vlk

ដោយៈ គង់ សូរិយាកោះកុងៈ អភិបាលរង នៃគណៈអភិបាលខេត្តកោះកុង លោកហាក់ ឡេង បានទទួលស្វាគមន៍ សមាគមសហគ្រិនវ័យក្មេងកម្ពុជា ដើម្បីសម្តែងការគួរសម ពិភាក្សាការងារស្តីអំពីការបង្កើតសមាគមសហគ្រិនវ័យក្មេងកម្ពុជា សាខាខេត្តកោះកុង និងការរៀបចំចងក្រងសៀវភៅមគ្គុទេសក៍វិនិយោគ សម្រាប់ខេត្តកោះកុង។ លោកហាក់ ឡេង អភិបាលរងខេត្តបានលើកឡើងថា សមាគមសហគ្រិនវ័យក្មេងកម្ពុជា ជាសមាគមដ៏សកម្មនៅកម្ពុជា ដែលមានសមាជិកប្រមាណជាង៦០០នាក់ សុទ្ធតែជាម្ចាស់អាជីវកម្មខ្នាត តូច មធ្យម និងធំ ដែលមានស្នាក់ការកណ្តាល នៅរាជធានីភ្នំពេញ និងសាខា តាមបណ្តាខេត្តចំនួនប្រាំមួយផ្សេងទៀត។ លោកអភិបាលបន្ថែមថា សមាគមសហគ្រិនវ័យក្មេងកម្ពុជា ដែលមានបេសកកម្ម គាំទ្រឱ្យធុរៈកិច្ចកម្ពុជា អាចប្រកួតប្រជែងជាមួយ ធុរៈកិច្ចនៅក្នុងតំបន់អាស៊ាន និងនៅលើឆាកអន្តរជាតិ និងជាសេនាធិការផ្នែកសហគ្រិនវ័យក្មេង និងធុរកិច្ច ជាមួយរាជរដ្ឋាភិបាល ជាពិសេសចូលរួមទាក់ទាញវិនិយោគិន និងចាប់ដៃគូពាណិជ្ជកម្មក្នុងយន្តការទំនាក់…

ដោយៈ គង់ សូរិយាភ្នំពេញៈ ប្រសិនជាគ្មានអ្វីប្រែប្រួលទេនោះ សម្តេចធិបតីហ៊ុន ម៉ាណែត នាយករដ្ឋមន្រ្តីនៃកម្ពុជា នឹងអញ្ជើញចូលរួមសម្ភោធកំពង់ផែពហុបំណងខេត្តកំពតនាថ្ងៃទី៦ មិថុនាខាងមុខនេះ។ រដ្ឋលេខាធិការក្រសួងសាធារណៈការ និងដឹកជញ្ជូន លោកអៀង វ៉េងស៊ុន បានដឹកនាំកិច្ចប្រជុំ ពិនិត្យវឌ្ឍនភាពការងារត្រៀមរៀបចំពិធី សម្ពោធកំពង់ផែដ៏ធំ និងលើកដំបូងរបស់ខេត្តកំពតកាលពីសប្តាហ៍មុន។ កំពង់ផែនេះ ត្រូវបានវិនិយោគដោយក្រុមហ៊ុនកំពតផត (KAMPOT PORT Co., Ltd.) របស់អ្នកឧកញ៉ា វិញ ហ៊ួរ។កិច្ចប្រជុំនោះ ត្រូវបានរៀបចំឡើងក្នុងគោលបំណង ដើម្បីពិនិត្យវឌ្ឍនភាពការងាររបស់គណៈកម្មការ និងអនុគណៈកម្មការនីមួយៗ ព្រមទាំងពិនិត្យមើលការងារផ្សេងៗ ដែលនៅសេសសល់។ លោករដ្ឋលេខាធិការប្រធានគណៈកម្មការ បានណែនាំឱ្យសមាជិក សមាជិកានៃគណៈកម្មការ និងអនុគណៈកម្មាការទាំងអស់ ត្រូវសហការគ្នាឱ្យបានជិតស្និទ្ធជាមួយភាគីពាក់ព័ន្ធ ផ្តល់ព័ត៌មានទៅវិញទៅមកឱ្យបានគ្រប់ជ្រុងជ្រោយ ជាពិសេស ត្រូវអនុវត្តតាមតួនាទី និងភារកិច្ច…

