនេះថា កម្ពុជាមិនចាំបាច់មានថាមពលរហូតដល់ហូរហៀរ១០០% ទើបលក់ថាមពលទៅក្រៅប្រទេសបាននោះទេ។ បញ្ហានេះមិនចាំបាច់ធ្វើមួយចោលមួយទេ កឺយើងអាចខំធ្វើ ដើម្បីប្រើប្រាស់ក្នុងស្រុកផង ហើយនឹងនៅតែបន្តប្រឹងប្រែងជជែក ជាមួយបណ្តាប្រទេស ជាសមាជិកអាស៊ានដទៃទៀត ដើម្បីបង្កើតឱកាសឱ្យកម្ពុជា អាចដំឡើងថាមពលពន្លឺព្រះអាទិត្យ ថាមពលដើរដោយខ្យល់ ថាមពលវារីអគ្គិសនីដើរដោយទឹក ដើម្បីយកថាមពលមួយចំនួន យកទៅលក់នៅបរទេស ដើម្បីបង្កើនចំណូលឱ្យជាតិ។ លោក កែវ រតនៈ បានបន្តថា ក្នុងអន្តរកាលនេះ កម្ពុជាត្រូវដោះស្រាយបញ្ហា៣ដូចជា បញ្ហាទី១ ជាបញ្ហារក្សាថ្លៃកុំឱ្យឡើង ហើយបើអាចចុះបានល្អ បញ្ហាទី២ ចង់ដោះស្រាយបញ្ហាផ្គត់ផ្គង់កុំឱ្យខ្វះ ប្រសិនបើអាច, និងបញ្ហាទី៣ គឺចង់បង្កើនថាមពលបៃតងឱ្យច្រើន។រដ្ឋមន្ត្រីក្រសួងរ៉ែបានបង្ហើបឲ្យដឹងថា…

ដោយៈ គង់ សូរិយាប៊ែលហ្សិកៈ ទេសាភិបាលធនាគារជាតិនៃកម្ពុជា លោកជំទាវជា សិរីបានថ្លែងថា បច្ចុប្បន្នប្រជាជនកម្ពុជាអាចទូទាត់ចេញពីគណនី ប្រាក់រៀលរបស់ខ្លួននៅប្រទេសថៃ វៀតណាម និងឡាវ។ លោកជំទាវបន្តទៀតថា ក្នុងពេលឆាប់ៗខាងមុខ ប្រជាជនកម្ពុជាអាចទូទាត់ប្រាក់រៀល នៅប្រទេសចិន ឥណ្ឌា និងម៉ាឡេស៊ី ។ល។ ហើយប្រជាជននៅប្រទេសទាំងនោះ ក៏អាចទូទាត់តាមប្រព័ន្ធ QR Code នៅកម្ពុជា ជាប្រាក់រៀលផងដែរ។ ធនាគារជាតិនៃកម្ពុជា បានអភិវឌ្ឍការទូទាត់អេឡិចត្រូនិក និងដាកឱ្យប្រើប្រាស់ប្រព័ន្ធបាគង និងស្តង់ដារ QR Code ជាបន្តបន្ទាប់ ដែលបានធ្វើឱ្យការទូទាត់ កាន់តែងាយស្រួល ភ្លាមៗ និងសុវត្ថិភាព និងបានភ្ជាប់ការទូទាត់ នៅក្នុងស្រុករវាងគ្រឹះស្ថានធនាគារ និងហិរញ្ញវត្ថុ ក៏ដូចជាជាមួយប្រទេសជិតខាង។លោកជំទាវបានថ្លែងបែបនេះ ក្នុងជំនួបជាមួយលោក នង…

ដោយៈ គង់ ម៉ាលីនណាប៊ែលហ្សិកៈ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានអញ្ជើញចូលរួមក្នុងកិច្ចប្រជុំថ្នាក់ទេសាភិបាល ធនាគារគារកណ្តាលនៃប្រទេសនិយាយភាសាបារាំង (ហ្រ្វង់កូហ្វូន) លើកទី៣០ ពីថ្ងៃទី៣០ ដល់៣១ ខែឧសភា ឆ្នាំ២០២៤ នៅទីក្រុងព្រុចសែល ប្រទេសបែលហ្ស៊ិក។ កិច្ចប្រជុំហ្វ្រង់កូហ្វូនក្នុងឆ្នាំ២០២៤នេះ មានវត្តមានចូលរួមពីថ្នាក់ទេសាភិបាល ធនាគារកណ្តាលចំនួន២០ នៃប្រទេសចំនួន៤០ នៅទ្វីបអឺរ៉ុប អាមេរិក អាហ្វ្រិក និងអាស៊ី។ អង្គប្រជុំបានពិភាក្សាលើមូលបទសំខាន់ៗដូចជា ទី 1- ការអនុវត្តនយោបាយរូបិយវត្ថុ ក្នុងស្ថានភាពមិនប្រាកដប្រជា និងមានហានិភ័យក៏ដូចជាដំណើរវិវដ្តថ្មីៗ ទី2- ការទប់ទល់នឹងការផ្លាស់ប្តូរអាកាសធាតុ ទី3- ការបែងចែកភូមិសាស្ត្រនយោបាយ ទី4- ការពង្រឹងសុវត្ថិភាពសាយប័រ និងទី5- ឯករាជ្យភាពរបស់ធនាគារកណ្តាល។…

