Category ព័ត៌មានសេដ្ឋកិច្ចជាតិ

ភ្នំពេញ ថ្ងៃទី១៣ ខែមិថុនា ឆ្នាំ២០២៤៖ ធនាគារ ហត្ថា ដែលជាក្រុមហ៊ុនបុត្រសម័្ពន្ធរបស់ ធនាគារ ក្រុងស្រ៊ី ដែលជាធនាគារពាណិជ្ជធំជាងគេលំដាប់ទី៥ នៅក្នុងប្រទេសថៃ និងជាសមាជិកនៃសម្ព័ន្ធហិរញ្ញវត្ថុអន្តរជាតិ MUFG មានមោទកភាពក្នុងការចូលរួមបរិច្ចាគបរិក្ខារពេទ្យដែលរួមមានការតំឡើងប្រព័ន្ធបន្សុទ្ធទឹកវេជ្ជសាស្ត្រ និង ឧបករណ៍ Ophthalmoscope និង Retinoscopy (Welch Allyn) សម្រាប់ការធ្វើរោគវិនិច្ឆ័យភ្នែក ដែលមានតម្លៃជាង ៨០.០០០.០០០ រៀល ដល់មន្ទីរពេទ្យកុមារអង្គរ (AHC) ក្រោមប្រធានបទ “រួមគ្នាសាងអនាគតកុមារកម្ពុជា” ព្រមទាំងផ្តល់ជូននូវសម្ភារៈប្រើប្រាស់និងគ្រឿងឧបភោគបរិភោគមួយចំនួនដល់អ្នកជំងឺដែលកំពុងសម្រាកព្យាបាលនៅមន្ទីរពេទ្យផងដែរ។ ការចូលរួមបរិច្ចាគនេះ គឺធ្វើឡើងបន្ទាប់ពីមានការស្នើសុំរបស់មន្ទីរពេទ្យកុមារអង្គរ និងមើលឃើញពីភាពចាំបាច់នៃគ្រឿងបរិក្ខារពេទ្យទាំងនេះ ក្នុងការជួយសង្គ្រោះអ្នកជំងឺទាំងអស់ដែលកំពុងសម្រាកព្យាបាលក្នុងមន្ទីរពេទ្យទាំងមូល។ សូមបញ្ជាក់ថា ធនាគារ ហត្ថា ដែលជាស្ថាប័នឯកជនមួយមានទំនួលខុសត្រូវខ្ពស់ក្នុងកិច្ចការសង្គម យល់ច្បាស់អំពីសារៈសំខាន់នៃការជួយដល់សហគមន៍ និងស្ថាប័នទាំងឡាយណាដែលជួយដល់សង្គមប្រកបដោយចីរភាព។…

ដោយៈ គង់ ម៉ាលីនណាភ្នំពេញៈ អគ្គនាយករងនៃអគ្គនាយកដ្ឋានពន្ធដារ លោកបណ្ឌិត កែន សម្បត្តិ បានមានប្រសាសន៍ថា ការបញ្ជាទិញទំនិញរូបីពីក្រៅប្រទេស តាមមធ្យោបាយអេឡិចត្រូនិក (Online) ហើយទំនិញរូបីទាំងនោះ ត្រូវបានបញ្ចូនមកអ្នកបញ្ជាទិញ ដោយផ្ទាល់តាមមធ្យោបាយដឹកជញ្ជូនផ្សេងៗនោះ មិនស្ថិតក្រោមវិសាលភាព នៃការអនុវត្តអាករលើតម្លៃបន្ថែម ចំពោះប្រតិបត្តិការពាណិជ្ជកម្ម តាមប្រព័ន្ធអេឡិចត្រូនិក(e-Commerce) នោះទេ។ ទំនិញរូបី សំដៅដល់ទ្រព្យទាំងឡាយណា ដែលអាចប៉ះពាល់ ឬចាប់កាន់បាន ដូចជា គ្រឿងសង្ហារឹម គ្រឿងអលង្ការ សម្ភារសម្រាប់ប្រើប្រាស់ក្នុងផ្ទះ និងឧបករណ៍សម្រាប់ធ្វើអាជីវកម្ម។ល។លោកអគ្គនាយករងលើកឡើងបែបនេះ ក្នុងកម្មវិធី “ពន្ធដារកម្ពុជា” ក្រោមប្រធានបទ “អាករលើតម្លៃបន្ថែម ចំពោះប្រតិបត្តិការពាណិជ្ជកម្ម តាមប្រព័ន្ធអេឡិចត្រូនិក”។ លោកបានបញ្ជាក់ថា អាករលើតម្លៃបន្ថែម ចំពោះប្រតិបត្តិការពាណិជ្ជកម្មតាមប្រព័ន្ធអេឡិចត្រូនិក មានវិសាលភាពអនុវត្ត ចំពោះការផ្គត់ផ្គង់ទំនិញឌីជីថល ឬសេវាឌីជីថល…

