Category ព័ត៌មានសេដ្ឋកិច្ចជាតិ

ដោយៈ និស្ស័យ ភ្នំពេញៈ មន្រ្តីជាន់ខ្ពស់ក្រសួងសាធារណៈការ និងដឹកជញ្ជូន បានបើកកិច្ចប្រជុំលើកទី២ នៃគណៈកម្មការចម្រុះសម្រាប់សម្របសម្រួលការអនុវត្ត គម្រោងស្តីពីការពង្រឹងសមត្ថភាព ក្នុងការសម្របសម្រួល សម្រាប់ការធ្វើឱ្យប្រសើរឡើងនូវប្រព័ន្ធភស្តុភារកម្មកម្ពុជា។ កិច្ចប្រជុំកាលពីចុងសប្តាហ៍មុននេះ ត្រូវបានដឹកនាំដោយលោកជំទាវ កុយ សុដានី រដ្ឋមន្ត្រីស្ដីទីក្រសួងសាធារណការ និងដឹកជញ្ជូន និងជាប្រធានគណៈកម្មការចម្រុះ សម្រាប់សម្របសម្រួលការអនុវត្តគម្រោងស្តីពី ការពង្រឹងសមត្ថភាពក្នុងការសម្របសម្រួល សម្រាប់ការធ្វើឱ្យប្រសើរឡើងនូវប្រព័ន្ធភស្តុភារកម្មកម្ពុជា ជំហានទី៣ និងលោក Tanaka Yukinari ប្រធានបេសកកម្ម នៃស្នាក់ការកណ្ដាលទីភ្នាក់ងារ សហប្រតិបត្តិការអន្តរជាតិ នៃប្រទេសជប៉ុន (JICA) បានអញ្ជើញជាសហប្រធាន ដឹកនាំកិច្ចប្រជុំលើកទី២ របស់គណៈកម្មការចម្រុះសម្រាប់សម្របសម្រួល (JCC) អន្តរក្រសួង។ កិច្ចប្រជុំដ៏សំខាន់នេះ ធ្វើឡើងដើម្បីពិនិត្យដំណើរការនៃការអនុវត្តគម្រោងស្តីពី ការពង្រឹងសមត្ថភាពសម្របសម្រួល សម្រាប់ការធ្វើឱ្យប្រសើរឡើង នូវប្រព័ន្ធភស្តុភារកម្មកម្ពុជា សម្រាប់ជំហានទី៣…

ដោយៈ គង់ សូរិយា ភ្នំពេញៈ លោកឧកញ៉ាចេង ខេងអគ្គនាយកក្រុមហ៊ុនអចលនទ្រព្យ CPL បានលើកឡើងថា ច្បាប់ គឺការពារមនុស្សស្មោះត្រង់ ពួកយើងមិនគួរបោះបង់ជំនឿទៅលើច្បាប់ទេ។ លោកឧកញ៉ាបានមានប្រសាសន៍ឲ្យដឹង តាមបណ្តាញតេឡេក្រាមនាព្រឹកថ្ងៃទី១១ តុលានេះថា ពួកយើងរស់នៅក្នុងសង្គមដែលមានច្បាប់ ស្មារតីរបស់ច្បាប់ គឺសម្រាប់ការពារមនុស្សគ្រប់វណ្ណៈ នឹងអ្នករកស៊ីគ្រប់វិស័យ។ ធានាប្រសិទ្ធភាពនៃការគ្រប់គ្រងរបស់ ន.អ.ប ធានាសមធម៌ និងតុល្យភាពនៃផលប្រយោជន៍រវាងក្រុមហ៊ុន និងអតិថិជន ដែលប្រើសេវាកម្មវាយតម្លៃ និងភ្នាក់ងារអចលនវត្ថុ។ លោកឧកញ៉ាចេង ខេងបានបន្តថា “ការជម្រុញឲ្យមានការគោរពច្បាប់ ក្នុងវិស័យអចលនទ្រព្យ និងទាមទារឲ្យអ្នកនៅក្នុងវិស័យនេះគោរពច្បាប់ និងសុំអាជ្ញាប័ណ្ណត្រឹមត្រូវមានសារៈសំខាន់ណាស់”។ លោកបន្តថា “យើងចង់រក្សាបានសណ្តាប់ធ្នាប់ នៅក្នុងទីផ្សារអចលនវត្ថុរបស់ពួកយើង យើងមិនគួរណាប្រើវិធីរកលុយដោយមិនគោរពច្បាប់ មិនគោរពគោលការណ៍ របស់សមាគម CVEA ដែលជាសម្ពន្ធ័ស្មារតីរួបរួមក្នុងវិស័យរបស់ខ្លួននោះឡើយ”។ លោកឧកញ៉ាបានបន្តថា…