ដោយ: គង់ លាងហួរភ្នំពេញ: យោងតាមលោកបណ្ឌិត Alexander Evengroen នាយកប្រតិបត្តិក្រុមហ៊ុន ASEAN Realtor Inc. បានមានប្រសាសន៍ឱ្យដឹងថា ឧស្សាហកម្មអចលនទ្រព្យនៅកម្ពុជា កំពុងបង្ហាញសញ្ញាវិជ្ជមានបន្តិចម្តងៗ។ លោកបណ្ឌិតបានបន្តថា “ស្ថានភាពទីផ្សារអចលនទ្រព្យនៅកម្ពុជាក្នុងឆ្នាំ២០២៤នេះ នៅតែបន្តប្រឈមមុខនឹងផលលំបាក ដោយសារទីផ្សារនៅតែរងសម្ពាធ”។ លោកបន្ថែមថា “ទីផ្សារអចលនទ្រព្យនៅកម្ពុជា អាចនឹងកម្រើកឡើងវិញ នៅឆមាសទី២ ឆ្នាំ២០២៥”។ ទោះបីជាយ៉ាងណាក្តី លោកបណ្ឌិតកត់សម្គាល់ឃើញថា ការចុះផ្សាយព័ត៌មានផ្ទុយគ្នាស្តី អំពីសុខភាពទីផ្សារអចលនទ្រព្យនៅកម្ពុជា ពីសំណាក់បណ្តាក្រុមហ៊ុន អង្គការ និងសមាគមផ្សេងៗ បានបង្កឱ្យមានភាពមិនច្បាស់លាស់ និងរារាំងដល់វឌ្ឍនភាព។ លោកបណ្ឌិតអះអាងថា អង្គភាព ឬស្ថាប័នជាច្រើន កំពុងព្យាយាមជះឥទ្ធិពលទៅលើទីផ្សារ ដោយផ្អែកលើការបញ្ចេញគំនិតផ្ទាល់ខ្លួនជាជាងការពិត ដែលការណ៍នេះនាំឱ្យខ្វះភាពច្បាស់លាស់ និងទិសដៅត្រឹមត្រូវ។ លោកបណ្ឌិត Alexander…

ដោយៈ គង់ សូរិយាភ្នំពេញៈ លោកប្រាក់ សោភ័ណ អភិបាលនៃគណៈអភិបាលខេត្ត លោកនាយករដ្ឋបាល នាយកទីចាត់ការនៃរដ្ឋបាលខេត្តសៀមរាប បានជួបសម្តែងការគួរសម និងសំណេះសំណាលជាមួយលោក បណ្ឌិត Santo Darmosumarto ឯកអគ្គរដ្ឋទូតឥណ្ឌូនេស៊ីប្រចាំកម្ពុជានិងគណៈប្រតិភូ។ លោកបណ្ឌិត Santo Darmosumarto បានថ្លែងអំណរគុណចំពោះ ឯកឧត្តម អភិបាលខេត្តនិងសហការី ដែលបានឆ្លៀតពេលវេលាដ៏មមាញឹកជួបសម្តែងការគួរសម និងសំណេះសំណាលនាពេលនេះ។ លោកបណ្ឌិតក៏បានបញ្ជាក់ផងដែរថា ឥណ្ឌូនេស៊ី-កម្ពុជា គឺជាមិត្ដដ៏ជិតស្និទ្ធ មិត្តពិតប្រាកដ និងទុកចិត្តគ្នា ហើយតាមរយៈការពង្រឹងទំនាក់ទំនង និងកិច្ចសហប្រតិបត្តិការជាបន្តបន្ទាប់ រវាងថ្នាក់ដឹកនាំនៃប្រទេសទាំងពីរ ចំណងមិត្តភាពនេះ បានប្រែក្លាយទៅជាមិត្តភាពដែលមិនអាចកាត់ថ្លៃបាន និងជំរុញកិច្ចសហប្រតិបត្តិការរវាងគ្នានឹងគ្នាឱ្យបានកាន់តែស្អិតរមួតបន្ថែមទៀត។ លោកបណ្ឌិតសង្ឃឹមយ៉ាងមុតមាំថា នឹងបានចូលរួមសហការជាមួយរដ្ឋបាលខេត្ត បង្កើតព្រឹត្តិការផ្លាស់ប្តូរវប្បធម៌គ្នា ទៅវិញទៅមក ដើម្បីលើកស្ទួយវិស័យទេសចរណ៍ ផ្លាស់ប្តូរសិល្បៈរវាងប្រទេសទាំង២ និងជំរុញឱ្យមានសម្ព័ន្ធមេត្រីភាព…