vlk

ដោយៈ គង់ ម៉ាលីនណាប្រទេសចិនៈ មន្រ្តីជាន់ខ្ពស់កម្ពុជា បានលើកឡើងពីឱកាសវិនិយោគ នៅក្នុងសន្និសីទឧស្សាហកម្មផលិតឧបករណ៍ថាមពលអគ្គិសនីរបស់ប្រទេសចិន (Chongqing)-អាស៊ាន ឆ្នាំ២០២៤ ស្តីពីនុវានុវត្តន៍ និងកិច្ចសហប្រតិបត្តិការ។ សន្និសីទនេះ បានរៀបចំឡើងនៅស្រុក Fuling ខេត្ត Chongqing កាលពីថ្ងៃទី១៨ ខែមិថុនា ដោយកម្ពុជាបានអញ្ជើញអ្នកវិនិយោគមកពីប្រទេសផ្សេងៗ ឱ្យចាប់យកឱកាសធ្វើអាជីវកម្ម និងវិនិយោគនៅកម្ពុជា និងធ្វើការរួមគ្នា ដើម្បីសម្រេចបាននូវវិបុលភាពក្នុងតំបន់។ ព្រឹត្តិការណ៍នេះបានទាក់ទាញ អ្នកចូលរួមប្រមាណជាង៤០នាក់ មកពីប្រទេសអាស៊ានចំនួន១០ ក្នុងគោលបំណងពង្រឹងកិច្ចសហប្រតិបត្តិការរវាងតំបន់ Chengdu-Chongqing និងបណ្តាប្រទេសអាស៊ាន ក្នុងវិស័យឧស្សាហកម្ម ផលិតឧបករណ៍ថាមពល។ រដ្ឋបាលស្រុក Fuling និងគណៈកម្មាធិការសហប្រតិបត្តិការឧស្សាហកម្ម RCEP បាន ចុះហត្ថលេខាលើកិច្ចព្រមព្រៀងក្របខ័ណ្ឌកិច្ចសហប្រតិបត្តិការជាយុទ្ធសាស្ត្រ។ កិច្ចព្រមព្រៀងនេះបានចែងថា គណៈកម្មាធិការសហប្រតិបត្តិការឧស្សាហកម្ម RCEP នឹងជួយFuling…

ដោយៈ សហសេវិកភ្នំពេញៈ ធនាគារហត្ថា បានប្រកាសជាផ្លូវការតែងតាំងលោកមិន សុផា ជាប្រធាននាយកប្រតិបត្តិថ្មីរបស់ខ្លួន ចាប់ពីថ្ងៃទី២៦ ខែមិថុនា នេះតទៅ។ លោក សុផា គឺជាធនាគារិកអាជីពមួយរូប ដែលទទួលបានជោគជ័យដ៏ត្រចះត្រចង់ នៅក្នុងវិស័យហិរញ្ញវត្ថុ និងធនាគារក្នុងប្រទេសកម្ពុជា។ គាត់ធ្លាប់កាន់តួនាទីជាថ្នាក់ដឹកនាំជាច្រើនក្នុងស្ថាប័នធនាគារធំៗរបស់កម្ពុជា និងអន្តរជាតិ ដូចជាធនាគារប្រេដ ប៊ែង (ខេមបូឌា) ធនាគារ អេអិនហ្សិត រ៉ូយ៉ាល់ និងធនាគារ អេស៊ីលីដា អស់រយៈពេលជាង២០ឆ្នាំ កន្លងមកហើយ។ លោក សុផា មានបទពិសោធន៍ការងារ យ៉ាងទូលំទូលាយនៅក្នុងផ្នែកផ្សេងៗគ្នា រួមមានការធ្វើផែនការ និងការគ្រប់គ្រងប្រតិបត្តិការ បណ្តាញសាខា សេវាកម្មផ្នែកធនាគារពាណិជ្ជកម្ម សាជីវកម្ម និងសហគ្រាសខ្នាតតូចនិងមធ្យម ជាដើម។ មុនចូលបម្រើការងារនៅធនាគារ ហត្ថា…

