Category ព័ត៌មានសេដ្ឋកិច្ចអន្តរជាតិ

ដោយ: គង់ លាងហួរ រីយ៉ាដ: ប្រទេសអារ៉ាប៊ីសាអូឌីត កំពុងត្រៀមពង្រីកវិស័យបដិសណ្ឋារកិច្ចរបស់ខ្លួន តាមរយៈការអភិវឌ្ឍន៍សណ្ឋាគារថ្មីឱ្យបានចំនួន៣២ម៉ឺនបន្ទប់ នៅត្រឹមឆ្នាំ២០៣០។ នេះបើយោងតាមការវិភាគ ដោយក្រុមហ៊ុនអចលនទ្រព្យសកល Knight Frank ។ យោងតាមការសិក្សារបស់ក្រុមហ៊ុន ប្រឹក្សាអចលនទ្រព្យ Knight Frank បានបង្ហាញថា ចំនួន៦៧ភាគរយនៃសណ្ឋាគារទាំង៣២ម៉ឺនបន្ទប់ គ្រោងសាងសង់នៅក្នុងប្រទេសអារ៉ាប៊ីសាអូឌីត ជាប្រភេទសណ្ឋាគារលំដាប់ផ្កាយ៤ និងសណ្ឋាគារលំដាប់ផ្កាយ៥។ ចំណាត់ការនេះមានគោលបំណង ដើម្បីឆ្លើយតបទៅនឹងការកើនឡើងនៃវិស័យទេសចរណ៍ ដោយអារ៉ាប៊ីសាអូឌីតត្រូវបានគេព្យាករណ៍ថា នឹងទាក់ទាញបានភ្ញៀវទេសចរណ៍ ក្នុងស្រុក និងអន្តរជាតិសរុបចំនួន១៥០លាននាក់ នៅឆ្នាំ២០៣០ខាងមុខ។ លោក Turab Saleem ដៃគូ និងជាប្រធានផ្នែកបដិសណ្ឋារកិច្ចនៅក្រុមហ៊ុនKnight Frank ប្រចាំតំបន់មជ្ឈិមបូព៌ា និងអាហ្វ្រិក បានលើកឡើងថា “ជាមួយនឹងគោលដៅនៃការស្វាគមន៍ភ្ញៀវទេសចរណ៍ ចំនួន១៥០លាននាក់នៅឆ្នាំ២០៣០ រដ្ឋាភិបាល…

ដោយ: គង់ លាងហួរ អន្តរជាតិ: វិបត្តិទីផ្សារលំនៅដ្ឋានរបស់ប្រទេសចិន កំពុងបន្តស្ថិតក្នុងភាពជាប់គាំង និងមិនមានច្រកចេញ ខណៈចំណាត់ការរបស់រដ្ឋាភិបាលចិន ពុំទាន់អាចឆ្លើយតប និងជួយអូសទាញវិស័យទាំងមូល ឱ្យរួចផុតពីបញ្ហាបាននៅឡើយ។ ជាក់ស្តែង តម្លៃលំនៅដ្ឋានថ្មី និងតម្លៃលំនៅដ្ឋានប្រភេទទី២ ត្រូវបានគេរំពឹងថា នឹងបន្តធ្លាក់ចុះចន្លោះពី១,៧៦ភាគរយ ទៅ៦,៨៩ភាគរយ នៅឆ្នាំ២០២៤។ នេះបើយោងតាមការចុះផ្សាយដោយសារព័ត៌មាន CNBC។ លោក Haibin Zhu ប្រធានដឹកនាំក្រុមសេដ្ឋវិទូនៅធនាគារខ្នា​តយក្ស JPMorgan ប្រចាំប្រទេសចិន បានថ្លែងទៅកាន់សារពត៌មាន CNBC ថា ស្ថានភាពទីផ្សារលំនៅដ្ឋាន នៅប្រទេសចិន ពុំទាន់មានស្ថិរភាពនៅឡើយ។ ប៉ុន្តែយ៉ាងណាមិញ លោកព្យា​ករណ៍ថា វិស័យអចលនទ្រព្យចិន ​អាចនឹងបង្ហាញសញ្ញាល្អប្រ​សើរឡើងវិញបន្តិចនៅឆ្នាំ២០២៥ខាងមុខ។ កាលពីខែមិថុនា តម្លៃលំនៅដ្ឋាននៅទីក្រុងចំនួន១០០ ទូទាំងប្រទេសចិន បានកើនឡើង០,១៣ភាគរយ…