ដោយៈ គង់ ម៉ាលីនណាភ្នំពេញៈ វិស័យហិរញ្ញវត្ថុមានបញ្ហាស្មុគ្រស្មាញកាន់តែច្រើន ហើយតើអ្វីដែលអាចជាកង្វល់ ក្នុងប្រព័ន្ធធនាគាររបស់កម្ពុជា? ចម្លើយគឺកម្ចី ធៀបនឹងប្រាក់បញ្ញើ។ សម្រាប់ឆ្នាំ២០២៣ ប្រាក់កម្ចីសរុបរបស់ធនាគារកម្ពុជាមានចំនួន៥៧,៦ ពាន់លានដុល្លារ និងប្រាក់បញ្ញើសរុបចំនួន៤៧,៩ ពាន់លានដុល្លារ។ នៅទូទាំងពិភពលោក ស្តង់ដារសុវត្ថិភាពគឺត្រូវមានអនុបាតកម្ចីធៀបនឹងប្រាក់បញ្ញើ (Loan to Deposit Ratio-LDR) ពី៨០-៩០ ភាគរយ ឬអតិបរមា១០០ភាគរយ ដែលមានន័យថា សម្រាប់រាល់ប្រាក់ដុល្លារ ដែលធនាគារផ្តល់ប្រាក់កម្ចី តម្រូវអោយមានមួយដុល្លារជាប្រាក់បញ្ញើ។ ប៉ុន្តែជាមធ្យមធនាគារកម្ពុជាមួយចំនួន មានអនុបាតប្រាក់កម្ចីធៀបប្រាក់បញ្ញើ១២០ភាគរយ ដែលមានន័យថា សម្រាប់រាល់១០០ ដុល្លារ ដែលវាមានជាប្រាក់បញ្ញើ វាត្រូវបានខ្ចី១២០ដុល្លារ។ នេះបង្ហាញពីចំនួនដ៏ច្រើន ដោយសារគម្លាតរវាងប្រាក់កម្ចី និងប្រាក់បញ្ញើមានជិត១០ពាន់លានដុល្លារ (ចំនួនជាក់លាក់គឺ៩,៧ពាន់លានដុល្លារ)។ លោក រ័ត្ន សោភ័ណ្ឌ…

ដោយៈ គង់ សូរិយាភ្នំពេញៈ អគ្គនាយកដ្ឋានគយ និងរដ្ឋាករ បានរាយការណ៍កាលពីពេលថ្មីៗនេះថា ប្រទេសកម្ពុជាបាននាំចូលដែក និងដែកថែប ក្នុងទំហំទឹកប្រាក់ជិត១៦៨លានដុល្លារអាមេរិក ក្នុងរយៈពេល៤ខែដំបូងនៃឆ្នាំ ២០២៤។ ស្ថិតិនៃការនាំចូលចុងក្រោយ បានបង្ហាញពីការកើនឡើងគួរឱ្យកត់សម្គាល់៣០,៦ភាគរយ ធៀបនឹង១២៩លានដុល្លារ ដែលបានកត់ត្រាក្នុងអំឡុងពេលដូចគ្នា រយៈពេលបួនខែ នៃឆ្នាំ២០២៣។ទិន្នន័យបង្ហាញថា វិស័យសំណង់ និងអចលនទ្រព្យក្នុងស្រុកកំពុងស្ទុះងើបឡើងវិញ វិស័យនេះបានជួបប្រទះ ការធ្លាក់ចុះដំណើរការយ៉ាងខ្លាំងកាលពីឆ្នាំមុន។ ផលិតផលដែក និងដែកថែប ក៏បានឃើញការកើនឡើងគួរឱ្យកត់សម្គាល់ក្នុងរយៈពេល៤ខែដំបូងនៃឆ្នាំនេះ ដែលឈានដល់ចំនួន ២២៤,៨១ លានដុល្លារ។ នេះបង្ហាញពីការកើនឡើង៤៥,៤ ភាគរយនៃផលិតផលដែក និងដែកថែបធៀបនឹង១៥៤លានដុល្លារ ដែលបាននាំចូល ក្នុងអំឡុងពេលដូចគ្នាក្នុងឆ្នាំ២០២៣។ លើសពីនេះទៀតក្នុងរយៈពេល៤ខែ នៃដំបូងនៃឆ្នាំ២០២៤ អគ្គនាយកដ្ឋានគយ និងរដ្ឋាករ បានរាយការណ៍ថា កម្ពុជាក៏មានការកើនឡើងគួរឱ្យកត់សម្គាល់ នៃការនាំចូលស៊ីម៉ងត៍ ដោយបាននាំចូលស៊ីម៉ងត៍ពីបរទេស…

