Category ព័ត៌មានសេដ្ឋកិច្ចជាតិ

ដោយៈ ស៊ីវ ម៉េង ភ្នំពេញៈ ក្រុមហ៊ុនCanopy Sands Development(CSD)ដែលបាននិងកំពុងអភិវឌ្ឍន៍គំរោងThe Bay of Lightតម្លៃ១៦ពាន់លានដុល្លារ បាននាំយកនូវក្រុមហ៊ុនAIM Congressលំដាប់ពិភពលោកមកកាន់កម្ពុជា។ ក្រុមហ៊ុនCDS បានប្រកាសឲ្យដឹងកាលពីពេលថ្មីៗនេះអំពីការចាប់ដៃគូយុទ្ធសាស្ត្រ ជាមួយសន្និបាត Annual Investment Meeting ដែលជាវេទិកាវិនិយោគដ៏ល្បី របស់សហភាពអារ៉ាប់រួម ក្នុងគោលដៅពង្រឹងទំនាក់ទំនងរវាងទីផ្សារអាស៊ី ជាមួយទីផ្សារមជ្ឈឹមបូព៌ា ក៏ដូចជាជំរុញដល់កំណើនសេដ្ឋកិច្ចកម្ពុជាផងដែរ។ ក្រោមកិច្ចសហការនេះ នឹងមានការបង្កើតនូវសន្និបាត AIM Congress Asia នៅលើទឹកដីនៃគម្រោងអភិវឌ្ឍន៍ Bay of Lights ក៏ដូចជាការបង្កើតមជ្ឈមណ្ឌលសន្និបាត និងពិព័រណ៌ស្តង់ដារអន្តរជាតិដំបូងនៃខេត្តព្រះសីហនុ លើផ្ទៃដីទំហំ១១ហិកតា ក្នុងគម្រោងអភិវឌ្ឍន៍ Bay of Lights។ ក្នុងសន្និបាត…

ដោយៈ គង់ ម៉ាលីនណា ភ្នំពេញៈ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា និងលោកសាស្ត្រាចារ្យ Tetsuya Watanabe ប្រធានវិទ្យាស្ថានស្រាវជ្រាវសេដ្ឋកិច្ចសម្រាប់អាស៊ាន និងអាស៊ីបូព៌ា (ERIA) បានអញ្ជើញជាអធិបតី និងចុះហត្ថលេខាលើអនុស្សរណៈយោគយល់ ស្តីពី “កិច្ចសហប្រតិបត្តិការក្នុងការអភិវឌ្ឍយុទ្ធសាស្ត្រ សម្រាប់ហិរញ្ញប្បទានឌីជីថលបៃតងនៅកម្ពុជា” ។ ក្របខណ្ឌនៃកិច្ចសហប្រតិបត្តិការនេះ នឹងជួយកសាងសមត្ថភាពរបស់ភាគីពាក់ព័ន្ធ តាមរយៈការរៀបចំសិក្ខាសាលា ដើម្បីពិភា ក្សា ក៏ដូចជា ពិគ្រោះយោបល់ទាក់ទងនឹងបរិវត្តកម្មបៃតង និងនវានុវត្តន៍ឌីជីថល និងស្វែងរកឱកាស ក្នុងដំណើរអភិវឌ្ឍន៍គោលការណ៍បរិស្ថាន សង្គម និងអភិបាលកិច្ច (ESG) និងហិរញ្ញប្បទានឌីជីថលបៃតងនៅប្រទេសកម្ពុជា។ ជាងនេះទៀត អនុស្សរណៈយោគយល់ ដែលបានចុះហត្ថលេខាកាលពីសប្តាហ៍មុននេះ ក៏អនុញ្ញាតឱ្យមានការអនុវត្តគម្រោងស្រាវជ្រាវរួមគ្នា ជុំវិញទិដ្ឋភាពហិរញ្ញប្បទាន…