ដោយៈ គង់ ម៉ាលីនណា ភ្នំពេញៈ មន្រ្តីជាន់ខ្ពស់នៃក្រុមប្រឹក្សាអភិវឌ្ឍន៍កម្ពុជា(CDC) ពិ ភាក្សាការងារ ជាមួយគណៈប្រតិភូវិនិយោគ ក្នុងវិស័យឧស្សាហកម្ម, បច្ចេកវិទ្យា, អេឡិចត្រូនិច និងសុខាភិបាល ដើម្បីសិក្សាស្វែងយល់ពីសក្តានុពលវិនិយោគ និងកាលានុវត្តភាពវិនិយោគ ព្រមទាំងព័ត៌មានទាក់ទងនឹងបទប្បញ្ញត្តិពាក់ព័ន្ធនៅកម្ពុជា។ កិច្ចប្រជុំនេះ មានការអញ្ជើញចូលរួមពីលោកសួន សុផល អគ្គលេខាធិការរង គណៈកម្មាធិការវិនិយោគកម្ពុជា បានដឹកនាំក្រុមការងារទទួលជួបពិភាក្សាការងារ ជាមួយគណៈប្រតិភូវិនិយោគក្រុមហ៊ុន Far East Trade Service Inc (FETS) តំណាងដោយលោក Lourence Lo ប្រធានក្រុមប្រឹក្សាភិបាល ក្នុងគោលបំណងសិក្សាស្វែងយល់ ពីសក្តានុពលវិនិយោគ និងកាលានុវត្តភាពវិនិយោគ ព្រមទាំងព័ត៌មានទាក់ទងនឹងបទប្បញ្ញត្តិពាក់ព័ន្ធនៅកម្ពុជា។ ក្នុងជំនួបនោះ លោកសួន សុផល បានថ្លែងអំណរគុណជូនចំពោះគណៈប្រតិភូ…

      ដោយៈ គង់ សូរិយា       ភ្នំពេញៈ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានថ្លែងថា ផែនទីបង្ហាញផ្លូវឆ្ពោះទៅការគ្របដណ្តប់ សុខភាពជាសកលនៅកម្ពុជា” បានកំណត់គោលដៅជាក់លាក់ចំនួន៣។ ក្នុងឱកាសអញ្ជើញប្រកាស ដាក់ឱ្យអនុវត្តន៍ជាផ្លូវការផែនទីបង្ហាញផ្លូវ ឆ្ពោះទៅការគ្របដណ្តប់សុខភាពជាសកល នៅកម្ពុជាឆ្នាំ២០២៤-២០៣៥ នៅថ្ងៃទី២៣ ខែឧសភា ឆ្នាំ២០២៤ សម្តេចធិបតី ហ៊ុន ម៉ាណែត បានបញ្ជាក់ថា “ផែនទីបង្ហាញផ្លូវឆ្ពោះទៅការគ្របដណ្តប់សុខភាពជាសកលនៅកម្ពុជា” បានកំណត់គោលដៅជាក់លាក់ចំនួន៣ រួមមានទី១ ការពង្រីកវិសាលភាពនៃការគ្របដណ្ដប់សេវាសុខាភិបាល ជាសារវន្ត ឱ្យបានយ៉ាងហោចណាស់៨០ភាគរយ នៃប្រជាពលរដ្ឋសរុប។ បច្ចុប្បន្ននេះមានជិត៧លាននាក់ ស្មើនឹង៤១ភាគរយនៃប្រជាជន មានលទ្ធភាពគ្របដណ្តប់ដោយប្រព័ន្ធ គាំពារសង្គមតាមរូបភាពណាមួយ។ ដូច្នេះគោលដៅ “ផែនទីបង្ហាញផ្លូវឆ្ពោះទៅការគ្របដណ្តប់សុខភាពជាសកលនៅកម្ពុជា” រយៈពេល១២ឆ្នាំនេះ មានប្រជាពលរដ្ឋជិត១៤លាននាក់ អាចមានលទ្ធទៅរកសេវាសុខាភិបាលនៅជិតពួកគាត់…

