Category ព័ត៌មានសេដ្ឋកិច្ចជាតិ

ដោយៈ គង់ សូរិយា ភ្នំពេញៈ ប្រសិនជាគ្មានការប្រែប្រួលទេនោះ កំពង់ផែទេសចរណ៍អន្តរជាតិខេត្តកំពត នឹងចាប់ផ្តើមប្រតិបត្តិការនៅត្រីមាសទី៣ ឆ្នាំ២០២៤ សម្រាប់បម្រើជាច្រកសម្រាប់នាវាទេសចរណ៍ ដែលតភ្ជាប់ប្រទេសថៃ និងវៀតណាមជាមួយកម្ពុជា។ ការសាងសង់កំពង់ផែនេះ ត្រូវបានផ្តល់ហិរញ្ញប្បទានដោយប្រាក់កម្ចីរបស់ ADB ចំនួនជាង១០លានដុល្លារ ដែលជាផ្នែកនៃគម្រោងអភិវឌ្ឍន៍ហេដ្ឋារចនាសម្ព័ន្ធ ទេសចរណ៍សម្រាប់កំណើនប្រកបដោយបរិយាបន្ននៅក្នុងមហាអនុតំបន់មេគង្គ (GMS)។ បច្ចុប្បន្នភាពទាក់ទង នឹងការដាក់ឱ្យដំណើរការនេះ ត្រូវបានផ្តល់ដោយលោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន កាលពីថ្ងៃសៅរ៍ បន្ទាប់ពីមានការលើកឡើងជុំវិញ ការពន្យារពេលក្នុងការបើកកំពង់ផែសម្រាប់ប្រតិបត្តិការ។ លោក ប៉េង ពោធិ៍នា បានមានប្រសាសន៍ថា កំពង់ផែមិនទាន់អាចបើកដំណើរការឱ្យបានឆាប់ គឺដោយសារការពន្យារពេល ក្នុងការជ្រើសរើសក្រុមហ៊ុន សម្រាប់ប្រតិបត្តិការកំពង់ផែនេះ ក្រោមក្របខ័ណ្ឌភាពជាដៃគូរដ្ឋនិងឯកជន ដោយផ្អែកលើកិច្ចព្រមព្រៀងរវាងរដ្ឋាភិបាល និង ADB…

ដោយៈ គង់ ហ្វីអូណា ភ្នំពេញៈ គម្រោងសាងសង់ស្ពានឆ្លងកាត់ទន្លេមេគង្គ ខេត្តក្រចេះ ដែលមានប្រវែង១៧៦១ម៉ែត្រ ស្ថិតនៅស្រុកចិត្របុរី និងស្រុកព្រែកប្រសព្វសម្រេចបានជិត៥០ភាគរយហើយ។ ជាមួយគ្នានេះ ផ្លូវតភ្ជាប់ និងផ្លូវខ្នែង ទៅកាន់ក្រុងក្រចេះ ដែលមានប្រវែងសរុប៣៣,៤៥៩ គីឡូម៉ែត្រ សម្រេចបាន៣៦,២៤ភាគរយផងដែរ។ ស្ពានឆ្លងកាត់ទន្លេមេគង្គនេះ បានប្រើប្រាស់ឥណទានសម្បទានពីរដ្ឋាភិបាល នៃសាធារណរដ្ឋប្រជាមានិតចិន និងបានសម្ពោធបើកការដ្ឋានសាងសង់ កាលពីថ្ងៃទី២ ខែមករា ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម វ៉ាង វិនធៀន (Wang Wentian) ឯកអគ្គរដ្ឋទូតចិនប្រចាំកម្ពុជា ហើយគម្រោងទាំងមូល គ្រោងនឹងបញ្ចប់ការសាងសង់ ឱ្យបានមុនខែកញ្ញា ឆ្នាំ២០២៦ ខាងមុខនេះ៕…