ដោយ: គង់ លាងហួរ អន្តរជាតិ: ធនាគារខ្នាតយក្សរបស់អាមេរិកJP Morgan រំពឹងថា តំបន់សេដ្ឋកិច្ចពិសេស Johor-Singapore នឹងក្លាយជាម៉ាស៊ីន ជំរុញកំណើនសេដ្ឋកិច្ចរយៈពេលវែង ដូចការអភិវឌ្ឍន៍តំបន់សេដ្ឋកិច្ចពិសេសស៊ិនជិនរបស់ចិន ក្នុងរយៈពេល៤៥ឆ្នាំកន្លងមក។ ធនាគារវិនិយោគអាមេរិក បានលើកឡើងថា ការបង្កើតតំបន់សេដ្ឋកិច្ចពិសេសរវាងរដ្ឋ Johor របស់ប្រទេសម៉ាឡេស៊ី និងប្រទេសសិង្ហបុរី ផ្តល់ឱកាសដល់វិស័យមានកំណើនខ្ពស់ បន្ថែមពីលើការសម្រុកទិញដីធ្លី នៅជិតតំបន់អភិវឌ្ឍន៍។ ធនាគារវិនិយោគអាមេរិក JP Morgan បានបញ្ជាក់បន្ថែមថា តំបន់សេដ្ឋកិច្ចពិសេស តភ្ជាប់រវាងម៉ាឡេស៊ី និងសិង្ហបុរី នឹងផ្តល់បរិយាកាសបទប្បញ្ញត្តិ និងគោលនយោបាយអំណោយផលបន្ថែមទៀត ជាមួយនឹងកិច្ចសហការយ៉ាងសកម្ម។ កន្លងមក ក្រុមមន្ត្រីបានបំពេញ មានដំណើរទស្សនកិច្ចការងារជាច្រើនលើក ទៅកាន់តំបន់សេដ្ឋកិច្ចពិសេសថ្មីនេះ ហើយទីភ្នាក់ងាររដ្ឋាភិបាល បានចូលរួមក្នុងការពិភាក្សា និងវគ្គផ្តល់យោបល់ជាមួយ អ្នកតំណាងវិស័យឯកជន…

ដោយ: គង់ លាងហួរ អន្តរជាតិ: ប្រទេសឡាវ គ្រោងបើកដំណើរការតំបន់សេដ្ឋកិច្ចថ្មីមួយ ដោយផ្តោតលើការអភិវឌ្ឍន៍បរិស្ថានវិទ្យា កសិកម្ម និងទេសចរណ៍ លើផ្ទៃដី៧.៦៩៣ហិកតា ស្ថិតនៅក្នុងទីក្រុងហ្លួងព្រះបាង និងស្រុក Xiengngeun។ អាជ្ញាធរ​មូលដ្ឋាន​ក្នុង​ទីក្រុងហ្លួងព្រះបាង បាន​អនុម័ត​សេចក្តីព្រាង​កិច្ចព្រមព្រៀង​ចំនួន២ ដើម្បី​គូសបញ្ជាក់​អំពី​ផែនការ​នេះ។  ទោះយ៉ាងណាក្តី កាលបរិច្ឆេទចាប់ផ្តើម និងតម្លៃទុនវិនិយោគសម្រាប់គម្រោងនេះ មិនទាន់ត្រូវបានបង្ហាញឱ្យដឹងនៅឡើយទេ។ យ៉ាងណាមិញ យោងតាមប្រព័ន្ធផ្សព្វផ្សាយ ក្នុងស្រុកបានឱ្យដឹងថា គោលដៅចម្បងនៃការអភិវឌ្ឍ គម្រោងនេះឡើង ដើម្បីជួយលើកកម្ពស់វិស័យទេសចរណ៍ និងទាក់ទាញអ្នកវិនិយោគបរទេស ទៅកាន់ទីក្រុងហ្លួងព្រះបាង។  គម្រោង​នេះ​ក៏​មាន​គោល​បំណង ​លើក​កម្ពស់​ផលិតកម្ម​កសិកម្ម និង​បង្កើន​ការ​ផ្លាស់​ប្តូរ​កសិកម្ម​ក្នុង​តំបន់ផងដែរ។ ជាមួយគ្នានេះ រដ្ឋាភិបាលឡាវបានកំណត់អំពីសិទ្ធិ និងកា​រផ្តល់សំណងសម្រាប់ប្រជាពលរដ្ឋ ដែលរងផលប៉ះពាល់ដោ​យសារការសាងសង់តំបន់សេដ្ឋកិច្ច រួមទាំងការទូទាត់សំណងសម្រាប់ប្រជាពលរដ្ឋ ដែលរងផលប៉ះពាល់ ដោយសារគម្រោងនេះ។  ម្យ៉ាងវិញទៀត នៅក្នុងអំឡុងសម័យប្រជុំសាមញ្ញ…