ដោយៈ គង់ ម៉ាលីនណា ភ្នំពេញៈ ទំហំទីផ្សារមូលធន ក្នុងផ្សារហ៊ុននៅកម្ពុជានៅមានកម្រិត ដោយគិតពីឆ្នាំ២០១២ ដល់បច្ចុប្បន្នមានទំហំទឹកប្រាក់ជួញដូរប្រមាណ៤០០លានដុល្លារអាមេរិកប៉ុណ្ណោះ។ ប្រតិភូរាជរដ្ឋាភិបាល ទទួលបន្ទុកអគ្គនាយកនិយ័តករមូលបត្រ និងបញ្ចាំ លោកស៊ូ សុជាតិ បានមានប្រសាសន៍ឲ្យដឹងកាលពីពេលថ្មីៗនេះថា រហូតមកទល់ពេលបច្ចុប្បន្ននេះ មានក្រុមហ៊ុនចំនួន២៣បានចូលក្នុងទីផ្សារ ក្នុងនោះក្រុមហ៊ុនចំនួន១២បានបោះផ្សាយលក់សញ្ញាប័ណ្ណ។ លោកបន្តថា “ជាមួយនឹងកំណើននេះ អ្វីយើងចង់បាន គឺឲ្យកើនជាមួយនិរន្តរភាព និងការពារប្រសើរជាងព្យាបាល”។ លោកបានបន្តចង្អុលបង្ហាញ ទៅសមាគមលើកកំពស់ការជួញដូរឧបករណ៍និសន្ទន៍ថា ក្រុមហ៊ុនជួញដូរនៅផ្សារហ៊ុន ពិសេសក្រុមហ៊ុនជួញដូរឧបករណ៍និសន្ទន៍ ត្រូវផ្តោតលើការការពារអតិថិជនជាអាទិភាព ត្រូវផ្តោតលើការការពារ ជាជាងព្យាបាល ព្រោះបើចាំឈឺសិន ចាំព្យាបាលវានឹងមានបញ្ហា។ លោកបន្តថា “ដើម្បីឲ្យវិស័យនេះរ៉ឹងមាំ យើងត្រូវធ្វើការដោយវិជ្ជាជីវៈ ដើម្បីអាចដើរទៅមុខដោយរលូន និងមាននិរន្តរភាព”៕

        ដោយៈ គង់ សូរិយា         ភ្នំពេញៈ រយៈពេលប្រមាណ១០ខែ បន្ទាប់ពីការប្រកាសដាក់ចេញកម្មវិធីជម្រុញការវិនិយោគ ដោយសម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជា ខេត្តព្រះសីហនុទទួលបានគំរោងវិនិយោគចំនួនរហូតដល់១៤០គំរោង។ តាមរយៈកិច្ចប្រជុំកាលពីថ្ងៃទី ២៦ ខែកញ្ញា ឆ្នាំ២០២៤​ លោក បណ្ឌិតសភាចារ្យ ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្រ្តី និងជាប្រធានក្រុមការងារជំរុញការវិនិយោគក្នុងខេត្តព្រះសីហនុ បានដឹកនាំកិច្ចប្រជុំលើកទី១០ ដើម្បីពិនិត្យគម្រោងវិនិយោគ និងធុរកិច្ច ដែលបានស្នើការលើកទឹកចិត្តការអនុគ្រោះ និងការសម្រួលនីតិវិធី ក្នុងក្របខ័ណ្ឌ “កម្មវិធីពិសេសជំរុញការវិនិយោគ ក្នុងខេត្តព្រះសីហនុ ឆ្នាំ២០២៤”។ អង្គប្រជុំបានសម្រេចជាគោលការណ៍ ផ្តល់ការលើកទឹកចិត្តពិសេស ដល់គម្រោងចំនួន៣០ ដែលមានទុនវិនិយោគសរុប៥៩០លានដុល្លារអាមេរិក ជាអាទិ៍ រោងចក្រស្ល និងកែច្នៃលោហធាតុ រោងចក្រផលិតសម្ភារៈវេចខ្ចប់ រោងចក្រកែច្នៃស្បែ ក ផ្សារទំនើប…

