Category ព័ត៌មានសេដ្ឋកិច្ចអន្តរជាតិ

ដោយ: គង់ លាងហួរ អន្តរជាតិ: ទីផ្សារការិយាល័យកម្រិតA របស់ប្រទេសសិង្ហបុរី កំពុងបង្ហាញសញ្ញានៃការដាំក្បាលចុះ ខណៈអត្រាការិ យាល័យទំនេរ បានកើនឡើងដល់កម្រិតខ្ពស់បំផុត ក្នុងរយៈពេលជាង២ឆ្នាំ ដោយតម្រូវការជួលថយចុះ។ អត្រាការិយាល័យទំនេរកម្រិត A នៅក្នុងតំបន់ពាណិជ្ជកម្មកណ្តាល(CBD) នៃទីក្រុងសិង្ហបុរី បានកើនឡើងចំនួន២ត្រីមាសជាប់ៗគ្នាដល់៨,៣ភាគរយ នៅចន្លោះខែកក្កដា ដល់ខែកញ្ញា។ នេះបើយោងតាមទិន្នន័យ ពីក្រុមហ៊ុនប្រឹក្សាអចលនទ្រព្យ Jones Lang LaSalle (JLL)។  តម្លៃជួលការិយាល័យកម្រិតA ជាមធ្យមក្នុងមួយហ្វីតការ៉េបានស្ថិតក្នុងសភាពទ្រឹង ក្នុងរង្វង់១១,៥០ដុល្លារសិង្ហបុរី(ប្រហែ ល៨,៩៥ដុល្លារអាមេរិក)ក្នុងមួយខែ បន្ទាប់ពីបានកើនឡើង០,៧ភាគរយនៅក្នុងត្រីមាសមុន។ ការកើនឡើងនៃអត្រាការិយាល័យទំនេរ បណ្តាលមកពីការបើកដំណើរការ អគារការិយាល័យថ្មី IOI Central Boulevard Towers ដែលមានទំហំផ្ទៃក្រឡាការិយាល័យ ប្រហែល១,២៦លានហ្វីតការ៉េ ខណៈតម្រូវការធ្លាក់ចុះ។ប៉ុន្តែ…

ដោយ: គង់ លាងហួរ អន្តរជាតិ: តម្លៃជួលអាផាតម៉ិន (Serviced Apartment)រយៈពេលខ្លី នៅក្នុងទីក្រុងហូជីមិញ ប្រទេសវៀតណាម បានកើនឡើងចន្លោះពី១០% ទៅ១៥% នៅក្នុងត្រីមាសទី៣ ឆ្នាំ២០២៤ បើប្រៀបធៀបទៅនឹងឆ្នាំមុន។ ការជួលអាផាតម៉ិន ប្រភេទStudio នៅក្នុងសង្កាត់លេខ១ សង្កាត់លេខ៤ សង្កាត់លេខ៧ សង្កាត់Phu Nhuan និងសង្កាត់ Binh Thanh មានតម្លៃជាមធ្យមចំនួន៨០ម៉ឺនដុង (៣២,៥ដុល្លារអាមេរិក) ក្នុងមួយយប់ កើនឡើង១៧,៣% ធៀបនឹងដំណាច់ចុងឆ្នាំមុន។ ចំណែកការជួលអាផាតម៉ិន ប្រភេទPremium បានកើនឡើងជាង១០% ដល់១,២លានដុងទៅ១,៥លានដុង ក្នុងមួយយប់ និង១,៧លានដុងទៅ២,៤លានដុង សម្រាប់ការជួលអាផាតម៉ិន មានបន្ទប់គេងចំនួនមួយ និងបន្ទប់គេងចំនួន២។ លោក Nguyen…