ដោយៈ និស្ស័យភ្នំពេញៈ ធនាគារអភិវឌ្ឍន៍អាស៊ី (ADB)បានបើកសម្ភោធស្ថានតំណាងថ្មីប្រចាំកម្ពុជា ក្រោមអធិបតីភាពអគ្គបណ្ឌិតសភាចារ្យ លោកអូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងលោក Masatsugu Asakawa ប្រធានធនាគារអភិវឌ្ឍន៍អាស៊ី។ ស្ថានតំណាងថ្មីនេះ មានទីតាំងក្នុងអគាវឌ្ឍនៈកាពីតាល ជាន់ទី១០ រាជធានីភ្នំពេញ។ ថ្លែងក្នុងឱកាសនោះ លោក Masatsugu Asakawa បានឲ្យដឹងថា ថ្ងៃនេះជាព្រឹត្តិការណ៍ដ៏សំខាន់មួយ ដែលយើងជួបជុំគ្នាដើម្បីសម្ពោធ ស្ថានតំណាងថ្មីរបស់ធនាគារ អភិវឌ្ឍន៍អាស៊ី នៅចំកណ្តាលរាជធានីភ្នំពេញ។ លោកបញ្ជាក់ថា “ឱកាសនេះ មិនមែនគ្រាន់តែជា ការប្រារព្ធពិធី សម្ពោធការិយាល័យថ្មីប៉ុណ្ណោះទេ ប៉ុន្តែជាការរំលេចនូវចំណងភាពជាដៃគូស៊ីជម្រៅ និងគោលដៅអភិវឌ្ឍន៍រួមរបស់ ADB ជាមួយកម្ពុជា”។ ប្រធានធនាគារអភិវឌ្ឍន៍អាស៊ី បានបន្ថែមទៀតថា ភាពជាដៃគូរបស់ADB…

ដោយៈ គង់ សូរិយាព្រះសីហនុៈ ក្រុមការងារជំរុញការវិនិយោគ ក្នុងខេត្តព្រះសីហនុ បានដាក់ចេញវិធីសាស្ត្រដោះស្រាយវិវាទ សម្រាប់គម្រោងដែលពាក់ព័ន្ធនឹងអគារជាប់គាំងនៅខេត្តព្រះសីហនុ។ ការប្រកាសដាក់ចេញនិតិវិធីនេះ ធ្វើឡើងដើម្បីពន្លឿនការដោះស្រាយ ខណៈវិវាទមួយចំនួន ត្រូវបានដោះស្រាយក្រៅប្រព័ន្ធតុលាការ។ ការដាក់ចេញនូវវិធីសាស្រ្តដោះស្រាយវិវាទនេះ បានធ្វើឡើងនៅកិច្ចប្រជុំពិភាក្សា លើការដោះស្រាយវិវាទ ក្រៅប្រព័ន្ធតុលាការ សម្រាប់គម្រោងវិនិយោគ ពាក់ព័ន្ធនឹងអគារជាប់គាំង ដែលបានរៀបចំឡើង នៅទីស្តីការក្រសួងសេដ្ឋកិច្ច និងហិរញ្ញវត្ថុ នាព្រឹកថ្ងៃទី ១២ ខែ មិថុនា ឆ្នាំ ២០២៤ ដឹកនាំដោយបណ្ឌិតសភាចារ្យ ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្រ្តី និង ជាប្រធានក្រុមការងារជំរុញការវិនិយោគក្នុងខេត្តព្រះសីហនុ។ កិច្ចប្រជុំនេះ មានការអញ្ជើញចូលរួមពីរដ្ឋលេខាធិការ, អនុរដ្ឋលេខាធិការ, អគ្គនាយក, អគ្គលេខាធិការរង តំណាងក្រសួងស្ថាប័ន រួមមាន ក្រសួងយុត្តិធម៌,…