      ដោយៈ គង់ ម៉ាលីនណា       ភ្នំពេញៈ ប្រតិភូមកពីវិទ្យាស្ថានយុទ្ធសាស្ត្រសេដ្ឋកិច្ចអន្តរជាតិ នៃសាធារណរដ្ឋប្រជាមានិតចិន មានគម្រោងបង្កើតវិទ្យាល័យ និងសាខាវិទ្យាស្ថានយុទ្ធសាស្ត្រសេដ្ឋកិច្ចអន្តរជាតិនៅកម្ពុជា។ ព័ត៌មាននេះត្រូវបានលើកឡើង នៅក្នុងឱកាស បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ទទួលជួបសម្ដែងការគួរសម និងពិភាក្សាការងារជាមួយ ប្រតិភូមកពីវិទ្យាស្ថានយុទ្ធសាស្ត្រសេដ្ឋកិច្ចអន្តរជាតិ នៃសាធារណរដ្ឋប្រជាមានិតចិន ដើម្បីសំណេះសំណាលពិនិត្យលទ្ធភាព ក្នុងការផ្សារភ្ជាប់ទំនាក់ទំនងកិច្ច សហប្រតិបត្តិការលើវិស័យអប់រំនៅកម្ពុជា នៅថ្ងៃទី៦ ខែឧសភា ឆ្នាំ២០២៤។ ក្នុងជំនួបនោះ លោកស្រី Diana Pang ប្រធានវិទ្យាស្ថានយុទ្ធសាស្ត្រសេដ្ឋកិច្ចអន្តរជាតិ បានលើកឡើងពីគម្រោង នៃការបង្កើតវិទ្យាល័យ និងសាខាវិទ្យាស្ថានយុទ្ធសាស្ត្រ សេដ្ឋកិច្ចអន្តរជាតិនៅកម្ពុជា ក៏ដូចជាការបន្តពង្រឹងពង្រីក កិច្ចសហប្រតិបត្តិការលើការផ្ដល់អាហារូបករណ៍ដល់និស្សិតខ្មែរ…

      ដោយៈ គង់ សូរិយា       ភ្នំពេញៈ មូលនិធិរូបិយវត្ថុអន្តរជាតិ​ (​I​M​F​) ​បាន​បង្ហាញ​ពី​តួលេខ​ ​ផលទុនជាតិសរុបថ្មី(ផ​.​ស​.​ស)​របស់​កម្ពុជា​ ​ដោយ​យក​ឆ្នាំ​២​០​១​៤​ ​ជា​ឆ្នាំ​មូលដ្ឋាន​ សម្រាប់​ការ​គណនា​ជំនួស​ឆ្នាំ​២​០​០​០​ ​ដែល​បង្ហាញ​ពី​សេដ្ឋកិច្ច​ធំ​ជាង​ការ​គណនា​ ​ផ​.​ស​.​ស​ ​ពីមុន​៣​៥​ភាគរយ​។​ ក្រុមហ៊ុន​ ​Mekong​ ​Strategic​ ​Capital​ (​MS​C) ​បាន​ឱ្យ​ដឹង​នៅ​ក្នុង​កំណត់ចំណាំ​ស្តីពី ​ការ​សម្រេច​ចិត្ត​របស់​ ​I​M​F​ ​ដោយ​លើកឡើង​ថា​ ​ផ​.​ស​.​ស​ ​របស់​កម្ពុជា​សម្រាប់​ឆ្នាំ​២​០​២​៣​ ​មាន​ចំនួន​​៤​១​,​៩​ ​ពាន់​លាន​ដុល្លារ​។​ យោង​តាម​តួលេខ​របស់​ធនាគារ​អភិវឌ្ឍន៍​អាស៊ី​ (​A​D​B) ​បាន​ឱ្យ​ដឹង​ថា​ ​ផ​.​ស​.​ស​ ​របស់កម្ពុជា ​សម្រាប់​ឆ្នាំ​២​០​២​៣​ ​មាន​ចំនួន​៣​១​,​៩​ ​ពាន់​លាន​ដុល្លារ​ ​ហើយ​ភាព​ខុសគ្នា​គឺជា​លទ្ធផល ​នៃ​ការកំណត់​មូលដ្ឋាន​ឡើងវិញ ​ដែល​បាន​ធ្វើឡើង​នៅ​ក្នុង​តួលេខ​…