      ដោយៈ គង់ សូរិយា ភ្នំពេញៈ អ្នកឧកញ៉ាគិត ម៉េងប្រធានសភាពាណិជ្ជកម្មកម្ពុជា បានជម្រាបជូន គណៈប្រតិភូចិនអំពីកំណើនសេដ្ឋកិច្ច កាលនុវត្តភាព និង បច្ចុប្បន្នភាពនៃវិស័យសក្តានុពលកម្ពុជា និងបានជំរុញលើកទឹកចិត្តវិនិយោគិនចិន បណ្តាក់ទុនវិនិយោគបន្ថែមទៀតនៅកម្ពុជា ដែលជាទីតាំងដ៏សមស្របបំផុតសម្រាប់ការវិនិយោគ។ អ្នកឧកញ៉ាបានបញ្ជាក់ថា “កម្ពុជាមានកំណើនសេដ្ឋកិច្ចខ្ពស់ មានស្ថិរភាពនយោបាយ កម្លាំងពលកម្មវ័យក្មេង ថ្លៃដើមមានលក្ខណៈប្រកួតប្រជែង មានទីតាំងភូមិសាស្ត្រ ជាយុទ្ធសាស្ត្រនៅចំកណ្តាលអាស៊ាន មានទីផ្សារធំទូលាយនៅទូទាំងពិភពលោក និងមានបរិយាកាសធុរកិច្ចល្អប្រសើរ”។ អ្នកឧកញ៉ា គិត ម៉េងបានមានប្រសាសន៍បែបនេះ ក្នុងពិធីទទួលជួបសម្តែងការគួរសម និងពិភាក្សាការងារជាមួយលោក យ៉ាង យូស៊ីង (Yang Youzing) អនុប្រធានសហព័ន្ធឧស្សាហកម្មនិងពាណិជ្ជកម្មចិនទាំងអស់ (All-China Federation of Industry and Commerce)…

ដោយ: គង់ លាងហួរ អន្តរជាតិ: យោងតាមសេចក្តីប្រកាសព័ត៌មានរបស់ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន+៣ (AMRO) ចេញផ្សាយនៅថ្ងៃព្រហស្បតិ៍ ទី២៣ ខែឧសភា បានបង្ហាញថា សេដ្ឋកិច្ចកម្ពុជានឹងកើនឡើងយ៉ាងរឹងមាំនៅឆ្នាំ២០២៤ ដែលជំរុញដោយការកើនឡើងនៃការនាំចេញ និងការបន្តស្ទុះងើបឡើងវិញនៃវិស័យទេសចរណ៍។ លោក Jinho Choi សេដ្ឋវិទូជាន់ខ្ពស់របស់ស្ថាប័ន AMRO បានបញ្ជាក់នៅក្នុងសេចក្តីប្រកាសព័ត៌មានថា ​សេដ្ឋកិច្ចកម្ពុជាត្រូវបានព្យា​ករណ៍ថា នឹងកើនឡើង៥,៦% នៅឆ្នាំ២០២៤ និង៥,៩% នៅឆ្នាំ២០២៥ ដែលកើនឡើងពី៥% ក្នុងឆ្នាំ២០២៣។ លោកបានបន្ថែមថា “ការងើបឡើងវិញនៃវិស័យកាត់ដេរ កំនើនប្រកបដោយនិរន្តរភាព នៃការនាំចេញផលិតកម្មផ្សេងទៀត និងការបន្តស្ទុះងើបឡើងវិញនៃវិស័យទេសចរណ៍ នឹងគាំទ្រដល់ការងើបឡើងវិញនៃសេដ្ឋកិច្ចរបស់កម្ពុជា”។ ទោះជាយ៉ាងណាក្តី ដំណើរនៃការងើបឡើងវិញអាចរងផលប៉ះពាល់ពីហានិភ័យខាងក្រៅ និងភាពងាយរងគ្រោះក្នុងស្រុក ជាពិសេ​សការដាំក្បាលចុះ នៃវិស័យអចលនទ្រព្យ និងការធ្លាក់ចុះនៃគុណភាពឥណទាន។ ជាមួយគ្នានេះ លោក…