ដោយៈ គង់ សូរិយាព្រះសីហនុៈ ក្រុមការងារជំរុញការវិនិយោគ ក្នុងខេត្តព្រះសីហនុ បានបើកកិច្ចប្រជុំពិនិត្យ និងសម្រេចជាគោលការណ៍ ផ្តល់ការលើកទឹកចិត្តពិសេស ដល់គម្រោងចំនួន៣០បន្ថែមទៀត មានទុនវិនិយោគសរុប៥៩០លានដុល្លារអាមេរិក។ ក្រុមហ៊ុនដែលទទួលបានការអនុម័ត ពីកិច្ចប្រជុំកាលពីថ្ងៃទី២៦ កញ្ញា ឆ្នាំ២០២៤ មានជាអាទិ៍ រោងចក្រស្ល និងកែច្នៃលោហធាតុ រោងចក្រផលិតសម្ភារៈវេចខ្ចប់ រោងចក្រកែច្នៃស្បែក ផ្សារទំនើប អគារពហុមុខងារ សណ្ឋាគារ និងភោជនីយដ្ឋាន។ បន្ទាប់ពីការប្រកាស ដាក់ឱ្យអនុវត្តន៍ជាផ្លូវការ ដោយសម្តេចមហាបវរធិបតី នាយករដ្ឋមន្ត្រីនៃកម្ពុជា កាលថ្ងៃទី៣១ ខែ មករា ឆ្នាំ ២០២៤ កន្លងមក ក្រុមការងារជំរុញការវិនិយោគ ក្នុងខេត្តព្រះសីហនុ បានទទួលសំណើសុំការលើកទឹកចិត្តចំនួន១៥៧គម្រោង ក្នុងនោះគម្រោងដែលទទួលបាន ការលើកទឹកចិត្តពិសេស មានចំនួន១៣៣គម្រោងហើយ។ នៅដើមខែតុលា…

        ដោយៈ គង់ ម៉ាលីនណា         សហរដ្ឋអាមេរិកៈ លោកស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអញ្ជើញជាអធិបតី ក្នុងពិធីចុះហត្ថលេខាលើអនុស្សរណៈនៃការយោគយល់គ្នា រវាងសហព័ន្ធស្រូវអង្ករកម្ពុជា។  ពិធីចុះហត្ថលេខានេះ តំណាងដោយ ឧកញ៉ា សុង សារ៉ន ប្រធានក្រុមប្រឹក្សាភិបាលសហព័ន្ធ ជាមួយនិងក្រុមហ៊ុន Otis McAllister Inc. តំណាងដោយ លោក Patrick Murphy អនុប្រធានប្រតិបត្តិទទួលបន្ទុកផ្នែកបញ្ជាទិញអង្ករ និងគ្រាប់ធញ្ញជាតិ។ អនុស្សរណៈ ដែលបានចុះហត្ថលេខានាឱកាសនេះ គឺជាមូលដ្ឋានគ្រឹះ សម្រាប់កិច្ចសហការនាពេលអនាគត ដើម្បីពង្រឹ​ងកិច្ចសហប្រតិបត្តិការអាជីវកម្ម និងលើកកម្ពស់បន្ថែមទៀតនូវបរិមាណអង្ករកម្ពុជា នៅក្នុងទីផ្សារសហរដ្ឋអាមេរិក។ ក្នុងនោះដែរ សហព័ន្ធស្រូវអង្ករកម្ពុជា នឹងផ្តល់ជូននូវប្រភេទអង្ករដែលមានគុណភាពខ្ពស់…