      ដោយៈ និស្ស័យ       ភ្នំពេញៈ មេដឹកនាំកម្ពុជា ឡាវ បានសម្រេចឯកភាពលើការជម្រុញឲ្យអាជ្ញាធរពាក់ព័ន្ឋពន្លឿនការកំណត់ទីតាំង ដើម្បីរៀបចំសាងសង់ស្ពានតភ្ជាប់រវាងប្រទេសទាំងពីរ ក្នុងគោលដៅសម្រួលការធ្វើពាណិជ្ជកម្ម។ ព័ត៌មាននេះ ត្រូវបានលើកឡើងក្នុងជំនួបពិភាក្សាការងាររវាង លោកថងលុន ស៊ីសុលីត ប្រធានរដ្ឋនៃសាធារណរដ្ឋប្រជាធិបតេយ្យ ប្រជាមានិតឡាវ ដែលបានដឹកនាំគណៈប្រតិភូជាន់ខ្ពស់ អញ្ជើញមកបំពេញទស្សនកិច្ចផ្លូវរដ្ឋ នៅព្រះរាជាណាចក្រ កម្ពុជា ពីថ្ងៃទី២៣-២៤ ខែមេសា ឆ្នាំ២០២៤កន្លងមកនេះ។ យោងតាមសេចចក្តីប្រកាសព័ត៌មាន របស់ក្រសួងការបរទេស និសហប្រតិបត្តិការអន្តរជាតិស្តីពី លទ្ធផលនៃដំណើររបស់ប្រធានរដ្ឋ បានឲ្យដឹងថា កម្ពុជា-ឡាវ បានជំរុញឱ្យអាជ្ញាធរពាក់ព័ន្ធពន្លឿនការកំណត់ទីតាំងសាងសង់ស្ពាន ឆ្លងកាត់ទន្លេរពៅ(កម្ពុជា)/សេឡាំផាវ(ឡាវ) ដើម្បីសម្របសម្រួលដល់លំហូរប្រជាជន ពាណិជ្ជកម្ម វិនិយោគ និង ទេសចរណ៍រវាងប្រទេសទាំងពីរ។ ចំណែកឯវិស័យសន្តិសុខ និងការពារជាតិ ភាគីទាំងពីរ បានឯកភាពពង្រឹងកិច្ចសហប្រតិបត្តិការ…

      ដោយៈ គង់ សូរិយា       ភ្នំពេញៈ សម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជាបានសរសេរលើបណ្តាញទំនាក់ទំនងសង្គមថា ប្រជាជនកម្ពុជាមួយប្រទេសបានយល់អំពីអត្ថប្រយោជន៍ ចំពោះសេដ្ឋកិច្ចនិងសង្គមជាតិកម្ពុជា ដែលគម្រោងព្រែកជីកហ្វូណនតេជោ និងផ្ដល់ឲ្យសម្រាប់ប្រទេសនិងប្រជាជនខ្មែរ។ នៅព្រឹកថ្ងៃទី២៥ មេសានេះ សម្តេចធិបតីហ៊ុន ម៉ាណែតបានសរសេរថា ប៉ុន្តែបែរជា សម រង្សី ដែលជាអ្នកនយោបាយចាស់វស្សាដែលតែងតែតាំងខ្លួនជាអ្នកស្រលាញ់ជាតិ មិនមានសមត្ថភាពក្នុងការមើលឃើញ ឬទទួលស្គាល់នូវអ្វីដែលល្អសម្រាប់ខ្មែរទៅវិញ។ សម្តេចបានចោទជាសំណួរថា “តើគាត់ជាមនុស្សល្ងង់ពិតប្រាក​ដ ឬជាមនុស្សចេះប៉ុន្តែចេះល្ងង់”។ សម្តេចបន្ថែមថា “ជាមនុស្សប្រឆាំង ដើម្បីប្រឆាំង។  ប្រឆាំងគ្មានរើសពេលវេលា ឬប្រធានបទ។ ប្រឆាំងសូម្បីតែសមិទ្ធផលសម្រាប់ជាតិ និងប្រជាជនខ្មែរខ្លួនឯងក៏ដោយ”។ សម្តេចបានបញ្ជាក់ក្នុងរង្វង់ក្រចកថា (សូម្បីតែភូមិសាស្ត្រ ពាក់ព័ន្ធនឹងខេត្តដែលគម្រោងនេះនឹងតភ្ជាប់ ក៏គាត់ក្តាប់មិនបាន និយាយមិនត្រូវផង…លោកម្ចាស់អើយ។)៕

      ដោយៈ គង់ ហ្វីអូណា       ភ្នំពេញៈ  លោកថោង ខុន ទេសរដ្ឋមន្ត្រី ទទួលបន្ទុកបេសកកម្មពិសេស និង​ប្រធាន​គណៈកម្មការគ្រប់គ្រង និងអភិវឌ្ឍន៍ទេសចរណ៍សៀមរាប អង្គរ បានបើកកិច្ចប្រជុំលើកទី១ គណៈកម្មការ​គ្រប់គ្រង និងអភិវឌ្ឍន៍ទេសចរណ៍សៀមរាប អង្គរ ដែលកិច្ចប្រជុំនេះ​ក្រុមការងា​រ​អន្តរ​ក្រសួង ជំរុញការរៀបចំ អភិវឌ្ឍន៍ផលិតផលទេសចរណ៍ឲ្យបានច្រើន ដើម្បីទាក់ទាញ​ទេសចរ​ទស្សនា​ខេត្តសៀមរាប និងស្នាក់នៅបានយូរ។ លោកថោង ខុន បានថ្លែងថា បច្ចុប្បន្ន នៅក្នុង​ដំណើរ​ការ​អនុវត្ត​ផែនការ​យុទ្ធសាស្ត្រ​អភិវឌ្ឍន៍​តំបន់​អង្គរ ឆ្នាំ២០២១ ឆ្នាំ២០៣៥ និងផែនការអភិវឌ្ឍខេត្តសៀមរាប បាននិងកំពុង​ទទួល​បាន​សមិទ្ធិផលជាបណ្តើរៗ ជាពិសេសបណ្តាញផ្លូវនៅក្នុងខេត្ត ផ្លូវតំបន់ប្រាសាទ តំបន់​ព្រៃអង្គរ ជាងនេះទៅទៀត គោលដៅទេសចរណ៍នានាទៀត មានតំបន់ភ្នំគូលេន តំបន់បន្ទាយស្រី តំបន់​បឹង​ទន្លេសាប និងតំបន់មានសក្តានុពលនានា…

ដោយៈ សហការី       ភ្នំពេញៈ  កាលពីព្រឹកថ្ងៃព្រហស្បតិ៍ ទី25 ខែមេសា ឆ្នាំ2024 នេះ ក្រុមហ៊ុនអភិវឌ្ឍគម្រោងអចលទ្រព្យ អឺបេនលែន បានប្រារព្ធពិធីបើកសម្ពោធការដ្ឋានសាងសង់ជាផ្លូវការ នៃគម្រោងផ្សារទំនើប ខេ ម៉ល ព្រែកត្នោតរបស់ខ្លួន ដែលមានទីតាំងនៅតាមបណ្តោយ ផ្លូវជាតិលេខ 2 និងស្ថិតនៅជាប់ច្រកចូលបុរីចន្ទគីរី។ ក្នុងពិធីដ៏ពិសេសនេះ ក៏មានការអញ្ជើញចូលរួមពីលោក កាំង ហុក អគ្គនាយកប្រតិបត្តិនៃក្រុមហ៊ុន អឺបេនលែន ព្រមទាំងគណៈគ្រប់គ្រងជាន់ខ្ពស់នៃក្រុមហ៊ុន អឺបេនលែន និងភ្ញៀវកិត្តិយសជាច្រើនផងដែរ។ ផ្សារទំនើបសហគមន៍ថ្មីសន្លាងនេះ  មានចម្ងាយត្រឹមតែប៉ុន្មាននាទីប៉ុណ្ណោះពីមហាវិថីសម្តេច ហ៊ុន សែន (ឬផ្លូវ 60m) និងត្រឹមតែ15 នាទីពីអាកាសយានដ្ឋានអន្តរជាតិតេជោ ដែលនឹងបើកដំណើរការផ្លូវការ នៅពាក់កណ្តាលឆ្នាំ 2025…