ដោយៈ គង់ សូរិយាកំពតៈ អភិបាលខេត្តកំពត លោកម៉ៅ ធនិន បានលើកឡើងថា ខេត្តកំពតគឺជាខេត្តមួយ ក្នុងចំណោមខេត្តទាំងបួន ដែលជាប់នឹងតំបន់ឆ្នេរសមុទ្រកម្ពុជា ហើយគឺជាខេត្តដែលមានសក្តានុពលលើវិស័យទេសចរណ៍។ លោកបញ្ជាក់ថា “អាជ្ញាធរខេត្តបានជ្រើសយកការអភិវឌ្ឍវិស័យទេសចរណ៍ជាចំបងនឹងមុនគេ ក្នុងចំណោមវិស័យផ្សេងៗទៀត ដែលមានសក្តានុពលក្នុងខេត្ត”។ លោកអភិបាលខេត្តបានបន្តថា គោលដៅចំបងដែលអាជ្ញាធរខេត្ត ជ្រើសរើសយកវិស័យទេសចរណ៍នេះ មកអភិវឌ្ឍជាចំបងមុនគេនោះ គឺដោយសារតែខេត្តកំពត មានទីតាំងជាច្រើនដែលពោរពេញ ទៅដោយសក្តានុពលទេសចរណ៍ ព្រមទាំងការទាក់ទាញ ដែលយើងមិនទាន់បានកែច្នៃ ដើម្បីស្រូបទាញភ្ញៀវទេសចរ និងផលប្រយោជន៍ជូនពលរដ្ឋ ការនាំចេញផលិតផលនៅនឹងកន្លែង ហើយគោលដៅសំខាន់នោះគឺផ្តោតទៅលើការលើកកម្ពស់ ជីវភាពរស់នៅរបស់ប្រជាពលរដ្ឋ តាមរយៈការទទួលបានចំណូលពីវិស័យដ៏សំខាន់នេះ។ លោកអភិបាលខេត្ត បានលើកឡើងដូចនេះ នៅក្នុងកិច្ចប្រជុំសាមញ្ញលើកទី១ របស់ក្រុមប្រឹក្សាខេត្តកំពត អាណត្តិទី៤ ក្រោមអធិបតីភាព ឯកឧត្តម តាក ហាប់ ប្រធានក្រុមប្រឹក្សាខេត្ត…

នាព្រឹកថ្ងៃទី២៥ ខែ​​មិថុនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់បណ្តាញសាកលវិទ្យាល័យសាយប័រកម្ពុជា នៅវិទ្យាស្ថានបច្ចេកវិទ្យាកម្ពុជា ។ មានប្រសាសន៍ក្នុងពិធីដ៏មហោទ្បារិកនោះ សម្តេចធីបតីនាយករដ្ឋមន្ត្រី បានគូសបញ្ជាក់ថា រាជរដ្ឋាភិបាល តាមរយៈ ក្រសួងអប់រំ យុវជន និង កីឡា ​បានដាក់ចេញវិធានការកែទម្រង់ស៊ីជម្រៅប្រកបដោយភាពបុរសកម្ម ច្នៃប្រឌិត និងត្រៀមលក្ខណៈយូរអង្វែង សំដៅជំរុញការធានាបានមូលធនមនុស្ស​ប្រកបដោយគុណភាពខ្ពស់ ដើម្បីរួមចំណែកដល់ការកសាងសង្គមកម្ពុជា ដែលមានប្រជាជនប្រកបដោយចំណេះដឹង ទេពកោសល្យ សមត្ថភាពខ្ពស់ និងមានវប្បធម៌ជ្រៅជ្រះ ព្រមទាំងមានផលិតភាពការងារខ្ពស់ សម្រាប់ចូលរួមលើកកម្ពស់ភាពប្រកួតប្រជែងកម្ពុជា ។ ក្នុងបរិការណ៍នេះ លើការពង្រឹងវិស័យអប់រំ ជាពិសេស​ផ្នែកបច្ចេកវិទ្យាព័ត៌មាន រាជរដ្ឋាភិបាលបានដាក់ចេញឱ្យអនុវត្តនូវគោលនយោបាយសំខាន់ៗក្នុងគោលដៅអភិវឌ្ឍ និងធ្វើទំនើបកម្មឧស្សាហកម្ម តាមរយៈការកសាងនូវពលរដ្ឋឌីជីថល ដែលមានសមត្ថភាពទទួលយកបច្ចេកវិទ្យា និងដោយមានពុទ្ធិជាមូលដ្ឋាន…