ដោយ: គង់ លាងហួរ អន្តរជាតិ: ទីផ្សារ​ជួល​ការិយាល័យ​ នៅទីក្រុងហុងកុង​កំពុងស្ថិត​ក្នុង​ស្ថានភាពគួរ​ឲ្យ​ព្រួយ​បារម្ភ ខណៈចំនួនជិត១ភាគ៥នៃអគារការិយាល័យ នៅទូទាំងទីក្រុងសុទ្ធតែស្ថិតនៅទំនេរ ហើយតម្លៃជួលបានធ្លាក់ចុះ ដល់កម្រិតទាបបំផុតមិនធ្លាប់មានចាប់តាំងពីក្នុងឆ្នាំ២០១៥។ អ្នកអភិវឌ្ឍន៍អគារការិយាល័យធំៗ ក្នុងទីក្រុងរួមមានក្រុមហ៊ុន Sun Hung Kai Properties ក្រុមហ៊ុន Hongkong Land និងក្រុមហ៊ុន SEA Holdings បានផ្គត់ផ្គង់ការិយាល័យលើសតម្រូវការ ខណៈអាជីវកម្មនានា មិនទាន់ស្ទុះងើបឡើងវិញ លឿននៅឡើយ។ ក្រុមហ៊ុនប្រឹក្សាអចលនទ្រព្យ CBRE បានប៉ាន់ប្រមាណថា ក្រុមហ៊ុនទាំង៣ខាងលើ និងដៃគូ គ្រោងផ្គត់ផ្គង់ទំហំការិយា​ល័យថ្មី បន្ថែមប្រហែល៣លានហ្វីតការ៉េ (២៧៨.៧០៩ម៉ែត្រការ៉េ) ចូលទៅកាន់ទីផ្សារនៅឆ្នាំក្រោយ។  ការណ៍នេះត្រូវ​បាន​គេ​រំពឹង​ថា​ នឹង​ធ្វើ​ឱ្យ​ស្ថានភាព​នៃការផ្គត់ផ្គង់​ការិយាល័យលើស​តម្រូវការ ​វិវត្តន៍កាន់​តែ​អាក្រក់​ឡើង ខណៈអត្រាការិយាល័យទំនេរ នៅ​ទូទាំង​ទីក្រុងនាពេលបច្ចុ​ប្បន្ន​…

        ដោយៈ ច្រាយ ចំណាន         វៀតណាមៈ លោករ័ត្ន សុវណ្ណនរៈ ទេសាភិបាលរងធនា​គារជាតិនៃកម្ពុជា បានដឹកនាំគណៈប្រតិភូចូលរួម កិច្ចប្រជុំគណៈកម្មាធិការជាន់ខ្ពស់ (Senior Level Committee-SLC) ស្តីពីសមាហរណកម្មហិរញ្ញវត្ថុអាស៊ាន លើកទី២៨។ កិច្ចប្រជុំ បានពិភាក្សាពីស្ថានភាពម៉ាក្រូសេដ្ឋកិច្ច និងហិរ​ញ្ញវត្ថុតំបន់ និងពិនិត្យមើលពីវឌ្ឍនភាព នៃការងារសមាហរណកម្មហិរញ្ញវត្ថុអាស៊ាន ដើម្បីដាក់ចេញនូវគំនិតផ្តួចផ្តើមផ្សេងៗ សំដៅជំរុញនិងពន្លឿនសមាហរណកម្ម ហិរញ្ញវត្ថុអាស៊ានឱ្យស្របតាមទស្សនវិស័យ សហគមន៍សេដ្ឋកិច្ចអាស៊ានឆ្នាំ២០២៥ (AEC 2025) និងផែនការយុទ្ធសាស្រ្តសម្រាប់ AEC ឆ្នាំ២០២៦-២០៣០។  សេដ្ឋកិច្ចតំបន់អាស៊ានបន្តងើបឡើង ដែលគាំទ្រជាចម្បង ដោយភាពធន់នៃតម្រូវការក្នុងស្រុក និងការងើបឡើងនៃការនាំចេញ ក្នុងបរិការណ៍នៃស្ថានភាពប្រសើរឡើង នៃតម្រូវការខាងក្រៅ។ ទោះយ៉ាងណា ថាមភាពនៃកំណើនសេដ្ឋកិច្ចមិនទាន់បានត្រលប់ទៅរក កម្រិតនៅមុនវិបត្តិកូវីដ-១៩ យ៉ាងហោចណាស់…