ដោយ: គង់ លាងហួរ អន្តរជាតិ: រដ្ឋបាលក្រុងសៀងហៃប្រកាសថា ខ្លួនគ្រោងជំរុញវិស័យផ្សាយផ្ទាល់(live-streaming) និងកំណត់គោលដៅនៃការលក់តាមអ៊ីនធឺណេត ឲ្យបានក្នុងទំហំទឹកប្រាក់ជិត៨៥លានដុល្លារអាមេរិកនៅឆ្នាំ២០២៦។ តាមរយៈផែនការសកម្មភាព នៃការអភិវឌ្ឍសេដ្ឋកិច្ចប្រកបដោយគុណភាពខ្ពស់ វិស័យលក់ទំនិញអនឡាញ ក្នុងទីក្រុងសៀងហៃ ត្រូវតែសម្រេចបានទំហំទឹកប្រាក់ប្រចាំឆ្នាំ៦០០ពាន់លានយ័ន (៨៤,៦លានដុល្លារអាមេរិក) នៅឆ្នាំ២០២៦ ដោយបង្កើតវេទិកាផ្សាយផ្ទាល់ លំដាប់កំពូលចំនួន១០ ជំរុញម៉ាកយីហោ និងបង្កើតសេណារីយ៉ូប្លែកៗចំនួន១០០ សម្រាប់ការផ្សាយផ្ទាល់។ ផែនការរបស់មជ្ឈមណ្ឌលហិរញ្ញវត្ថុដ៏ធំមួយនេះ មានគោ​លដៅ ជំរុញការចំណាយរបស់អ្នកប្រើប្រាស់ ដើម្បីផ្តល់សន្ទុះដល់កំណើនសេដ្ឋកិច្ចជាតិ និងលើកកម្ពស់​មុខមាត់​របស់ទីក្រុង​សៀងហៃ។ គណៈកម្មាការពាណិជ្ជកម្មក្រុងសៀងហៃ បានបញ្ជាក់នៅក្នុងផែនការមេថា រដ្ឋបាលក្រុងមានគោលបំណងបង្កើនសក្តានុពលសេដ្ឋកិច្ច ពីការផ្សាយផ្ទាល់តាមអនឡាញ ដើម្បីជំរុញការប្រើប្រាស់ ពាណិជ្ជកម្ម ឧស្សាហកម្ម និងវប្បធម៌ ដោយបញ្ចូលសន្ទុះថ្មី ទៅក្នុងការអភិវឌ្ឍន៍សេដ្ឋកិច្ច និងសង្គមទាំងមូលរបស់ទីក្រុងសៀងហៃ។ ទីក្រុងធំៗផ្សេងទៀត ដូចជា ទីក្រុងប៉េកាំង ទីក្រុងស៊ិនជិន…

ដោយ: គង់ លាងហួរ សេអ៊ូល: ក្រុមហ៊ុន Korea Land & Housing Corporation ដែលជាក្រុមហ៊ុនគ្រប់គ្រង ដោយរដ្ឋាភិបាលកូរ៉េខាងត្បូង គ្រោ​ងអភិវឌ្ឍន៍គម្រោងលំនៅដ្ឋាន ក្នុងតំបន់ទីក្រុងនៅខេត្ត Bac Ninh ភាគខាងជើងប្រទេសវៀតណាម។ ទីភ្នាក់ងារសារព័ត៌មានយ៉ុនហាប់ (Yonhap) បានរាយការណ៍ថា ក្រុមហ៊ុនរដ្ឋរបស់កូរ៉េ គ្រោងនឹងជំរុញការវិនិយោគរបស់ខ្លួន លើទីផ្សារលំនៅដ្ឋាន នៅក្នុងប្រទេសវៀតណាមតាមរយៈតំបន់ទីក្រុងថ្មី ដែលគ្រប់គ្រងដោយរដ្ឋបាលខេត្ត Bac Ninh ។ គម្រោងនេះ នឹងគ្របដណ្តប់ទៅលើផ្ទៃដី ក្នុងទំហំប្រហែ​ល៨,៥លានម៉ែត្រការ៉េ និងអាចមានសមត្ថភាពទទួលប្រជាជនចំនួន៤៩.០០០គ្រួសារ ឬស្មើនឹងជិត១៥៦.០០០នាក់។ ខេត្ត Bac Ninh គឺជាតំបន់មូលដ្ឋានផលិតកម្មរោងចក្រជាច្រើន ដែលគ្រប់គ្រងដោយបណ្តាក្រុមហ៊ុន អន្តរជាតិធំៗដូចជា ក្រុមហ៊ុន…