        ដោយៈ គង់ ម៉ាលីនណា         ភ្នំពេញៈ លោកឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ បានទទួលជួបសម្តែងការគួរសម និងពិភាក្សាការងារជាមួយក្រុមហ៊ុន ASIA PLATINUM & SOUTH POLE ពាក់ព័ន្ធនឹងការវិនិយោគ លើវិស័យកាបូននៅកម្ពុជា។ បន្ទាប់ពីបានទទួលស្តាប់ការធ្វើបទបង្ហាញ លោករដ្ឋមន្ត្រី បានសម្តែងនូវការស្វាគមន៍ ចំពោះក្រុមការងារគម្រោង ក្នុងការអនុវត្តគម្រោងឥណទានកាបូន ក្នុងប្រទេសកម្ពុជា តាមរយៈកសិដ្ឋានចិញ្ចឹមជ្រូក កសិដ្ឋានចិញ្ចឹមមាន់ និងព្រៃកោងកាង។ នៅក្នុងការងារនេះ លោករដ្ឋមន្ត្រី បានណែនាំឱ្យក្រុមការងារគម្រោងធ្វើការសិក្សា ដោយមានផែនការច្បាស់លាស់ ធ្វើការសហការ ជាមួយប្រជាកសិករ ដើម្បីទទួលបានភាពចំនេញ និងចែករំលែកផលប្រយោជន៍ឥណទានកាបូនរួមគ្នា។ ពាក់ព័ន្ធនឹងព្រៃកោងកាង លោកឌិត…

ដោយៈ គង់ សូរិយាភ្នំពេញៈ សម្តេចធិបតី ហ៊ុន ម៉ាណែតនាយករដ្ឋមន្ត្រីនៃកម្ពុជា បានបញ្ជាក់ឱ្យដឹងថា ទោះបីជាកម្ពុជា ប្រកាសដកខ្លួនពីកិច្ចសហប្រតិបត្តិការអភិវឌ្ឍតំបន់ត្រីកោណកម្ពុជា-ឡាវ-វៀតណាម (CLV-DTA) រួចហើយក្តី ក៏គោលនយោបាយរាជរដ្ឋាភិបាល ក្នុងការជំរុញអភិវឌ្ឍ នៅតាមបណ្តាខេត្តភូមិភាគឦសានរបស់កម្ពុជា គឺនៅតែរក្សាដដែល មិនមានការប្រែប្រួលទេ។ ការប្រកាសរបស់ សម្តេចធិបតីហ៊ុន ម៉ាណែត បានធ្វើឡើងតបតាមចម្ងល់ របស់ប្រជាពលរដ្ឋមួយចំនួន ដែលហាក់ព្រួយបារម្ភខ្លាច រាជរដ្ឋាភិបាល ឈប់អភិវឌ្ឍន៍បណ្តាខេត្តភូមិភាគឦសាសន្ត ដោយសារតែការដកខ្លួន ចេញពីកិច្ចសហប្រតិបត្តិការ CLV-DTA។ តាមរយៈសារសំឡេងពិសេសមួយ នៅថ្ងៃទី២៣ ខែកញ្ញា ឆ្នាំ២០២៤នេះ សម្តេចធិបតី ហ៊ុន ម៉ាណែត បានបញ្ជាក់ថា ទោះមាន ឬមិនមានកិច្ចសហប្រតិបត្តិការ CLV-DTA រាជរដ្ឋាភិបាលកម្ពុជា នៅតែបន្តអភិវឌ្ឍតំបន់ភូមិភាគឦសាន…