ដោយៈ គង់ ម៉ាលីនណា       ភ្នំពេញៈ ការិយាល័យឥណទានកម្ពុជា (CBC) បានបង្ហាញថា ប្រជាជន​កម្ពុជា​ ដែល​កំពុង​ធ្វើអាជីវកម្ម​ខ្នាត​តូច ​កំពុង​បន្ត​ស្វែងរក​តម្រូវ​ការ​ទុន​បង្វិល​(​working capital​)​នេះ​បើ​យោង​តាម​ទិន្នន័យ​។​ ​ ចំនួននេះមានអត្រាខ្ពស់ ​រហូតដល់​៥​៤​ភាគរយ​ នៃ​ក​ម្ចី​ចំនួន​១​,​៨​៩​លាន​ក​ម្ចី ​គឺ​សម្រាប់​ទុន​ប​ង្វី​ល​ ​នេះ​បើ​យោង​តាម​របាយការណ៍​ត្រីមាស​ទី​១​ នៃ​សន្ទស្សន៍​ឥណទាន​អាជីវកម្ម​ខ្នាត​តូ​ច ចេញ​ដោយ​ការិ​យាល័យ​ឥណទាន​កម្ពុជា​ (CBC) ​។​ បន្ទាប់មក​៣​២​​ភាគរយ​នៃ​ប្រាក់​ក​ម្ចី ​ត្រូវ​បាន​ប្រើប្រាស់​សម្រាប់​គោលបំណង​កសិកម្ម​ ​និង​ប្រហែល​៦​​ភាគរយ ​សម្រាប់​ការ​ផ្តល់​ហិរញ្ញប្បទាន​ទ្រព្យ​សកម្ម​ ​ពោល​គឺ​នៅពេលដែល​កសិករ​ ចង់​ទិញ​ឧបករណ៍​ថ្មី​ដូចជា​ ​ត្រាក់ទ័រ​ឬ​ម៉ាស៊ីនបូម​ទឹក​សម្រាប់​កសិដ្ឋាន​របស់​ពួកគេ​។​ ដោយឡែក​១​ ​ភាគរយ​នៃ​ប្រាក់​ក​ម្ចី​ ត្រូវ​បាន​ផ្តល់​សម្រាប់​ការ​សាងសង់​ ​និង​៧​​ភាគរយ​ទៀត​សម្រាប់​គោលបំណង​ផ្សេងៗ​។​ ​តម្រូវ​ការ​សម្រាប់​ប្រាក់​ក​ម្ចី​ថ្មី ​នៅតែ​មានសន្ទុះ​ទាប​។​ ​ជាមួយនឹង​ការ​ធ្លាក់ចុះ​១​,​៥​៥​​ភាគរយ​ នៅ​ក្នុង​គណនី​ប្រាក់​ក​ម្ចី​ នៅ​ត្រីមាស​ធៀប​នឹង​ត្រីមាស​នេះ ​បើ​យោង​តាម​ទិន្នន័យ​ជាមួយ​CBC ​។​…

ដោយៈ គង់ ម៉ាលីនណា ភ្នំពេញៈ មន្រ្តីជាន់ខ្ពស់កម្ពុជារំពឹងថា នឹងចំណេញថ្លៃដឹកជញ្ជូនបានប្រមាណ៨៨លានដុល្លារក្នុងមួយឆ្នាំ ពីការដឹកជញ្ជូនតាមព្រែកជីកហ្វូណន-តេជោ នៅឆ្នាំ២០៥០ និងឈានដល់៥៧០ លានដុល្លារក្នុងមួយឆ្នាំនៅពេលបន្តទៅមុខទៀត។ លោកស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានលើកឡើងបែបនេះ ក្នុងអំឡុងពេលធ្វើបាឋកថាស្តីពី គម្រោងព្រែកជីកហ្វូណន-តេជោ និងកិច្ចខិតខំប្រឹងប្រែងរបស់ក្រុមប្រឹក្សាអភិវឌ្ឍន៍កម្ពុជា ក្នុងការទាក់ទាញការវិនិយោគ និងផែនការ រួមទាំងសមិទ្ធផលសំខាន់ៗរបស់រាជ រដ្ឋាភិបាលអាណត្តិទី៧កាលពីថ្ងៃទី៣ ខែមេសា ឆ្នាំ២០២៤។ លោកបានបញ្ជាក់ថា ផ្អែកលើការគណនាEIRR គម្រោងនេះត្រូវបានគេរំពឹងថា នឹងនាំមកនូវអត្ថប្រយោជន៍ជាច្រើន ដល់សេដ្ឋកិច្ចកម្ពុជា ដូចជា អត្រាការងារ ចំណូលថវិកាជាតិបានមកពីពន្ធ នគរូបនីយកម្ម សំណង់ និងអចលនទ្រព្យ។ ទន្ទឹមនឹងនេះ លោកបានគូសបញ្ជាក់បន្ថែម អំពីលទ្ធភាពហិរញ្ញវត្ថុ នៃគម្រោងព្រែកជីកហ្វូណន-តេជោផងដែរ។…

ដោយៈ ម៉ាលីនណា អន្តរជាតិៈ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា និងលោកជំទាវ Natela Turnava ទេសាភិបាលស្តីទី ធនាគារជាតិនៃហ៊្សកហ្ស៊ី បានដឹកនាំគណៈប្រតិភូ ចូលរួមកិច្ចប្រជុំទ្វេភាគី នៅទីក្រុងប៊ីលីស៊ី ប្រទេសហ៊្សកហ្ស៊ីកាលពីចុងសប្តាហ៍មុន។ នេះជាលើកដំបូង ដែលធនាគារកណ្តាលទាំងពីរ បានចាប់ផ្តើមពង្រឹងកិច្ចសហប្រតិបត្តិការ ដោយបានចុះអនុស្សរណៈយោគយល់ ក្នុងគោលបំណង បង្កើតជាក្របខណ្ឌកិច្ចសហប្រតិបត្តិការ ក្នុងនោះរួមមានការចែករំលែកចំណេះដឹង និងបទពិសោធន៍ក្នុងការងារបច្ចេកទេសរបស់ធនាគារកណ្តាល។ ថ្នាក់ដឹកនាំទាំងពីរបានពិភាក្សា ផ្លាស់ប្តូរទស្សនៈលើស្ថានភាពសេដ្ឋកិច្ច ដំណើរការអភិវឌ្ឍន៍ក្នុងវិស័យធនាគារ នយោបាយរូបិយវត្ថុនិងស្ថិរភាពហិរញ្ញវត្ថុ ចីរភាពហិរញ្ញវត្ថុ ព្រមទាំងបានកំណត់ទិសដៅកិច្ចសហប្រតិបត្តិការទ្វេភាគីនាពេលអនាគត។ ឆ្លងតាមកិច្ចពិភាក្សា ធនាគារជាតិនៃហ៊្សកហ្ស៊ី បានទទួលជោគជ័យ ក្នុងការកាត់បន្ថយដុល្លារូបនីយកម្ម ប្រកបដោយជោគជ័យក្នុង រយៈពេលជាង១០ឆ្នាំនេះ ដែលបទពិសោធន៍នេះ នឹងជួយជាធាតុចូលដល់ធនាគារជាតិនៃកម្ពុជា ក្នុងការលើកកម្ពស់ការប្រើប្រាស់ប្រាក់រៀល…

