Category ព័ត៌មានសេដ្ឋកិច្ចជាតិ

ដោយៈ គង់ សូរិយាភ្នំពេញៈ ក្នុងរយៈពេលប៉ុន្មានឆ្នាំចុងក្រោយនេះ អ្នកអភិវឌ្ឍន៍ខុនដូ ទាំងជនជាតិខ្មែរ និងបរទេសជាច្រើន បានរឹបអូសយកខុនដូអតិថិជនរបស់ខ្លួន តាមរយៈការប្រើប្រាស់កុងត្រារវាងអ្នកអភិវឌ្ឈន៍ និងអ្នកលក់។ បញ្ហារឹបអូសយូនីតខុនដូ បានកើតមានច្រើនករណី ក្នុងរយៈពេលប៉ុន្មានឆ្នាំចុងក្រោយនេះ ដោយសារប្រជាពលរដ្ឋកម្ពុជាភាគច្រើន បានរងវិបត្តិហិរញ្ញវត្ថុ និងជាប់គាំងលំហូរសាច់ប្រាក់។ សម្តេចតេជោហ៊ុន សែនអតីតនាយករដ្ឋមន្រ្តីនៃកម្ពុជា និងបច្ចុប្បន្នជាប្រធានព្រឹទ្ឋសភាកម្ពុជា បានដឹងពីការលំបាកររបស់ប្រជាពលរដ្ឋ ដោយអំពាវនាវឲ្យម្ចាស់គំរោងនានាយល់យោគ ដល់អតិថិជន និងកុំមានការរឹបអូសទ្រព្យសម្បត្តិអតិថិជន។ ការវិនិយោគរបស់អ្នកធុរកិច្ចអន្តរជាតិនៅកម្ពុជា ជាការរួមចំណែកអភិវឌ្ឍន៍កម្ពុជា ដែលប្រជាពលរដ្ឋខ្មែរតែងតែអបអរសាទរ ប៉ុន្តែអ្នកអភិវឌ្ឍ៍នានា ក៏គួរសាងសង់គំរោងរបស់ខ្លួន ដើម្បីបំរើសុខមាលភាពសង្គម ជាជាងយកប្រាក់ចំណេញជាអាទិភាពទី១។ ជាក់ស្តែងក្រុមហ៊ុន Prince Real estate ដែលមានអ្នកឧកញ៉ាចេន ហ្ស៊ី ជាប្រធានក្រុមប្រឹក្សាភិបាល បាននិងកំពុងរូមចំណែកយ៉ាងច្រើន លើការអភិវឌ្ឍនៅកម្ពុជា ពិសេសជម្រុញកំណើនសេដ្ឋកិច្ចរបស់ប្រទេសនេះ។…

ដោយៈ សហសេវិកភ្នំពេញៈ នៅទូទាំងពិភពលោក និងនៅប្រទេសកម្ពុជា យើងកំពុងឃើញភាពអាសន្នផ្នែកបរិស្ថានដែលមិនធ្លាប់មានពីមុនមក ដូចជាបម្រែបម្រួលអាកាសធាតុ មិនអាចទាយទុកជាមុនបាន និងគ្រោះមហន្តរាយធម្មជាតិញឹកញាប់។ វិបត្តិភពបី – បម្រែបម្រួលអាកាសធាតុ ការបាត់បង់ជីវចម្រុះ និងការបំពុលបរិយាកាស រួមជាមួយនឹងទំនាក់ទំនងរបស់ពួកគេទៅនឹងសុខភាពសាធារណៈ តម្រូវការក្នុងការពង្រឹង លទ្ធិប្រជាធិបតេយ្យ ដើម្បីដោះស្រាយព័ត៌មានមិនពិត នៅលើវេទិកាឌីជីថល រួមទាំងការគំរាមកំហែង ចំពោះមនុស្សក្នុងជំនាន់នេះ និងអនាគត។ បញ្ហាអាកាសធាតុនេះ ក៏ជាបញ្ហាប្រឈមផ្នែកសារព័ត៌មានផងដែរ។ ដូច្នេះហើយបានជារៀងរាល់ឆ្នាំ អង្គការយូណេស្កូកម្ពុជាបានរួមគ្នាប្រារព្ធទិវាអន្តរជាតិ ដែលមានសារៈសំខាន់សម្រាប់ការយល់ដឹងអំពីការប្រែប្រួលអាកាសធាតុ៖ ទឹក (២២ មីនា) ឃ្មុំ (២០ ឧសភា) ជីវៈចម្រុះ (២២ ឧសភា) បរិស្ថាន (៥ ខែមិថុនា) និងទុនបំរុងជីវមណ្ឌល (៣…