        ដោយៈ គង់ ម៉ាលីនណា         ភ្នំពេញៈ រយៈ​ពេល៨​ខែ​ដើម​ឆ្នាំ​២០២៤ ការ​ផ្លាស់​ប្តូរ​ទំនិញ​រវាងប្រទេសកម្ពុជា និងអាមេរិក សម្រេចបានទឹកប្រាក់​សរុប​ជិត ៧​ពាន់​លាន​ដុល្លារ។​ ជាមួយនឹងវិសាលភាព កាន់តែប្រសើរលើទំនាក់ទំនងពាណិជ្ជកម្ម ប្រទេសទាំងពីរ គណៈ​ប្រតិភូ​សភា​ពាណិជ្ជកម្ម​កម្ពុជា ដែល​ដឹកនាំ​ដោយ លោកតាន់ មុនីវណ្ណ អនុ​ប្រធាន​សភា​ពាណិជ្ជកម្ម​កម្ពុជា បាន​ដឹកនាំ​តំណាង​ក្រុមហ៊ុន​នៅ​កម្ពុជា​ជាង ៥០​ ទៅ​បំពេញ​ទស្សនកិច្ច​ធុរកិច្ច​ នៅ​ទីក្រុង​ឡុងប៊ិច រដ្ឋ​កាលីហ្វ័រញ៉ា សហរដ្ឋ​អាមេរិក ចាប់ពី​ថ្ងៃ​ទី​១៧-២១ ខែ​កញ្ញា ទៅ​ចូល​រួម​ក្នុង​ជំនួប​ពាណិជ្ជកម្ម​កម្ពុជា ​-​អាមេរិក ឆ្នាំ​២០២៤កន្លងមកនេះ​។ នៅ​ក្នុង​ដំណើរ​ទស្សនកិច្ច​នេះ នឹង​មាន​កម្ម​វិធី​ជំនួប​ពាណិ​ជ្ជកម្ម​កម្ពុជា-​អាមេរិក ការ​ធ្វើ​បទ​បង្ហាញ​ស្តីពី ​និន្នាការ​ទីផ្សារ អនុលោមភាព​បទ​ប្បញ្ញត្តិ និង​ប្រព័ន្ធ​ភស្តុភារ ដែល​ជា​ព័ត៌មាន​គន្លឹះ​សម្រាប់​ធុរជន​កម្ពុជា ក្នុង​ការ​នាំ​ផលិតផល​ចូល​ក្នុង​ទីផ្សារ​អាមេរិក។ ផលិតផល​សំខាន់​ៗ ដែល​កម្ពុជា​យក​ទៅ​ចូល​រួម​ក្នុង​កម្មវិធី​ជំនួប​ពាណិជ្ជកម្ម​នេះ…

         ដោយៈ ម៉ាលីនណា         ភ្នំពេញៈ ធនាគារជាតិនៃកម្ពុជា សហការជាមួយ ធនាគារកណ្ដាលម៉ាឡេស៊ី បានសម្ពោធដាក់ឱ្យដំណើរការ ជាផ្លូវការគម្រោងទូទាត់ឆ្លងដែន តាមឃ្យូអរកូតរវាងប្រទេសកម្ពុជា និងប្រទេសម៉ាឡេស៊ី។ ពិធីនេះធ្វើឡើងក្រោមអធិបតីភាព លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា និងឯកឧត្តម Abdul Rasheed Ghaffour ទេសាភិបាល ធនាគារកណ្តាលម៉ាឡេស៊ី នាថ្ងៃទី១៩ ខែកញ្ញា ឆ្នាំ២០២៤ នៅរាជធានីភ្នំពេញ។ គម្រោងទូទាត់ឆ្លងដែនតាមឃ្យូអរកូត នឹងផ្តល់លទ្ធភាពឱ្យអ្នកប្រើប្រាស់ និងពាណិជ្ជករទទួលបាន នូវបទពិសោធន៍ទូទាត់ ប្រកបដោយប្រសិទ្ធភាព ងាយស្រួល សុវត្ថិភាព ឆាប់រហ័ស និងតម្លៃសមរម្យ។ គំនិតផ្តួចផ្តើមនៃការតភ្ជាប់ ការទូទាត់តាមឃ្យូអរកូតនេះ នឹងអនុញ្ញាត្ត…