ដោយ៖ស-សម្បត្តិ ការប្រមូលពន្ធអាករគ្រប់ប្រភេទ តែងតែមានការអនុគ្រោះ និង/ឬលើកលែងពន្ធ ដើម្បីជាការលើកទឹកចិត្ត និងបញ្ចៀសផលប៉ះពាល់ដល់ជីវភាពរស់នៅរបស់ប្រជាពលរដ្ឋ។ នេះជាការបញ្ជាក់របស់លោក ង៉ែត លាភ អនុប្រធាននាយកដ្ឋានពន្ធចលនទ្រព្យ និងអចលនទ្រព្យ នៃអគ្គនាយកដ្ឋានពន្ធដារ នៅក្នុងកម្មវីធី “ពន្ធដារកម្ពុជា” ដែលធ្វើការផ្សាយផ្ទាល់នៅលើទំព័រហេ្វសប៊ុកផេកផ្លូវការរបស់អគ្គនាយកដ្ឋានពន្ធដារ កាលពីថ្ងៃព្រហស្បតិ៍ ទី២៥ ខែមេសា ឆ្នាំ២០២៤ ក្រោមប្រធានបទ ពន្ធប្រថាប់ត្រាលើការផ្ទេរកម្មសិទ្ធិ និងសិទ្ធិកាន់កាប់ចលនទ្រព្យ និងអចលនទ្រព្យ ដោយមានការចូលរួមពីលោក ជួប ចាន់ដារ៉ា អនុប្រធានការិយាល័យនៃនាយកដ្ឋានចលនទ្រព្យ និងអចលនទ្រព្យ ផងដែរ។ លោកអនុប្រធាននាយកដ្ឋានបានបន្ថែមទៀតថា ជាក់ស្ដែងចំពោះពន្ធប្រថាប់ត្រាលើការផ្ទេរកម្មសិទ្ធិ និងសិទ្ធិកាន់កាប់ចលនទ្រព្យ និងអចលនទ្រព្យ មានការលើកលែងនិងការអនុគ្រោះជាច្រើនដូចខាងក្រោម៖ ករណីលើកលែងពន្ធ ក. ដីសម្បទានសេដ្ឋកិច្ច ឬសង្គមកិច្ចដល់ជនក្រីក្រសង់លំនៅឋាន ឬ/និងធ្វើកសិ-ឧស្សាហកម្ម ឬកសិកម្មសលក្ខណៈគ្រួសារ។…

ដោយៈ គង់ សូរិយា        ភ្នំពេញៈលោកស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអនុញ្ញាតឱ្យលោក Paul Clement ប្រធានសភាពាណិជ្ជកម្មអន្តរជាតិនៃកម្ពុជា និងសហការី ចូលជួបសម្ដែងការគួរសម និងពិភាក្សាការងារ។ ក្នុងឱកាសកិច្ចប្រជុំនោះ លោកប្រធានសភាពាណិជ្ជកម្មបានជម្រាបជូន លោកឧបនាយករដ្ឋមន្ត្រីអំពីបេសកកម្មរបស់ IBC ដែលបានចាប់ផ្តើមនៅកម្ពុជាតាំងពី៣១ឆ្នាំមុន និងការចូលរួមជាមួយរាជរដ្ឋាភិបាលកម្ពុជា ជាពិសេសការចូលរួមយ៉ាងសកម្មរបស់ពួកគេ នៅក្នុងក្រុមការងារ “ឃ” នៃវេទិការាជរដ្ឋាភិបាល និងឯកជនលើកទី១៩។ ឆ្លៀតក្នុងឱកាសនោះ លោកប្រធានក៏បានបង្ហាញអំពីទិសដៅការងារ និងផែនការសកម្មភាព របស់សភាពាណិជ្ជកម្មអន្តរជាតិ នៃកម្ពុជារួមមាន ការបង្កើតឱកាសឱ្យសមាជិក សភាពាណិជ្ជកម្មផ្សេងៗនៅក្នុងប្រទេសកម្ពុជារួមមាន សភាពាណិជ្ជកម្មកម្ពុជា សភាពាណិជ្ជកម្មអាមេរិកជាដើម មានឱកាសប្រាស័យទាក់ទងគ្នា ដើម្បីជំរុញចល នាទាក់ទាញវិនិយោគិនមកបណ្តាក់ទុននៅប្រទេសកម្ពុជា។ លោកឧបនាយករដ្ឋមន្ត្រីស៊ុន…

ដោយៈ គង់ សូរិយា ភ្នំពេញៈ សម្តេចធិបតីហ៊ុន ម៉ាណែត បានយករដ្ឋមន្រ្តីនៃកម្ពុជាបានសម្តែងសុទិដ្ឋិនិយមថា កម្ពុជានឹងបន្តទទួលបានវិនិយោគប្រភេទឧស្សាហកម្ម ផ្អែកលើជំនាញជាបន្តបន្ទាប់ ហើយកម្ពុជាក៏ត្រូវបន្ដអភិវឌ្ឍន៍ហេដ្ឋារចនាសម្ព័ន្ធឧស្សាហកម្ម ដែលបម្រើទៅដល់ការវិនិយោគផងដែរ។ សម្តេចបានថ្លែងបែបនេះ ក្នុងពេលអញ្ជើញជាអធិបតីក្នុងពិធីសម្ភោធរោងចក្រដំឡើងរថយន្ត Toyota នាព្រឹកថ្ងៃទី២ ឧសភាកន្លងមកនេះ។ សម្តេចបានបញ្ជាក់ថា “ខ្ញុំពិតជាមានសុទិដ្ឋិនិយម និងក្ដីសង្ឃឹមយ៉ាងមុតមាំថា ក្រោមដំបូលនៃសុខសន្តិភាព ស្ថិរភាពនយោបាយ ម៉ាក្រូសេដ្ឋកិច្ច ជាមួយនឹងធនធានមនុស្ស និងកម្លាំងពលកម្មជំនាញវ័យក្មេងប្រកបដោយចីរភាពរបស់កម្ពុជា និងភាពទាក់ទាញនៃការវិនិយោគកម្ពុជា យើងនឹងបន្តទទួលបានវិនិយោគ ប្រភេទឧស្សាហកម្មផ្អែកលើជំនាញនេះជាបន្តបន្ទាប់”។ សម្តេចបានបន្ថែមថា កម្ពុជាក៏ត្រូវបន្ដអភិវឌ្ឍហេដ្ឋារចនាសម្ព័ន្ធឧស្សាហកម្ម ដែលបម្រើទៅដល់ការវិនិយោគ និងការបណ្ដុះបណ្ដាលធនធានមនុស្ស ប្រកបដោយជំនាញ ស្របតាមតម្រូវការទីផ្សារពលកម្មជាបន្តឥតដាច់ផងដែរ។ ជាមួយគ្នានេះ សម្តេចធិបតីបានលើកឡើង ពីចក្ខុវិស័យរបស់រាជរដ្ឋាភិបាលនីតិកាលទី៧ គឺការជំរុញកែប្រែនិងធ្វើទំនើបកម្មរចនាសម្ព័ន្ធឧស្សាហកម្មនៅកម្ពុជា ពីឧស្សាហកម្មអតិពលកម្មឈានទៅឧស្សាហកម្មផ្អែកលើជំនាញ ស្របតាមគោលនយោបាយអភិវឌ្ឍន៍វិស័យឧស្សាហកម្មកម្ពុជា ឆ្នាំ២០១៥-២០២៥។…