ដោយ: គង់ លាងហួរ ម៉ានីល: កាលពីឆ្នាំមុន ចំនួនជិត១ភាគ៣នៃកប៉ាល់ ដែលបានបាត់ខ្លួនទូទាំងពិភពលោក ក្នុងដែនសមុទ្រ ស្ថិតនៅក្នុងតំបន់ជុំវិញប្រទេសហ្វីលីពីន និងបណ្តាប្រទេសផ្សេងទៀតនៅតំបន់អាស៊ី។ នេះបើយោងតាមរបាយការណ៍ សិក្សាស្រាវជ្រាវពីក្រុមហ៊ុន Allianz Global Corporate & Specialty (AGCS)។ យោងតាមរបាយការណ៍ត្រួតពិនិត្យសុវត្ថិភាព និងការដឹកជញ្ជូនឆ្នាំ២០២៤ ចេញផ្សាយដោយក្រុមហ៊ុនAGCS បានកត់សម្គាល់ថា កប៉ាល់ដឹកជញ្ជូនបានបាត់ខ្លួនកាលពីឆ្នាំមុន ភាគច្រើនបានបន្សល់ទុកស្នាមដាន នៅក្នុងប្រទេសហ្វីលីពីន តំបន់ភាគខាងត្បូង នៃប្រទេសចិន  និងប្រទេសឥណ្ឌូនេស៊ី។ នៅឆ្នាំ២០២៣ កប៉ាល់សរុបចំនួន២៦គ្រឿង ត្រូវបានបាត់ខ្លួននៅទូទាំងពិភពលោក បើធៀបនឹងកប៉ាល់បានបាត់ខ្លួនចំនួន៤១គ្រឿងក្នុងឆ្នាំ២០២២។ យ៉ាងណាមិញ តួលេខថ្មីចុងក្រោយបំផុតនេះ បានបង្ហាញឱ្យឃើញពីភាពប្រសើរឡើង គួរឱ្យកត់សម្គាល់ ខណៈចំនួនកប៉ាល់បាត់ខ្លួន កាលពីទសវត្សរ៍មុន មានចំនួន១០៥គ្រឿង ក្នុងមួយឆ្នាំ។…

ដោយ: គង់ លាងហួរ អន្តរជាតិ: សហរដ្ឋអាមេរិកកំពុងឈានមុខគេ ក្នុងផ្នែកសំណង់សណ្ឋាគារជាសកល ដោយបានរៀបចំគម្រោងសណ្ឋា​គារចំនួន៦.០៩៥គម្រោង សម្រាប់សាងសង់នាពេលអនាគត ដែលមានជាង៧០ម៉ឺនបន្ទប់។ នេះបើយោងតាម ​របាយការណ៍របស់ទីភ្នាក់ងារ Lodging Econometrics។ ប្រទេសចិនឈរនៅលេខរៀងទី២ ដោយមានគម្រោងសណ្ឋាគារ នាពេលអនាគតចំនួន៣.៨១៥គម្រោង ដែលមានជិត៧០ម៉ឺនបន្ទប់។ ប្រសិនបើបូកបញ្ចូលគ្នា ប្រទេសទាំង២នេះមានចំណែក៦៤ភាគរយ នៃគម្រោងសាងសង់សណ្ឋាគារសរុបទូទាំងពិភពលោក។ នៅសហរដ្ឋអាមេរិក  ទីក្រុង Dallas មានគម្រោងសណ្ឋា​គារនាពេលអនាគត ច្រើនបំផុតចំនួន១៨៩គម្រោង និងមាន២២.៣៩២បន្ទប់។ ចំណែក ទីក្រុង Atlanta មានគម្រោងសណ្ឋា​គារចំនួន១៥៩គម្រោង និងមាន១៨.៥២២បន្ទប់ លើសពីទីក្រុងធំៗរបស់ប្រទេសចិន ដូចជា ទីក្រុង Chengdu និងទីក្រុងសៀងហៃ។ របាយការណ៍បង្ហាញថា បច្ចុប្បន្ន គម្រោងសណ្ឋាគារចំនួន៦.២៦៥គម្រោង កំពុងស្ថិតក្រោមការសាងសង់…