ដោយៈ គង់ ម៉ាលីនណាភ្នំពេញៈ រដ្ឋមន្រ្តីក្រសួងពាណិជ្ជកម្ម លោកជំទាវចម និម្មលបានស្នើឲ្យអ្នកធុរកិច្ចអន្តរជាតិ មកសិក្សាពីកាលានុវត្តន៍ភាព និងសក្តានុពលនៃការវិនិយោគនៅកម្ពុជា។ ថ្លែងក្នុងកម្មវិធីវេទិកាជជែកពិភាក្សាអំពីពាណិជ្ជកម្ម និងការផ្គូផ្គងពាណិជ្ជកម្ម នៃមហាសន្និបាតអាស៊ីប៉ាស៊ីហ្វិកប្រចាំឆ្នាំ២០២៤ នៅថ្ងៃទី៨ ខែមិថុនា ឆ្នាំ២០២៤ លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម បានលើកទឹកចិត្ត និងស្នើឲ្យអ្នកវិនិយោគទាំងអស់ ចូលរួមស្វែងយល់ពីសក្តានុពលដ៏ធំ ដែលកម្ពុជាផ្តល់ជូនធុរជន។ វេទិកាជជែកពិភាក្សាអំពីពាណិជ្ជកម្ម និងការផ្គូផ្គងពាណិជ្ជកម្ម នៃមហាសន្និបាតអាស៊ីប៉ាស៊ីហ្វិ ប្រចាំឆ្នាំ២០២៤នេះ បានរៀបចំធ្វើឡើងនៅសណ្ឋាគារសុខា អង្គរសៀមរាប ខេត្តសៀមរាប ដែលមានវត្តមានចូលរួមរបស់ រដ្ឋមន្ត្រីក្រសួងទេសចរណ៍, ទីប្រឹក្សាអមក្រុមប្រឹក្សាអភិវឌ្ឍន៍កម្ពុជា ថ្នាក់ដឹកនាំក្រសួង-ស្ថាប័នពាក់ព័ន្ធ សហគ្រិន និងវិនិយោគិនក្នុងស្រុក និងបរទេសជាច្រើនរូប។ លោកស្រី ចម និម្មល បានលើកឡើងអំពីបរិយាកាសធុរកិច្ចដ៏រស់រវើក…

ដោយៈ គង់ ម៉ាលីនណាភ្នំពេញៈ ទេសាភិបាលរង ធនាគារជាតិនៃកម្ពុជា (NBC) លោកយឹម លាត បានដឹកនាំមន្រ្តីជំនាញ ចូលរួមកិច្ចប្រជុំជាមួយក្រុមការងារក្រសួងអប់រំ យុវជន និងកីឡា ទាក់ទងគម្រោងបញ្រ្ជាបចំណេះដឹងផ្នែកហិរញ្ញវត្ថុដល់សិស្សានុសិស្ស។ តំណាងក្រសួងអប់រំ មានការចូលរួមពីលោកសាន វឌ្ឍនា រដ្ឋលេខាធិការ ក្រសួងអប់រំ យុវជន និងកីឡា កាលពីថ្ងៃទី៥ ខែមិថុនា ឆ្នាំ២០២៤ ដើម្បីពិភាក្សាអំពីការអនុវត្តគម្រោងបញ្ជ្រាបចំណេះដឹងផ្នែកហិរញ្ញវត្ថុ ទៅក្នុងកម្មវិធីសិក្សាចំណេះទូទៅ និងការងារពាក់ព័ន្ធផ្សេងទៀត។ គម្រោងនេះ ស្ថិតក្រោមអនុស្សរណៈយោគយល់ស្តីពី កិច្ចសហការបញ្ជ្រាប និងលើកកម្ពស់ចំណេះដឹងផ្នែកហិរញ្ញវត្ថុ និងមានគោលបំណងពង្រីកវិសាលភាព នៃការលើកកម្ពស់ចំណេះដឹង ផ្នែកហិរញ្ញវត្ថុ សម្រាប់សិស្សានុសិស្ស នៅតាមគ្រឹះស្ថានសិក្សាពីកម្រិតបឋមសិក្សា ដល់មធ្យមសិក្សា សំដៅបង្កើនការយល់ដឹងផ្នែកហិរញ្ញវត្ថុ ប្រកបដោយប្រសិទ្ធភាព និងបរិយាបន្ន៕