ដោយ: គង់ លាងហួរភ្នំពេញ: ក្រុមប្រឹក្សាអភិវឌ្ឍន៍កម្ពុជា (CDC) បានបញ្ជាក់នៅក្នុងសេចក្តីប្រកាសព័ត៌មាន ដែលចេញផ្សាយនៅថ្ងៃច័ន្ទនេះថា ប្រទេសកម្ពុជាបានទាក់ទាញការវិនិយោគ លើទ្រព្យសកម្មថេរក្នុងទំហំទឹកប្រាក់ចំនួន២៤៦លានដុល្លារអាមេរិកនៅក្នុងខែឧសភា។យោងតាមប្រភពពីក្រុមប្រឹក្សាអភិវឌ្ឍន៍កម្ពុជា (CDC) បានបង្ហាញថា ប្រទេសកម្ពុជាបានអនុម័ត គម្រោងវិនិយោគចំនួន២៤គម្រោងកាលពីខែឧសភាកន្លងទៅ ដែលអាចបង្កើតការងារបានប្រហែល១៥.០០០កន្លែង។ គម្រោងថ្មីទាំងនេះ រួមមានដូចជា រោងចក្រផលិតបន្ទះស្រូបថាមពលពន្លឺព្រះអាទិត្យ រោងចក្រកែច្នៃដែក រោងចក្រផលិតបំពង់ រោងចក្រអាលុយមីញ៉ូម និងរោងចក្រកាត់ដេរ ស្បែកជើង និងផលិតផលធ្វើដំណើរ ហើយប្រទេសចិន នៅតែជាប្រភពអ្នកវិនិយោគកំពូលទី១ នៅក្នុងប្រទេសកម្ពុជាកាលពីខែមុន។ ក្រុមប្រឹក្សាអភិវឌ្ឍន៍កម្ពុជា (CDC) បានបញ្ជាក់ថា “ចំនួនជិត៥០ភាគរយ នៃដើមទុនវិនិយោគនៅក្នុងខែឧសភា ឆ្នាំ២០២៤នេះ គឺមានប្រភពមកពីប្រទេសចិន។ ចំនួន៣១ភាគរយ មានប្រភពមកពីអ្នកវិនិយោគក្នុងស្រុក ហើយចំណែកដែលនៅសេសសល់ គឺមានប្រភពមកពីប្រទេសសិង្ហបុរី អូស្ត្រាលី វៀតណាម កូរ៉េខាងត្បូង…

ដោយៈ គង់ សួរិយាអេស្បាញៈ មន្រ្តីជាន់ខ្ពស់កម្ពុជាបានរៀបចំ សិក្ខាសាលាស្តីពីការវិនិយោគនៅកម្ពុជា ដើម្បីផ្សព្វផ្សាយអំពីសក្តានុពល និងកាលានុវត្តភាពវិនិយោគនៅកម្ពុជា ទៅកាន់សហគ្រាសរបស់អេស្ប៉ាញ។សិក្ខាសាលានេះដឹកនាំដោយលោកស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអញ្ជើញជាសហធិបតីជាមួយ លោកជំទាវ Amparo Lopez Senovilla រដ្ឋលេខាធិការទទួលបន្ទុកពាណិជ្ជកម្ម នៃក្រសួងពាណិជ្ជកម្មអេស្ប៉ាញ ក្នុងសិក្ខាសាលាស្តីពីការវិនិយោគនៅកម្ពុជា ក្នុងគោលបំណងផ្សព្វផ្សាយអំពីសក្តានុពល និងកាលានុវត្តភាពវិនិយោគនៅកម្ពុជាទៅកាន់សហគ្រាសរបស់អេស្ប៉ាញ ដែលបានរៀបចំនិងមានការចូលរួមពី សភាពាណិជ្ជកម្មអេស្ប៉ាញ, សហព័ន្ធអង្គការពាណិជ្ជកម្មអេស្ប៉ាញ(CEOE), គណៈប្រតិភូកម្ពុជា និងវិស័យឯកជនជាច្រើនរូប។ កម្មវិធីនេះជាផ្នែកមួយ នៃគោលនយោបាយគោះទ្វារអ្នកវិនិយោគអឺរ៉ុបរបស់រដ្ឋាភិបាលកម្ពុជា។ ក្នុងឱកាសនោះ លោកឧបនាយករដ្ឋមន្ត្រី បានសម្តែងនូវសេចក្តីសោមនស្សរីករាយ ដែលបានចូលរួម និងមានប្រសាសន៍ក្នុងសិក្ខាសាលា ដ៏មានសារៈសំខាន់នាឱកាសនេះ ព្រមទាំងបានជម្រាបជូនអំពីសក្តានុពលកម្ពុជាមានជាអាទិ៍ ស្ថិរភាពនយោបាយ ស្ថិរភាពម៉ាក្រូសេដ្ឋកិច្ច កម្លាំងពលកម្មកម្ពុជា ភាពប្រទាក់ក្រឡានៃហេដ្ឋារចនាសម្ព័ន្ធកម្ពុជាទាំងផ្លូវទឹក…