ដោយ: គង់ លាងហួរ បាងកក: យោងតាមការស្ទង់មតិបានបង្ហាញថា បំណុលគ្រួសារជាមធ្យមរបស់ប្រទេសថៃ បានហក់ឡើងដល់កម្រិតខ្ពស់បំផុត ដោយសារតែការធ្លាក់ចុះនៃកំណើនសេដ្ឋកិច្ច ប្រាក់ចំណូល និងថ្លៃចំណាយលើការរស់នៅមានកម្រិតខ្ពស់។ បំណុលជាមធ្យមក្នុងមួយគ្រួសារ មានទំហំទឹកប្រាក់ចំនួន៦០៦.៣៧៨បាត (ប្រហែល១៧.៩០៨ដុល្លារអាមេរិក) កើនឡើង៨,៤ភាគរយ បើធៀបនឹងឆ្នាំមុន។ នេះបើយោងតាមការស្ទង់មតិនៅខែកញ្ញា ដោយសាកលវិទ្យាល័យសភាពាណិជ្ជកម្មថៃ។  តួលេខនេះជាកម្រិតបំណុល ជាមធ្យមខ្ពស់បំផុតមិនធ្លាប់ប្រទះ ចាប់តាំងពីការស្ទង់មតិ ត្រូវបានចាប់ផ្តើមរៀបចំឡើងជាលើកដំបូងនៅក្នុងឆ្នាំ២០០៩។ កំណើននៃបំណុល​ក្នុងគ្រួសារ បាន​ជះផលប៉ះពាល់​លើ​ប្រទេសថៃ។ កំណើនសេដ្ឋកិច្ចថៃ បានកើនឡើងនៅក្នុងអត្រាទាបជាង បណ្តាប្រទេសផ្សេងទៀតក្នុងតំបន់ ព្រោះប្រទេសថៃក៏កំពុងប្រឈមមុខ នឹងបញ្ហាអត្រាការប្រាក់ និងការនាំចេញធ្លាក់ចុះ ខណៈតម្រូវការនៅប្រទេសចិន ងើបឡើងវិញយ៉ាងយឺតសន្សឹមៗ។ រដ្ឋាភិបាល និងធនាគារកណ្តាលថៃ បានសម្តែងការព្រួយបារម្ភ ចំពោះបំណុលគ្រួសារចំនួន១៦,៤ទ្រីលានបាត (ប្រហែ​ល៤៨៤ពាន់លានដុល្លារ) ឬស្មើនឹងចំណែក៩០,៨ភាគរយនៃផលទុនជាតិសរុបរបស់ខ្លួន (GDP) គិតត្រឹមដំណាច់ចុងខែមីនា ឆ្នាំ២០២៤។…

ដោយ: គង់ លាងហួរអន្តរជាតិ: ក្រុមហ៊ុនផលិតយន្តហោះ Boeing របស់សហរដ្ឋអាមេរិកគ្រោងកាត់​បន្ថយ​ការ​ចំណាយ​ តាមរយៈការផ្អាក​ជ្រើសរើស​បុគ្គលិកបន្ថែម និង​ពិចារណា​​បញ្ឈប់​ការងារ​មួយចំនួនជាបណ្ដោះអាសន្ន ដើម្បី​ដោះស្រាយ​បញ្ហាកូដកម្មដ៏រ៉ាំរ៉ៃ។ បច្ចុប្បន្ន ការបន្តធ្វើកូដកម្មរបស់កម្មករជាង៣០.០០០នាក់ កំពុងជះផលវិបាកយ៉ាងធ្ងន់ធ្ងរដល់ក្រុមហ៊ុនផលិតយន្តហោះ Boeing របស់អាមេរិក។ តាមរយៈលិខិតមួយផ្ញើទៅកាន់បុគ្គលិក លោក Brian West ប្រធានទទួលបន្ទុកផ្នែកហិរញ្ញវត្ថុនៅក្រុមហ៊ុន Boeing បានគូសបញ្ជាក់ថា កូដកម្មនាពេលបច្ចុប្បន្ន បានជះផលប៉ះពាល់យ៉ាងធ្ងន់ធ្ងរដល់ដំណើរការស្តារឡើងវិញរបស់ក្រុមហ៊ុន។ លោកក៏បានទាមទារឱ្យមានការចាត់វិធានការចាំបាច់ ដើម្បីការពារដើមទុន និងធានាឱ្យបាននូវអនាគតរបស់ក្រុមហ៊ុនមួយនេះ។ ជាមួយគ្នានេះ ក្រុមហ៊ុន Boeing ក៏គ្រោងផ្អាកការបញ្ជាទិញគ្រឿងបន្លាស់ជាច្រើនសម្រាប់កម្មវិធីផលិតយន្តហោះប្រភេទ Boeing 737 យន្តហោះ Boeing 767 និងយន្តហោះ Boeing 777។ ការផ្អាកការបញ្ជាទិញគ្រឿងបន្លាស់សម្រាប់កម្មវិធីផលិតយន្តហោះភាគច្រើនរបស់ក្រុមហ៊ុន Boeing បានក្លាយជាការសម្រេចចិត្តដ៏កម្រមាន។ ការណ៍នេះនឹងបណ្តាលឱ្យមានបញ្ហាកង្វះយន្តហោះនៅក្នុងឧស្សាហកម្មអាកាសចរណ៍។ កាលពីពេលថ្មីៗកន្លងមក…