ដោយៈ ច្រាយ ចំណានសៀមរាបៈ លោក យុន លីនណា អភិបាលរងខេត្តបានផ្តល់ធុងសំរាមដល់សង្កាត់ស្លក្រាម ដើម្បីចូលរួមអនុវត្តគម្រោងសាកល្បងក្នុងការជំរុញឱ្យប្រើប្រាស់ IoT ដើម្បីពង្រឹងប្រសិទ្ធភាពប្រមូល និងដឹកជញ្ជូនកាកសំណល់។ គម្រោងនេះធ្វើឡើងដោយប្រើកម្មវិធីទូរស័ព្ទ ដែលមានឈ្មោះថា “ សៀមរាបស្អាត និងឆ្លាត (Smart Clean Siem Reap)” ហើយនេះជាជំហានដំបូង ក្នុងការកែប្រែការគ្រប់គ្រងកាកសំណល់ឆ្លាតវៃក្នុងក្រុងសៀមរាប។ លោក អភិបាលរងខេត្តបានបញ្ជាក់ថា ខេត្តសៀមរាបមានការអនុវត្តគម្រោងសាកល្បងចំនួន៨ ដើម្បីសាកល្បងអនុវត្តកិច្ចការទីក្រុងឆ្លាតនានា ហើយក្នុងនោះគម្រោងក៏មានគំនិតផ្ដួចផ្ដើម ទីក្រុងឆ្លាត ដែលមានទីភ្នាក់ងារចៃកាបានចាប់ផ្ដើម គម្រោងទីក្រុងឆ្លាតដែលមានឈ្មោះថា “គម្រោងអនុវត្តវិធីសាស្ត្រទីក្រុងឆ្លាត ដើម្បីដោះស្រាយបញ្ហាទីក្រុងក្នុងខេត្តសៀមរាប ( គម្រោងទីក្រុងឆ្លាត) “ បាននិងកំពុងអនុវត្តតាំងពីឆ្នាំ២០២២ រហូតមកដោយសហការជាមួយរដ្ឋបាលខេត្តសៀមរាប និងដៃគូជាច្រើនទៀត។ ក្នុងចំណោមគម្រោងទាំង៨នោះ មានគម្រោងមួយពាក់ព័ន្ធនឹងកិច្ចការគ្រប់គ្រងកាកសំណល់…

ដោយៈ គង់ ហ្វីអូណាភ្នំពេញៈ សម្ដេចតេជោ ហ៊ុន សែនប្រធានព្រឹទ្ឋសភាបានស្នើឱ្យរុស្ស៊ីបង្កើតជើងហោះ ហើរត្រង់មកកម្ពុជា ដើម្បីជំរុញវិស័យទេសចរណ៍រវាងប្រទេសឱ្យបានកាន់តែច្រើនបន្ថែមទៀត។ សម្តេចបានថ្លែងបែបនេះ ក្នុងឱកាសអនុញ្ញាតឱ្យឯកឧត្តម អាណាតូលី បូរ៉ូវីក (Anatoly Borovik) ឯកអគ្គរដ្ឋទូតនៃសហព័ន្ធរុស្ស៊ី ប្រចាំព្រះរាជាណាចក្រកម្ពុជា ចូលជួបសម្ដែងការគួរសម និងពិភាក្សាការងារ នៅវិមានព្រឹទ្ធសភា នៅព្រឹកថ្ងៃទី៦ ខែមិថុនា ឆ្នាំ២០២៤។ ក្នុងឱកាសនោះ សម្តេចបានជំរុញនូវអ្វីដែលអាចធ្វើទៅបានជាពិសេស សូមឱ្យរុស្ស៊ីយកចិត្តទុកដាក់ ក្នុងការបង្កើតជើងហោះហើរត្រង់ ពីព្រោះសម្ដេចតេជោ បានចាត់ទុកថា ដល់ពេលវេលាដែលត្រូវជំរុញវិស័យទេសចរណ៍របស់រុស្ស៊ី មកកាន់ប្រទេសកម្ពុជាហើយ ហើយក៏ជំរុញការដោះស្រាយបំណុល ដែលរង់ចាំជាយូរមកហើយនោះ ឱ្យបានឆាប់រួសរាន់ផងដែរ។ សម្ដេចតេជោប្រធានព្រឹទ្ធសភា ក៏បានថ្លែងអរគុណចំពោះជំនួយសព្វបែបយ៉ាងរបស់សហភាពសូវៀត និងបន្តមកដល់សហព័ន្ធរុស្ស៊ី ដែលបានជួយកម្ពុជា នៅពេលដែលកម្ពុជា ទើបរំដោះបានពីរបបខ្មែរក្រហម។ សម្ដេចតេជោបានបញ្ជាក់ថា…