      ដោយៈ សហសេវិក       ភ្នំពេញៈ ក្រុមថ្នាក់ដឹកនាំសមាគមសហគ្រិនសារព័ត៌មានសេដ្ឋកិច្ចកម្ពុជា (CEMEA) បានបង្ហាញជំហរយ៉ាងម៉ឺងម៉ាត់ ក្នុងការគាំទ្រនូវផែនការរបស់រាជរដ្ឋាភិបាលកម្ពុជា លើការជីកព្រែកជីក “ហ្វូណនតេជោ”។ លោកកៃ គឹមសុង អនុប្រធានសមាគម CEMEA បានលើកឡើងកាលពីល្ងាចថ្ងៃទី២៥ មេសាថា លោកគាំទ្ររាជរដ្ឋាភិបាលទាំងស្រុង ព្រោះព្រែកជីកនេះ ជាអត្ថប្រយោជន៍សេដ្ឋកិច្ចកម្ពុជា ហើយការជីកព្រែកនេះ ដើម្បីកុំឲ្យយើងខ្ចីដង្ហើមប្រទេសជិតខាងដកតទៅទៀត។        លោកបញ្ជាក់ថា “អ្វីដែលជាគំរោងរបស់កម្ពុជា កម្ពុជាត្រូវតែធ្វើ ព្រោះវាស្ថិតនៅលើទឹកដីកម្ពុជា ប្រទេសផ្សេងមានសិទ្ឋ មានអំណាចអី ដែលត្រូវមកត្រួតត្រាលើប្រទេសយើងតទៅទៀតទី១”។ ទី២ បើទន្លេរមេគង្គមិនមានផលប៉ះពាល់អ្វីទេ វានៅដៃទន្លេរបាសាក់”។ លោកបន្តថា នៅពេលប្រទេសប្រទេសវៀតណាមជីកព្រែក និងសាងសង់ទំនប់វារីអគ្គិសនី កម្ពុជាមិនដែលឈឺក្បាលនោះឡើយ ហើ​យវៀតណាមមិនបានប្រាប់កម្ពុជាទេ។ ដូច្នេះកម្ពុជាមិនចាំបាច់អី ត្រូវប្រាប់…

ភ្នំពេញ៖ អាមេរិក កោតសរសើរកម្ពុជា ស្របពេលពិភពលោកស្ថិតក្នុងភាពច្របូកច្របល់ នៃស្ថានភាពមីយ៉ាន់ម៉ា និងសង្គ្រាមរុស្ស៊ី-អ៊ុយក្រែន។ការកោតសរសើរនេះធ្វើឡើង ក្នុងឱកាស ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអនុញ្ញាតឱ្យឯកឧត្តម W. Patrick Murphy ឯកអគ្គរដ្ឋទូតសហរដ្ឋអាមេរិក ប្រចាំព្រះរាជាណាចក្រកម្ពុជា និងសហការី ចូលជួបសម្ដែងការគួរសម និងជម្រាបលា មុនពេលឯកឧត្តមឯកអគ្គរដ្ឋទូតបញ្ចប់អាណត្តិនៅកម្ពុជា នាព្រឹកថ្ងៃពុធ ទី២៤ ខែមេសា ឆ្នាំ២០២៤ក្នុងជំនួបនាឱកាសនេះ ឯកឧត្តមឧបនាយករដ្ឋមន្ត្រី និងឯកឧត្តមឯកអគ្គរដ្ឋទូតបានពិភាក្សាលើប្រធានបទនានាជាច្រើននៃទំនាក់ទំនងទ្វេភាគីរវាងប្រទេសទាំងពីរ ដោយក្នុងនោះ ឯកឧត្តមឯកអគ្គរដ្ឋទូត បានមានប្រសាសន៍លើកឡើងអំពី មូលដ្ឋានគ្រឹះនៃទំនាក់ទំនងរវាងកម្ពុជា-សហរដ្ឋអាមេរិក ក្រោមក្របខណ្ឌកម្មវិធីជំនួយបរទេសនានា (Foreign Assistance) កត់សម្គាល់ដូចជាគម្រោង «USAID» ជាដើម ដែលគម្រោងទាំងអស់នេះ…

ភ្នំពេញ៖ សម្តេចធិបតី នាយករដ្ឋមន្រ្តី នៃកម្ពុជា មានប្រសាសន៍ថា ការសម្តែងរួមគ្នាក្បាច់គុនសៅលីញ និងក្បាច់គុនល្បុកត្តោ នៅអង្គដើម្បីទាក់ទាញទេសចរមកកម្ពុជាកាន់តែច្រើន។ សម្តេចធិបតី បញ្ជាក់ថា «ដើម្បីជំរុញនូវយុទ្ធនាការ «ទស្សនាសៀមរាប ឆ្នាំ២០២៤» ក៏ដូចជាអបអរសាទរ «ឆ្នាំនៃការផ្លាស់ប្តូរប្រជាជន និងប្រជាជន កម្ពុជា-ចិន ២០២៤» ក្រសួងទេសចរណ៍​​នៃព្រះរាជាណាចក្រកម្ពុជា និងរដ្ឋបាលប្រជាជនខេត្តហឺណាន និងរដ្ឋបាលខេត្តសៀមរាប បានសហការរៀបចំព្រឹត្តិការណ៍​​​ពិព័រណ៍វប្បធម៌ទេសចរណ៍ និងការសម្ដែងក្បាច់គុនសាវលីញ និងគុនល្បុក្កតោនៅអង្គរ (When Shaolin Meets Bokator At Angkor) ដ៏អស្ចារ្យ នៅបរិវេណខាងជើងប្រាសាទបាយ័ន នាព្រឹកថ្ងៃទី២៤ ខែមេសា ឆ្នាំ២០២៤ ដោយសម្តែងរួមគ្នារវាងក្បាច់គុនសៅលីញ និងក្បាច់គុនល្បុកត្តោ ក្នុងគោលបំណងផ្សព្វផ្សាយគោលដៅទេសចរណ៍ និងវប្បធម៌រួមគ្នា ដើម្បីទាក់ទាញអ្នកទេសចរមកកាន់កម្ពុជាកាន់តែច្រើន…

ដោយៈ សហសេវិកភ្នំពេញៈ ទោះបីស្ថិតក្នុងស្ថានភាពនៃវិបត្តិជំងឺកូវីដ-១៩ក្តី ប៉ុន្តែការនាំចេញរបស់កម្ពុជា ទៅកាន់ទីផ្សារសហរដ្ឋអាមេរិក បែរជាបង្ហាញនូវសន្ទុះកំណើនដ៏ខ្ពស់បំផុត ពុំធ្លាប់មានទេក្នុងរយៈពេល៥ឆ្នាំចុងក្រោយនេះ។ យោងតាមតួលេខការិយាល័យជំរឿន សហរដ្ឋអាមេរិកបានបង្ហាញថា រយៈពេល៥ឆ្នាំចុងក្រោយនេះ ការនាំចេញរបស់កម្ពុជាទៅកាន់ទីផ្សារសហរដ្ឋអាមេរិក បានកើនឡើងទ្វេរដង ដោយសម្រេចបានក្នុងអត្រាកំណើនរហូតដល់ទៅ១១៧%។ តួលេខបានបង្ហាញថា រយៈពេល៥ឆ្នាំចុងក្រោយនេះ ការនាំចេញបានកើនឡើងពីទឹកប្រាក់ចំនួនជាង៥៣០០លានដុល្លារកាលពីឆ្នាំ២០១៩ ដល់ទឹកប្រាក់ចំនួនជិត១១,៦ពាន់លានដុល្លារ ។ តាមរយៈអត្រាកំណើនដ៏ខ្ពស់ខាងលើនេះ បានធ្វើឱ្យសហរដ្ឋអាមេរិក ក្លាយជាទីផ្សារធំបំផុត នៃទំនិញនាំចេញពីកម្ពុជាសាជាថ្មី ដោយនាំមុខទីផ្សារសហគមន៍អឺរ៉ុប ដែលធ្លាប់តែជាទីផ្សារទំនិញធំបំផុតទី១របស់កម្ពុជាអស់រយៈពេលជាច្រើនឆ្នាំកន្លងទៅ។ យោងតាមប្រភពដដែលបានឲ្យដឹងថា សម្រាប់ដើមឆ្នាំ២០២៤នេះ ការនាំចេញរបស់កម្ពុជា ទៅកាន់ទីផ្សារសហរដ្ឋអាមេរិក នៅតែបន្តកើនឡើងបន្ថែមទៀត ពោលគឺរយៈពេល២ខែដំបូងនៅឆ្នាំនេះការនាំចេញរបស់កម្ពុជា ទៅកាន់ទីផ្សារអាមេរិកបានកើនឡើង ក្នុងអត្រាជិត៥%បន្ថែមទៀត បើធៀបនឹងរយៈពេលដូចគ្នាកាលពីឆ្នាំ២០២៣កន្លងទៅ ដោយទឹកប្រាក់នៃការនាំចេញ បានកើនឡើងពីជាង១៦៣៣លានដុល្លារ ដល់ទឹកប្រាក់១៧១៣លានដុល្លារ។ ទំនិញដែលនាំចេញពីកម្ពុជា ទៅទីផ្សារអាមេរិកភាគច្រើនលើសលុបជាផលិតផល នៅក្នុងវិស័វាយនភណ្ឌកាត់ដេរ និងស្បែកជើង…