ដោយ: គង់ លាងហួរអន្តរជាតិ: យោងតាមទិន្នន័យពីរដ្ឋាភិបាលជប៉ុន បានបង្ហាញឱ្យដឹងនៅថ្ងៃទី១៨ ខែកញ្ញាថា តម្លៃដីនៅក្នុងប្រទេសជប៉ុនគិតត្រឹមថ្ងៃទី១ ខែកក្កដា ឆ្នាំ២០២៤ បានកើនឡើងក្នុងរង្វង់ជាមធ្យម១,៤ភាគរយបើធៀបនឹងឆ្នាំមុន។ តួលេខខាងលើបានបង្ហាញសញ្ញានៃការកើនឡើងរយៈពេល៣ឆ្នាំជាប់ៗគ្នា និងជាកំណើនដ៏ខ្ពស់បំផុតមិនធ្លាប់មានចាប់តាំងពីឆ្នាំ១៩៩២ ស្របពេលមានការកើនឡើងនៃវិស័យទេសចរណ៍ និងការវិនិយោគពីបរទេស ដោយសារតែតម្លៃប្រាក់យ៉េនដាំក្បាលចុះ។ តួយ៉ាង តម្លៃដីពាណិជ្ជកម្មបានកើនឡើង២,៤ភាគរយ ហើយតម្លៃដីលំនៅដ្ឋានបានកើនឡើង០,៩ភាគរយ។តម្លៃដីទាំង២ប្រភេទនេះបានកើនឡើងចំនួន៣ឆ្នាំជាប់ៗគ្នាក្នុងល្បឿនលឿនបំផុតមិនធ្លាប់ជួបប្រទះ ចាប់តាំងពីឆ្នាំ១៩៩២មក។ យោង​តាម​ក្រសួង​ដែនដី ហេដ្ឋារចនាសម្ព័ន្ធ ដឹកជញ្ជូន និង​ទេសចរណ៍​ជប៉ុនបាន​ឱ្យដឹង​ថា ឆ្នាំ១៩៩២ ជាឆ្នាំដែលតម្លៃ​ដីធ្លី​នៅប្រទេសជប៉ុនបាន​ដាំក្បាលចុះ ដោយសារពពុះ​​ក្នុងវិស័យអចលនទ្រព្យបាន​ផ្ទុះ​ឡើង។ យោងតាមរបាយ​ការណ៍​របស់ក្រសួង​ដដែលបាន​បញ្ជាក់​ថា​ “បច្ចុប្បន្ន តម្លៃ​ដីកំពុង​កើនឡើង​ជា​លំដាប់ ដែល​ឆ្លុះ​បញ្ចាំង​ពី​តម្រូវការ​ជាក់ស្តែង និងខុសប្លែកពី​ការ​ទិញ​-លក់​រយៈពេល​ខ្លី​ក្នុង​អំឡុង​ពេល​មាន​ពពុះ”។ បន្ទាប់ពីឆ្លងផុតវិបត្តិហិរញ្ញវត្ថុ ដែលបង្កឡើងដោយការដួលរលំនៃធនាគារ Lehman Brothers Holdings របស់សហរដ្ឋអាមេរិកក្នុងឆ្នាំ២០០៨ និងវិបត្តិជំងឺរាតត្បាតកូវីដ-១៩ គេសង្កេតឃើញថា ទីផ្សារដីធ្លីនៅប្រទេសជប៉ុនមាននិន្នាការកម្រើកកាន់តែខ្លាំង។…