ដោយ: គង់ លាងហួរ អន្តរជាតិ: គម្រោងរថភ្លើង ណតភ្ជាប់ពីទីក្រុងបាងកក ទៅកាន់ទីក្រុងប៉េកាំង បានបោះជំហានទៅមុខយ៉ាងលឿនកាលពីពេលថ្មីៗនេះ ក្រោយពីប្រទេសថៃ បានសាងសង់បញ្ចប់ស្ពានផ្លូវដែកដ៏សំខាន់មួយ ឆ្លងកាត់ទន្លេមេគង្គតភ្ជាប់ជាមួយឡាវ។ ការស្ថាបនាស្ពាន បានធ្វើឱ្យការដឹកជញ្ជូន តាមផ្លូវដែកឆ្លងកាត់ព្រំដែនរវាងប្រទេសទាំង២ កាន់តែមានចម្ងាយជិតជាងមុនហើយថៃ ត្រូវដាក់ពង្រាយផ្លូវដែក ក្នុងចម្ងាយត្រឹមតែពីរបីគីឡូម៉ែត្រទៀតប៉ុណ្ណោះ មុនពេលលាតសន្ធឹងដល់ប្រទេសចិន។ ស្របពេលមានការបើក ដាក់ឱ្យដំណើរការផ្លូវដែកថៃ-ឡាវ អ្នកដំណើរអាចចាប់ផ្តើមចាកចេញ ពីស្ថានីយ៍រថភ្លើង Krung Thep Aphiwat នៅទីក្រុងបាងកក ទៅកាន់ស្ថានីយ៍ Khamsavath ក្នុងទីក្រុងវៀងច័ន្ទន៍ រដ្ឋធានីនៃប្រទេសឡាវ។ យ៉ាងណាមិញ បច្ចុប្បន្ន អ្នកធ្វើដំណើរ ពីទីក្រុងបាងកកមកដល់ទីក្រុងវៀងចន្ទន៍ ត្រូវបន្តជិះតាក់ស៊ី និងយានជំនិះផ្សេងទៀត ដើម្បីចេញពីស្ថានីយ៍ Khamsavath ទៅកាន់ស្ថានីយ៍ Vientiane…

ដោយ: គង់ លាងហួរ អន្តរជាតិ: ទីផ្សារអចលនទ្រព្យ របស់ប្រទេសឥណ្ឌូនេស៊ីបន្តទទួលបានការចាប់អារម្មណ៍យ៉ាងខ្លាំង ដោយនៅឆ្នាំនេះ ក្រុមអ្នកវិនិយោគ និងអ្នកជំនាញកំពុងមើលឃើញឱកាស និងកំណើនជាបន្តបន្ទាប់។ ក្រុមអ្នកវិភាគប៉ាន់ប្រមាណថា ទីផ្សារអចលនទ្រព្យឥណ្ឌូនេស៊ី នឹងកើនឡើងដល់ទំហំ ទឹកប្រាក់៦៤,៧៨ពាន់លានដុល្លារក្នុងឆ្នាំ២០២៤ និងបន្តកើនឡើងដល់៨៥,៩៧ពាន់លានដុល្លារនៅឆ្នាំ២០២៩ រួមជាមួយនឹងអត្រាកំណើនប្រចាំឆ្នាំ ក្នុងរង្វង់៥,៨២%។ សេដ្ឋកិច្ចដ៏រឹងមាំរបស់ឥណ្ឌូនេស៊ី ផ្តោតលើការអភិវឌ្ឍន៍ ស្របពេលគោលនយោបាយម៉ាក្រូសេដ្ឋកិច្ច មានសញ្ញាប្រសើរឡើង។ ជាក់ស្ដែង ទោះបីជាមានជំងឺកូវីដ-១៩ វិស័យអចលនទ្រព្យនៅតែមានភាពរឹងមាំ ដោយបានចូលរួមចំណែកចាក់បញ្ចូលទឹកប្រាក់ ចំនួន៤៦៨,២២ទ្រីលានរូពៀ ដល់ទំហំGDP របស់ឥណ្ឌូនេស៊ី ក្នុងឆ្នាំ២០២១។ ទីក្រុងហ្សាការតា កំពុងក្លាយជាទីផ្សារជួលលំនៅដ្ឋានប្រណីតដ៏លេចធ្លោមួយក្នុងតំបន់។ តួយ៉ាង អត្រាគ្របដណ្តប់ការជួលអាផាតម៉ិន ដែលផ្តល់ជូនសេវាកម្ម ដូចសណ្ឋាគារ(Serviced apartments) មានការកើនឡើងជាលំដាប់។ តម្លៃជួលអាផាតម៉ិនជាមធ្យម អាចជួលបានក្នុងទឹកប្រាក់២៨,៨៥ដុល្លារអាមេរិក ក្នុងមួយម៉ែត្រការ៉េក្នុងមួយខែ…