ដោយ: គង់ លាងហួរភ្នំពេញ: ដោយលាតសន្ធឹងពីផ្លូវជាតិលេខ១ ដល់ផ្លូវជាតិលេខ៤ ការស្ថាបនាផ្លូវក្រវ៉ាត់ក្រុងទី៣ ដែលផ្តល់មូលនិធិដោយប្រទេសចិន បានប្រែក្លាយតំបន់ជាយក្រុងភាគខាងត្បូងនៃរាជធានីភ្នំពេញ ទៅជាតំបន់ជាយក្រុងដ៏អ៊ូអរ។ ផ្លូវដែលមានប្រវែង៥៣គីឡូម៉ែត្រនេះ រួមជាមួយនឹងស្ពានឆ្លងកាត់ទន្លេចំនួន២ខ្សែ និងស្ពានអាកាសចំនួន២ខ្សែ មិនត្រឹមតែជួយសម្រួលដល់ការធ្វើដំណើរ និងការដឹកជញ្ជូនទំនិញប៉ុណ្ណោះទេ ថែមទាំងបានរួមចំណែកយ៉ាងសំខាន់ក្នុងការលើកកម្ពស់ជីវភាពរស់នៅរបស់ប្រជាពលរដ្ឋនៅតាមដងផ្លូវផងដែរ។ ការអភិវឌ្ឍន៍ផ្លូវក្រវ៉ាត់ក្រុងទី៣នេះបានប្រែក្លាយតំបន់ដែលធ្លាប់តែជាដីស្រែចំការ វាលស្រែ និងព្រៃរិចរិល ទៅជាតំបន់ជាយក្រុងដ៏អ៊ូអរ។ ជាមួយគ្នានេះ ហាង និង​អាជីវកម្ម​ជា​ច្រើន​ត្រូវ​បាន​បង្កើត​ឡើង​នៅ​តាម​ដងផ្លូវ។ មុនពេល​សាងសង់​ផ្លូវ​នេះ ប្រជាជនរស់នៅតំបន់នោះត្រូវ​ធ្វើ​ដំណើរតាមផ្លូវ​វាង​ទៅ​កាន់ផ្លូវ​មួយ​ទៀត​ដែល​ពោរពេញ​ទៅ​ដោយ​ភក់ នៅពេល​រដូវវស្សា។ប៉ុន្តែ នៅពេលផ្លូវនេះសាងសង់ឡើង មធ្យោបាយធ្វើដំណើរមានភាពងាយស្រួល និងផ្តល់ឱកាសឱ្យប្រជាជនអាចប្រកបមុខរបរផ្សេងៗ។ កាលពីមុន ប្រជាជនដែលរស់នៅតំបន់ខាងលើ ត្រូវចំណាយពេលយូរណាស់ ក្នុងការធ្វើដំណើរមកកាន់តំបន់កណ្តាលរាជធានីភ្នំពេញ ដោយសារស្ថានភាពផ្លូវមិនសូវអំណោយផល។ ប៉ុន្តែ បន្ទាប់ពីផ្លូវក្រវ៉ាត់ក្រុងនេះត្រូវបានសាងសង់ វាបានជួយកាត់បន្ថយពេលវេលាធ្វើដំណើរប្រមាណ៥០ភាគរយ។ លោក ថោង ម៉េងដាវីដ សាស្ត្រាចារ្យនៅវិទ្យាស្ថានសិក្សាអន្តរជាតិ…

ដោយៈ គង់ ម៉ាលីនណាភ្នំពេញៈ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម លោកសុខ សុភ័ក្របានថ្លែងថា ៥ខែដើមឆ្នាំ២០២៤ ទំហំពាណិជ្ជកម្មរបស់កម្ពុជា សម្រេចបានក្នុងទឹកប្រាក់ប្រមាណ១៧ពាន់លានដុល្លារ។ ទំហំទឹកប្រាក់ខាងលើនោះ មានការថយចុះក្នុងរង្វង់១០ភាគរយ បើប្រៀបនឹងរយ:ពេលដូចគ្នាក្នុងឆ្នាំ២០២៣ ដោយសារកត្តាទីផ្សារអ្នកប្រើប្រាស់ នៅក្រៅប្រទេសមានការថយចុះ និងដោយសារភាពរអាក់រអួលនៃការដឹកជញ្ជូនតាមសមុទ្រ និងអត្រាអតិផរណានៅប្រទេសអ្នកបញ្ជាទិញ។ ទោះជាយ៉ាងនេះក្តី ការនាំចេញពេញមួយឆ្នាំ២០២៤របស់កម្ពុជា ត្រូវបានរំពឹងថានឹងកើនឡើងជិត១០ភាគរយវិញ ដោយសារការនាំចេញក្នុងតំបន់កំពុងមានសន្ទុះកើនឡើង។ លោកសុខ សុភ័ក្រ បានគូសរំលេចថា ទំនិញដែលកម្ពុជានាំចេញរួមមាន៖ សម្លៀកបំពាក់ ស្បែកជើង និងភាគបំណែកស្បែកជើង កាបូប ផលិតផលវាយនភណ្ឌ ទោចក្រយាន គ្រឿងអេឡិចត្រូនិច និងភាគបំណែកផ្សេង។ ក្នុងរយៈពេលខាងលើ កម្ពុជា បាននាំចូលផលិតផលសំខាន់ៗ រួមមាន៖ ថ្នាំពេទ្យ និងឱសថបំប៉ន គ្រឿងប្រើប្រាស់…