ដោយ: គង់ លាងហួរអន្តរជាតិ: រដ្ឋាភិបាលឥណ្ឌូនេស៊ីបានសម្រេចដាក់បម្រាមផ្អាកការសាងសង់សណ្ឋាគារ វីឡា និងក្លឹបរាត្រី នៅតំបន់មួយចំនួនលើកោះបាលី ខណៈប្រទេសនេះកំពុងប្រឈមមុខនឹងការអភិវឌ្ឍន៍អគារច្រើនហួសកម្រិត។ លោកស្រី Hermin Esti មន្ត្រីជាន់ខ្ពស់នៃក្រសួងសម្របសម្រួលកិច្ចការសមុទ្រ និងការវិនិយោគឥណ្ឌូនេស៊ី បានបញ្ជាក់ប្រាប់សារពត៌មាន Reuters ថា រដ្ឋាភិបាលបានយល់ព្រមកំណត់ការផ្អាកនេះ។ប៉ុន្តែពេលវេលាពិតប្រាកដកំពុងស្ថិតក្នុងកិច្ចពិភាក្សានៅឡើយ។ លោក Sang Made Mahendra Jaya អភិបាលស្តីទីរបស់កោះបាលី បានអះអាងថា លោកបានស្នើឱ្យរដ្ឋាភិបាលដាក់បម្រាមផ្អាកការសាងសង់អគារនៅតំបន់មមាញឹកចំនួន៤លើកោះបាលី ដោយសារតំបន់ទាំងនេះមានការអភិវឌ្ឍន៍អគារពាណិជ្ជកម្មច្រើនហួសហេតុ ដូចជាសណ្ឋាគារ វីឡា និងក្លឹបជាដើម។ យ៉ាងណាមិញ ជុំវិញបញ្ហានេះ ខុទ្ទកាល័យអភិបាលកោះបាលី និងក្រសួងទេសចរណ៍របស់ប្រទេសឥណ្ឌូនេស៊ី ពុំបានឆ្លើយតបភ្លាមៗចំពោះសំណើសុំការអត្ថាធិប្បាយនោះទេ។ លោក Luhut Pandjaitan រដ្ឋមន្ត្រីក្រសួងសម្របសម្រួលកិច្ចការដែនសមុទ្រ និងការវិនិយោគឥណ្ឌូនេស៊ី ត្រូវបានដកស្រង់សម្តីដោយគេហទំព័រព័ត៌មាន…

ដោយ: គង់ លាងហួរអន្តរជាតិ: ម្ចាស់អគារកាន់តែច្រើននៅប្រទេសចិនគ្រោងបំពាក់គ្រឿងសង្ហារឹមផ្សេងៗនៅក្នុងបន្ទប់ការិយាល័យ ខណៈបញ្ហាប្រឈមផ្នែកហិរញ្ញវត្ថុបានធ្វើឱ្យក្រុមហ៊ុនអាជីវកម្មនានាងាកទៅជួលទីតាំងលក់រាយជំនួសវិញ។ លោកស្រី Fion Zhang ប្រធានការិយាល័យប្រឹក្សាយោបល់ និងសេវាប្រតិបត្តិការនៅក្រុមហ៊ុនប្រឹក្សាអចលនទ្រព្យ CBRE China បានអះអាងថា ការលើកទឹកចិត្តបែបនេះបានក្លាយជាការចាំបាច់ដើម្បីទាក់ទាញអ្នកជួល ស្របពេលមានការប្រកួតប្រជែងកាន់តែខ្លាំងឡើង ដោយសារអ្នកវិនិយោគមានការព្រួយបារម្ភអំពីបញ្ហាសេដ្ឋកិច្ច។ លោកស្រី​បន្ត​ថា​ “តម្លៃ​គ្រឿង​សង្ហារិម​បាន​ក្លាយ​ជា​កង្វល់​ដ៏​ធំ​មួយ​ក្នុង​ចំណោម​ក្រុមហ៊ុន​មួយ​ចំនួន​ដែល​ប្រឈម​មុខនឹង​បញ្ហា​ថវិកា​។ ប៉ុន្តែ ពួកគេ​នៅ​តែមាន​តម្រូវ​ការ​ខ្ពស់​ក្នុងការជួល​បន្ទប់​ការិយាល័យ​ថ្មី​។ ដូច្នេះ ម្ចាស់អគារគួរតែពិចារណាផ្តល់ជូនជាកញ្ចប់ ដើម្បីសម្របតាមតម្រូវការរបស់ពួកគេ”។ យោងតាមការស្ទង់មតិនាពេលថ្មីៗនេះដោយក្រុមហ៊ុនប្រឹក្សាអចលនទ្រព្យ CBRE ទៅលើក្រុមហ៊ុនចំនួន២៣៧ បានបង្ហាញថា ចំនួនមួយភាគបីនៃក្រុមហ៊ុន ដែលចាប់អារម្មណ៍ក្នុងការពង្រីក ឬផ្លាស់ប្តូរទីតាំងធ្វើការ ពុំមានលទ្ធភាពទិញគ្រឿងសង្ហារឹមយកទៅបំពាក់ការិយាល័យរបស់ពួកគេបាននោះទេ។ ប៉ុន្តែ ទោះជាយ៉ាងណា ក្រុមហ៊ុនផ្តល់សេវាកម្មអចលនទ្រព្យ CBRE បានបន្ថែមថា អ្នកជួលជាអ្នកទទួលបានអត្ថប្រយោជន៍ពីការដាំក្បាលចុះនៃទីផ្សារការិយាល័យ ខណៈការកើនឡើងនៃអត្រាការិយាល័យទំនេរបានធ្វើឱ្យអ្នកជួលមានប្រៀបជាងម្ចាស់អគារក្នុងអំឡុងពេលចរចាតម្លៃ។ យោងតាមរបាយការណ៍របស់ក្រុមហ៊ុន CBRE…

ដោយ: គង់ លាងហួរអន្តរជាតិ: យោងតាមក្រុមអ្នកវិភាគបានឱ្យដឹងថា ការបណ្តាក់ទុនលើសណ្ឋាគារកំពុងក្លាយជាគោលដៅរបស់វិនិយោគិនជាច្រើននៅទូទាំងពិភពលោក ដោយសារតែពលរដ្ឋសកលនៅតែបន្តធ្វើដំណើរ ទោះបីជាពួកគេជួបប្រទះភាពមិនច្បាស់លាស់ខាងផ្នែកសេដ្ឋកិច្ចយ៉ាងណាក្តី។ នៅក្នុងវិស័យអចលនទ្រព្យបែបបដិសណ្ឋារកិច្ច ប្រទេសជប៉ុនជាអ្នកនាំមុខគេ ខណៈបណ្តាក្រុមហ៊ុន និងអ្នកវិនិយោគជាច្រើនបានជ្រើសរើសទិញដីធ្លីដែលមានដាំដើមផ្កាសាគូរ៉ានៅប្រទេសជប៉ុន ដើម្បីធ្វើជាទីតាំងសាងសង់សណ្ឋាគារ។ ការកើនឡើងនៃវិស័យទេសចរណ៍ ការដាំក្បាលនៃតម្លៃប្រាក់យ៉េន និងការកំណត់គោលនយោបាយអត្រាការប្រាក់ទាបរបស់ធនាគារកណ្តាលជប៉ុនជាកត្តាចម្បងនាំឱ្យ ប្រទេសជប៉ុនក្លាយជាគោលដៅវិនិយោគដ៏ពេញនិយមនៅក្នុងវិស័យសណ្ឋាគារ។ លោកស្រី Sabine Schaffer សហស្ថាបនិក និងជានាយកប្រតិបត្តិនៃប្រតិបត្តិករសណ្ឋាគារ Pro-invest Group ដែលមានមូលដ្ឋាននៅប្រទេសអូស្ត្រាលី បានអះអាងថា “ផ្នែកបដិសណ្ឋារកិច្ចកំពុងស្ទុះងើបឡើងវិញបន្ទាប់ពីបញ្ហាប្រឈមជំងឺកូវីដ-១៩បានធូរស្រាល”។ លោកស្រីបញ្ជាក់ថា អ្នកវិនិយោគហាក់មិនសូវចាប់អារម្មណ៍លើវិស័យបដិសណ្ឋារ ក្នុងកំឡុងពេលការធ្វើដំណើរនៅលើពិភពលោកបានផ្អាក បន្ទាប់ពីមានការកើនឡើងនៃករណីឆ្លងជំងឺរាតត្បាត។ ប៉ុន្តែ សណ្ឋាគារបានក្លាយជាប្រភេទទ្រព្យសកម្មមួយដែលមានតម្រូវការខ្ពស់ជាងគេ ក្រោយវិបត្តិកូវីដ”។ យោងតាមការស្ទង់មតិដោយក្រុមហ៊ុន CBRE ទៅលើក្រុមអ្នកវិនិយោគចំនួន៣០០រូប នៅទូទាំងពិភពលោកបានបង្ហាញថា អ្នកវិនិយោគចំនួនជាង៥០% គ្រោងបណ្តាក់ទុនលើសណ្ឋាគារបន្ថែមទៀតនៅឆ្នាំនេះ ឱ្យបានក្នុងទំហំទឹកប្រាក់ច្រើនជាងឆ្នាំ២០២៣…