ដោយៈ គង់ សូរិយាភ្នំពេញៈ ក្នុងរយៈពេលប៉ុន្មានឆ្នាំចុងក្រោយនេះ អ្នកអភិវឌ្ឍន៍ខុនដូ ទាំងជនជាតិខ្មែរ និងបរទេសជាច្រើន បានរឹបអូសយកខុនដូអតិថិជនរបស់ខ្លួន តាមរយៈការប្រើប្រាស់កុងត្រារវាងអ្នកអភិវឌ្ឈន៍ និងអ្នកលក់។ បញ្ហារឹបអូសយូនីតខុនដូ បានកើតមានច្រើនករណី ក្នុងរយៈពេលប៉ុន្មានឆ្នាំចុងក្រោយនេះ ដោយសារប្រជាពលរដ្ឋកម្ពុជាភាគច្រើន បានរងវិបត្តិហិរញ្ញវត្ថុ និងជាប់គាំងលំហូរសាច់ប្រាក់។ សម្តេចតេជោហ៊ុន សែនអតីតនាយករដ្ឋមន្រ្តីនៃកម្ពុជា និងបច្ចុប្បន្នជាប្រធានព្រឹទ្ឋសភាកម្ពុជា បានដឹងពីការលំបាកររបស់ប្រជាពលរដ្ឋ ដោយអំពាវនាវឲ្យម្ចាស់គំរោងនានាយល់យោគ ដល់អតិថិជន និងកុំមានការរឹបអូសទ្រព្យសម្បត្តិអតិថិជន។ ការវិនិយោគរបស់អ្នកធុរកិច្ចអន្តរជាតិនៅកម្ពុជា ជាការរួមចំណែកអភិវឌ្ឍន៍កម្ពុជា ដែលប្រជាពលរដ្ឋខ្មែរតែងតែអបអរសាទរ ប៉ុន្តែអ្នកអភិវឌ្ឍ៍នានា ក៏គួរសាងសង់គំរោងរបស់ខ្លួន ដើម្បីបំរើសុខមាលភាពសង្គម ជាជាងយកប្រាក់ចំណេញជាអាទិភាពទី១។ ជាក់ស្តែងក្រុមហ៊ុន Prince Real estate ដែលមានអ្នកឧកញ៉ាចេន ហ្ស៊ី ជាប្រធានក្រុមប្រឹក្សាភិបាល បាននិងកំពុងរូមចំណែកយ៉ាងច្រើន លើការអភិវឌ្ឍនៅកម្ពុជា ពិសេសជម្រុញកំណើនសេដ្ឋកិច្ចរបស់ប្រទេសនេះ។…

ដោយៈ សហសេវិកភ្នំពេញៈ នៅទូទាំងពិភពលោក និងនៅប្រទេសកម្ពុជា យើងកំពុងឃើញភាពអាសន្នផ្នែកបរិស្ថានដែលមិនធ្លាប់មានពីមុនមក ដូចជាបម្រែបម្រួលអាកាសធាតុ មិនអាចទាយទុកជាមុនបាន និងគ្រោះមហន្តរាយធម្មជាតិញឹកញាប់។ វិបត្តិភពបី – បម្រែបម្រួលអាកាសធាតុ ការបាត់បង់ជីវចម្រុះ និងការបំពុលបរិយាកាស រួមជាមួយនឹងទំនាក់ទំនងរបស់ពួកគេទៅនឹងសុខភាពសាធារណៈ តម្រូវការក្នុងការពង្រឹង លទ្ធិប្រជាធិបតេយ្យ ដើម្បីដោះស្រាយព័ត៌មានមិនពិត នៅលើវេទិកាឌីជីថល រួមទាំងការគំរាមកំហែង ចំពោះមនុស្សក្នុងជំនាន់នេះ និងអនាគត។ បញ្ហាអាកាសធាតុនេះ ក៏ជាបញ្ហាប្រឈមផ្នែកសារព័ត៌មានផងដែរ។ ដូច្នេះហើយបានជារៀងរាល់ឆ្នាំ អង្គការយូណេស្កូកម្ពុជាបានរួមគ្នាប្រារព្ធទិវាអន្តរជាតិ ដែលមានសារៈសំខាន់សម្រាប់ការយល់ដឹងអំពីការប្រែប្រួលអាកាសធាតុ៖ ទឹក (២២ មីនា) ឃ្មុំ (២០ ឧសភា) ជីវៈចម្រុះ (២២ ឧសភា) បរិស្ថាន (៥ ខែមិថុនា) និងទុនបំរុងជីវមណ្ឌល (៣…