ដោយៈ ហ្វីអូណាភ្នំពេញៈ រាជរដ្ឋាភិបាលកម្ពុជា បានជ្រើសរើសវិថចំនួន២ដាក់ឈ្មោះមេដឹកនាំឥណ្ឌូនេស៊ី ដើម្បីថថ្លែងអំណរគុណ និងពង្រឹងមិត្តភាព និងកិច្ចសហប្រតិបត្តិការរវាងប្រទេសទាំងពីរ។ ព័ត៌មាននេះ ត្រូវបានលើកឡើងដោយសម្តេចតេជោ ហ៊ុន សែន ប្រធានព្រឹទ្ធសភា ក្នុងឱកាសសម្តេចអនុញ្ញាតឲ្យឯកឧត្ដម សាន់តូ ដាម៉ូស៊ូម៉ាតូ (Santo Darmosumarto) ឯកអគ្គរដ្ឋទូតសាធារណរដ្ឋឥណ្ឌូណេស៊ីប្រចាំកម្ពុជា ចូលជួបសម្ដែងការគួរសម និងពិភាក្សាការងារ នៅវិមានព្រឹទ្ធសភា រាជធានីភ្នំពេញ ។ សម្តេចបន្តឲ្យដឹងថា “កម្ពុជាបានរៀបចំឱ្យមានវិថីពីរ ដែលបានដាក់ឈ្មោះថា “វិថីស៊ូកាណូ” និងវិថី “អាលី អាឡាតាស” ដែលជាឥស្សរជនឥណ្ឌូណេស៊ី បានរួមចំណែកជាមួយនឹងកម្ពុជា ជាពិសេស គឺឯកឧត្តម អាលី អាឡាតាស ដែលបានជួយជ្រោមជ្រែងរកដំណោះស្រាយសន្តិភាព ដល់ប្រទេសកម្ពុជា ។ សម្ដេចបានលើកឡើងថា…

ដោយៈ គង់ ហ្វីអូណាកំពតៈ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតីដ៏ខ្ពង់ខ្ពស់ក្នុងពិធីសម្ពោធបើកឱ្យប្រើប្រាស់ ជាផ្លូវការកំពង់ផែពហុបំណងកំពត របស់ក្រុមហ៊ុនកំពតផតនាព្រឹកថ្ងៃទី៦ មិថុនានេះ។ កំពង់ផែនេះ មានទីតាំងស្ថិតនៅក្នុងភូមិគីឡូ១២ សង្កាត់កោះតូច និងសង្កាត់បឹងទូក ក្រុងបូកគោ ខេត្តកំពត ចម្ងាយប្រមាណ ១៦០គីឡម៉ែត្រ ពីរាជធានីភ្នំពេញ តាមផ្លូវជាតិលេខ៣។ ហេដ្ឋារចនាសម្ព័ន្ធកំពង់ផែ មានវិសាលភាពលើផ្ទៃដីគោក ២០៧ហិកតា និងផ្ទៃទឹក៦៧៨ហិកតា។ ក្នុងនោះ ដែនគោកជាកម្មសិទ្ធិស្របច្បាប់របស់ក្រុមហ៊ុនកំពតផត។ រីឯដែនទឹកវិញ ជាកម្មសិទ្ធិរបស់រដ្ឋ ដែលរាជរដ្ឋាភិបាលបានសម្បទាន អនុញ្ញាតឱ្យក្រុមហ៊ុនកំពតផត គ្រប់គ្រង ថែរទាំ និងប្រើប្រាស់ សម្រាប់ធ្វើជាប្រឡាយនាវាចរណ៍ ឬកន្លែងនាវាចូលចេញ ផ្ទេរផ្ទុកទំនិញនៅកំពង់ផែ៕