ដោយៈ គង់ ម៉ាលីនណាភ្នំពេញៈ ព្រលានយន្តហោះអន្តរជាតិតេជោ ក្រុងតាខ្មៅ សម្រេចការសាងសង់បានប្រមាណ៧៨% ខណៈព្រលានយន្តហោះថ្មីមួយនេះ គ្រោងនឹងដាក់ឲ្យដំណើរការ នៅឆមាសទី១ ដើមឆ្នាំ២០២៥ខាងមុខ។ លោកឆារស៍ វ៉ាន់ នាយកគ្រប់គ្រង នៃក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (CAIC) បានមានប្រសាសន៍ឲ្យដឹងនៅក្រោយចប់ដំណើរទស្សនកិច្ច របស់ថ្នាក់ដឹកនាំធនាគារជាតិនៃកម្ពុជា និងធនាគារពាណិជ្ជ បានមានប្រសាសន៍ប្រាប់បណ្តាញអ្នកសារព័ត៌មានថា ការសាងសង់នេះមានលក្ខណៈប្លែកច្រើន និងឃើញថា ជាការសាងសង់មួយ ក្នុងទំហំធំពុំធ្លាប់មានពីមុនមក។ លោកបន្តថា ក្នុងដំណើរទស្សនកិច្ចនាឱកាសនេះ មានធនាគារពាណិជ្ជមួយចំនួន បានបង្ហើបឲ្យដឹងថា ក្នុងចំណោមអ្នក Subscriber (អ្នកជាវ) ប្រហែលជាអាចនឹងបន្ត ហើយក៏នឹងថែមទុនវិនិយោគបន្ថែមទៀត ក្រោយពីបានពិនិត្យដំណើរការសាងសង់ដ៏ល្អប្រសើរ របស់គម្រោងព្រលានយន្តហោះនេះ។ព្រលានយន្តហោះអន្តរជាតិតេជោ ក្រុងតាខ្មៅ មានទីតាំងស្ថិតនៅឃុំព្រែកស្លែង…

ដោយៈ ម៉ាលីនណាភ្នំពេញៈ ធនាគារពិភពលោក បានអនុម័តទឹកប្រាក់ចំនួន២៧៥ លានដុល្លារ សម្រាប់ជម្រុញកំណើនសេដ្ឋកិច្ចរបស់កម្ពុជាដែលនេះ ជាការលើកកម្ពស់សេដ្ឋកិច្ចលើកទីពីរ បន្ទាប់ពីជំងឺរាតត្បាតកូវីដ-១៩។ ជំនួយដំបូងគឺនៅឆ្នាំ២០២២ នៅពេលដែលធនាគារពិភពលោកបានអនុម័ត២៧៤ លានដុល្លារសម្រាប់ការផ្តល់ហិរញ្ញប្បទាន គោលនយោបាយអភិវឌ្ឍន៍ និងភាពធន់របស់កម្ពុជា។ គម្រោងនេះមានគោលបំណង លើកកម្ពស់កំណើនសេដ្ឋកិច្ចរយៈពេលវែង និងភាពធន់ ដោយផ្តោតលើទិដ្ឋភាពផ្សេងៗគ្នា។ គម្រោងមួយចំនួននឹងរួមបញ្ចូល ការជំរុញការប្រកួតប្រជែងក្នុងវិស័យឯកជន ការពង្រឹងសារពើពន្ធរបស់កម្ពុជា និងជួយដល់ជនក្រីក្រ និងងាយរងគ្រោះបំផុត។ លោកស្រី Maryam Salim ប្រធានគ្រប់គ្រងធនាគារពិភពលោកប្រចាំកម្ពុជា មានប្រសាសន៍ថា “ខណៈដែលសេដ្ឋកិច្ចកម្ពុជាបានងើបឡើងវិញ ពីផលប៉ះពាល់នៃជំងឺរាតត្បាត Covid-19 និងបញ្ហាផ្សេងៗជាបន្តបន្ទាប់ បច្ចុប្បន្ននេះមានការផ្តោតឆ្ពោះទៅរកការសម្រេចបាន នូវកំណើនប្រកបដោយនិរន្តរភាព”។ លោកស្រីបន្ថែមថា “ប្រតិបត្តិការថ្មីនេះ នឹងជំរុញការប្រកួតប្រជែងផ្នែកឯកជន ពង្រឹងសារពើពន្ធរបស់រដ្ឋាភិបាល ផ្តល់ជំនួយដល់ប្រជាជនកម្ពុជា ដែលងាយរងគ្រោះបំផុត”។ ជាមួយគ្នានេះ…